ฟีลิปปี 1:13 - ลีเทส่อพ๊าอาเซ เร๊อ เห่ขุทวาลู๊

¹³ เด๊อ แว หยื่อเอ่ ครี๊ อาขว่าอาคยา, เร๊อ อู ด๊อโอ่ แว เด๊อ ทอกู แพ๊ เนอหม่า ล๋อ เกลอฮู๊ โอ่ป่อ คุ๊ยโฮเท เออเนอเต๊เห่ เบ่เบ่, ล๋อ แกแย เด๊อ อาโร เนอเต๊เห่ เบ่เบ่, อา ซิเง ลอ แพ๊.

Eastern Kayah Shadaw Dialect

¹³ ꤘꤣ ꤠꤢꤧ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤘꤢꤪꤥ꤬ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤖꤢꤧ ꤔꤣꤧ꤬ꤗꤢ꤬ ꤜꤢꤪ꤭ ꤊꤜꤣꤧ꤭ꤟꤢꤨ ꤥ꤬ꤕ꤫ꤢꤪ꤬ ꤋꤝꤤꤟꤥ꤭ꤓꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤞꤤꤑꤢꤩ꤭ ꤜꤢꤪ꤭ ꤖꤢꤧ꤯

ฟีลิปปี 1:13 Cross References

เพรโด่แนพู๊ เต๊เห่ 26:29

คูเปาโล เฮ๊ฉื่อ เน๊อ, “เด๊อ เตอเปลอฮู๊ อากู เบ่เบ่, อา งยา เจ๊อ เบ่เบ่, อา โหล่ดุน๊อโต่. แว กุยจ๊อเบ เป่ตื๊อ เนเตเพร อาเง หม่าโต่, แว กุยจ๊อเบ หนิเป่ลอ ล๋อ แกแย เด๊อ อา หนิโฮ แว เตเฮ๊เบ่ กู๊แหน่เออ เต๊เห่ เก่ ทวาแถ่เกอ ครี๊พู๊ แซ่เน๊อ แวเออ, หม่าแน๊เรอ เต เด๊อ แว ซิหยื่อ นอป่อชิเต่อเบ่เกอ ซี โต่ เนอหม่า อา โอ่ตื๊อแพ๊ ฮู๊ อู ด๊อตา แว เด๊อ ทอกู เร๊อ อู จอหม่า แว เร๊อ สู่เปลอต่อเท๊ เออเนอแพ๊.”

เพรโด่แนพู๊ เต๊เห่ 26:31

เร๊อ เหย่ซี เถ่จว๊าแก ลอ เด๊อ อากลอ เร๊อ อา เฮ๊ เกอเร๊อ แคลู เตเพร เร๊อ เตเพร ฮู๊เออ, “แกแย เออเตเพรเนอ อาเตซื๊อ เด๊อ เบ่ เมจากาคยา เซอแก อา เนอเบ่เบ่, หม่าโต่เร๊อ เบ่ ด๊อโนแก อา เด๊อ ทอกู เนอเบ่เบ่, เตซื๊อ เด๊อ อา เม ตาลว๊าตาแก ฮู๊เออเนอ, อา โอ่ เตอเจ๋อ โต่.”

เพรโด่แนพู๊ เต๊เห่ 28:17

โซเซ บาเฮ๊อเนอ, คูเปาโล เอ๊ปล๊อหนิ แกแยยิวพู๊ เด๊อ อา ทวา อากู่กล๊อทวาดุ เบ๊อะวีโรม เนอเต๊เห่. เบ๊อะเหย่ซี แฮโต่ ลอเฮ๊อ เบ๊อะเนอ, อา เฮ๊ เหย่ซี เน๊อ, “แว โป่แหว่ ซี๋, เตเม โตโมเต๊เก่ฉื่อ เป เมวเจอะ เต๊เห่ เบ่เบ่, หม่าโต่เรอ เต เด๊อ อา โค๊เล๊อ เร๊อ เป เหล่โกลเหล่แบ่ เด๊อ เป พย๊าหนิ เด๊อ เป โหมะเพเพอโพ เด๋อ งย๊าเค เต๊เห่ อา โอ่ เนอ เบ่เบ่, แว เมน๊อ เร๊อ เตอเจ๋อ โต่. หม่าแน๊เรอ อู ปื่อ แว เด๊อ วีเยรูซาเล็ม อากู เร๊อ อู เด๊อะตาแก แว เด๊อ โรมัน เต๊เห่ อา กู๊ยากู.

เพรโด่แนพู๊ เต๊เห่ 28:20

เด๊อ เตหรี่เตแก เออ อาขว่าอาคยาเร๊อ, แว กุย เกอ เหย่ซี เด๊อ อา เก่ เด๊อะแม๊เถอะ เฮ๊เบ่เกอ เต เน๊อ ซี. เก่เฮ๊เนอหม่า เด๊อ ซี หม่าเฮ๊อ แกแยยิวพู๊ เออเต๊เห่ อา เตแม๊ชือ อาขว่าอาคยาเร๊อ, อู เบ่ จอกลอหม่าแก แว เน๊อ สู่เปลอต่อเท๊ เออ เฮ๊อ.”

เพรโด่แนพู๊ เต๊เห่ 28:30

คูเปาโล โอ่ เบ๊อะหี่ เด๊อ อา จว๊า คยา โอ่โก๊หนิ เออเนอ เนอหน่า เร๊อ อา เอ๊โหมะฉื่อ ล๋อ แกแย เด๊อ อา จว๊า โอ่เล เกอ ลู เนอเต๊เห่.

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

เอเฟซัส 6:20

เด๊อ ครี๊ นว๊าเถ่ เฮ๊อ แว เร๊อ อา เพรเฮ๊โฉ่ เตหรี่เตแก เตเพร เด๊อ แว เก่ แด๊โฉ่โด่แน เป่ อู เร๊อ เตซิครือมีลา เออ อาขว่าอาคยา, กู๊แหน่เออ แว ตาเฮ๊อ เด๊อ ทอกู เฮ๊อ. เต เด๊อ แว โตเบ่ โด่แน เป่ อู เต๊เห่เนอ, แซ่ฮู๊ แว เก่ โด่แน ฮาฮา เป่ อู อาเงเนอเนอ, กุยจ๊อเบ เป่ เกอ เด๊อ แวเง นี๋.

ฟีลิปปี 1:30

เตช๊า เด๊อ ซี ช๊า เออเนอหม่า อาแซ่เน๊อ แว ช๊า โทเฮ๊อ เนอเต๊เห่ แพ๊. แว ข่าเบ่ เต เด๊อ อาเหร่ออาเนอ เนอเต๊เห่หม่า ซี แม๊เถอะ โทดื่อ เฮ๊อ. โทเร๊อ ฮู๊ ซี หนิโฮ เฮ๊อ เนอ, แว ช๊า ตื๊อดื่อ โต่ ปา เจ๊อ กู๊แหน่เออเนอ เจ๊อ.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

ฟีลิปปี 4:22

ล๋อ จอแปแหร่ อาแกแย เบ๊อะเออ เต๊เห่ ซูจว๊า เป่เกอ ลอ อา เตเฮ๊โมเฮ๊แร๊ เต๊เห่ เด๊อ ซีโอ่. เล๋อ หม่าเฮ๊อ โป่แหว่ เด๊อ อา เม เตเม เด๊อ จ๊อแผ่ดุ โฮกู เนอเต๊เห่ เฮ๊โมเฮ๊แร๊ จว๊าหนิ เป่เกอ เจ๊อ ซี เจ๊อ.

ทิโมธี เนอบ่า ต๊าบ่า 2:9

แว ย๋อ แด๊โฉ่โด่แน เป่ อู เตซิครือมีลา อาขว่าอาคยาเร๊อ, แว ข่าเบ่เฮ๊อ เตจาเตจือ เร๊อ อู จอกลอหม่า เจ๊อ แว เน๊อ สู่เปลอต่อเท๊ แซ่เน๊อ แกแย เมซื๊อ เตซว๊าเตแส่ เตเพร เจ๊อ. หม่าแน๊เรอ จอแปแหร่ อาลาอาโหง่ เนอ อู จอกลอหม่าแจ่ อา โต่.