فیلیپیان 4:8 - کتاب مقدس به زبان گیلکی - گویش شرقی

⁸ سرأخره، ای برأرون، هرچی کی راسته، هرچی کی حرمت دانه، هرچی کی دوروسته، هرچی کی پاکه، هرچی کی دوست‌داشتنی و هرچی کی قابل پرستش ایسه، اگر عالی ایسه و اگر پرستش ارزشه دانه، اون باره فیکر بوکونین.

کیتاب مقدّس به گیلکی (رشتی)

⁸ آخرٚ سر، اَی برأرأن، هر چی کی راسته، هر چی کی سرتره، هر چی کی دوروسته، هر چی کی پاکه، هر چی کی دوس دأشتنی‌یه، هر چی کی شأ اونٚ خُبی‌یَ گفتن و هر چی کی عالی و قابلٚ ستایش کودنه، اوشأنٚ رِه عمیق فیکر بوکونید.

Gilaki New Testament

⁸ و اَسه، می جأن و دیلٚ ریفِقأن، آخرسٚر ایچی شٚمٚره گم: شیمی فیکرَ اوچی سٚر جمَ کونید کی دوروست و قأبیلٚ ایحترأمه، اوچی سٚر کی دوروست و تیمیز، اوچی سٚر کی دوس دأشتنیه و شأ ستأیٚش کودن. کأرأنی‌یَ فیکر بوکونید کی خٚیلی خوروم بٚبه و بشأ تمجید کودن.

کتاب مقدس به زبان گیلکی - گویش رشت و غرب گیلان

⁸ آخر بسر، ای براران، هر اونچی كی راستِ، هر اونچی كی حرمت دَره و هر اونچی كی دُرُستِ، هر اونچی كی پاكِ، هر اونچی كی دوست داشتَنیه و هر اونچی كی پرستشِ ره قابیله، اَگه عالیه، اگر پرستشِ ارزشَ دَره، اَشانِ باره فكر بُكونيد.

فیلیپیان 4:8 Cross References

متّی 22:16

اوشؤن خوشؤنِ شاگردؤنِ هیرودیسِ هوادارؤنِ اَمره اونه ورجه سرا دَئن و بوُتن: «اوستاد، دؤنیم که تو صاف و صادق مرداکی و خدا راهِ به درستی یاد دِئنی و کسَ جی واهیمه ندئنی چونکه ظاهیره نیگاه نوکُوئنی.

مَرقُس 6:20

چونکه هیرودیس یحیی جی واهیمه داشت، چَره که یحیی یکته صالح مَرداک و مقدس دونَس و هینه واسه اونای محافظت گود. هر وخت که یحیی گبؤن ایشتؤس، خیلی حیرؤن و پریشونَ بو. ولی هنده، اونه گبؤنِ ذوق أمره گوش دا.

لوقا 16:15

عیسی اوشونه بوته: «شمه او کَسونی ایسیّن که خودتونِ مَردم به صالح نیشون دئنین، امّا خُدا شیمه دیلؤنای خبر دَئنه. چونکه اوچیزی که مَردم اونه خیلی ارزش دِئنَن، خُدا دید میئن ناپسند ایسّه!

لوقا 2:25

هو زمون میئن، یکته صالح و خداترس مَرداک، به ایسمِ شَمعون، اورشلیم میئن زندگی گود که مسیح موعود ریفاه ایسابو و روح القدس، اونه سر هنّه بو.

لوقا 23:50

اوره یکته مردکای به ایسم یوسف ایسَه بو، یهودیه رامه شهرا جی. او شورا عضو بو، یوسف مَرداکی بو خُوروم و صالح،

یوحنا 7:18

اونی که خوشَ جی گونه، خوشِ جلالِ دومبالِ، امّا اونی که خوأنه خوشِ سرا دائن کسِ جلال بدای، راست گونه و اونه میئن هیچ دروغی ننأ.

اعمالٚ رسولأن 10:22

اوشون بوتَن: «رومی فرمونده كُرنِلیوس اَمره سرا دا. او یکته خداترس و درستکار مرداک ایسّه و یهودی أن همته اونه جی خورومی تعریف کوئنن. او یکته مقدس فرشته جی دستور هیته که أمه تی دومبال سرادی و تَه خو خونه دعوت بکونی، تی گبؤنِ بشتؤئی.»

اعمالٚ رسولأن 22:12

«دمشق دیرون، یکته دیندار مرداک که شریعت حکمؤنِ همه انجوم دَه زندگی گود، اینه ایسم حنانیا بو، که یهودی أن میئن، خوشنام بو.

اعمالٚ رسولأن 6:3

پس ای برأرؤن، شمه میئنای هفت‌ته خوش‌نوم که روح و حکمتَ جی پورا گوده بوبوئن دوجین بکونین تا اوشونه ایی كار سر بنایم

رومیأن 13:13

باین درست رفتار بوکونیم کی شایسته اوشونی ایسه کی روج روشنایی مئن سر کونن. نه عیاشی و عرق خوری مئن، نه زینا و هرزگی مئن، نه دعوا مرافعه و حسودی مئن.

رومیأن 13:3

چون اوشونی کی درست رفتار کونن حاکیمون اجی ترس ندانن، امّا خلافکارون اوشونه ترسنن. خانی صاحیب منصبون اجی نترسی؟ پس او چیَ کی درسته انجوم بدی کی تأ تحسین کونه.

رومیأن 14:18

هرکس ایطو مسیحَ خدمت بوکونه، خُدا اونَ قبول دَانه و مَردومم اونَ تصدیق کونن.

رومیأن 2:29

بلکی یهودی اونی ایسه کی باطین مئن یهودی ببون و ختنه هم کاری ایسه دیلی، کی خدا روح اونِ انجوم دئنه، نه بواسطه یکته بنویشته. ایتوچی ادمه خُدا تحسین کونه، نه اینسون.

اوّل قرنتیان 4:5

پس هیچ چیز باره پیش از اون موعد قضاوت نکونین تا اینکه خداوند بای. هو خداوندی که اوچی که الون ظلمات میئن جا بخورده هننا روشنایی میئن نمایون کوئنه و دیلون نیتونه برملا کوئنه. بازین هرکس خوشه تعریف و تمجیده خدا جی گینه.

دوم قرنتیان 13:7

ولی امه خدا محضر مئن دعا کونیم کی خطا نوکونین، نه ای کی معلوم ببون امه ای ایمتحون اجی سربولند بیرین بمایم، بلکی شمه او چئه کی درست ایسه، بوکونین، حتی اگر ایطو نوشون بدئه که امه ردابویم.

دوم قرنتیان 6:8

عزت و خواری مئن، و بهتون و تعریف مئن، امئه همرا دغلبازون جور برخورد بنه، با ای حال راستگو ایسیم،

دوم قرنتیان 8:18

امه یکته ده براره تیتوس همرا سرادئنیم که انجیل موعظه به تموم کلیسائان مئن سرشناسه.

دوم قرنتیان 8:21

چونکی تقلا کونیم نه فقط خداوند نظر مئن، بلکی مردوم دید مئنم او چئه کی خوبه انجوم بدیم.

غلاطیأن 5:22

اما خدای روح ثمره، محبت، شادی، صلح و سلامتی، صبر، مهربؤنی، خوبی، وفاداری،

افسسیان 4:25

پس دورؤغ اجی دست ویگیرین و شیمئه همسایهَ راست گب بزنین، چره که امه همه ته، کس کس همأ یکته اعضا ایسیم.

افسسیان 5:9

چونکی نور ثمره هرجور خؤرمی، راستی و درستی مئن پیدا بنه.

افسسیان 6:14

پس قایم بیسین، اوجور که حقیقت غیشه دبستین و شیمئه صالحی زرهَ دودین،

فیلیپیان 3:1

سرأخره، أی می برأرون، خداوند مئن شاد ببین! تموم ایشونی کی شیمئبه نیویشته درم مئبه زحمت نئه؛ بلکی شیمئه امنیت واسی ایسه.

کولسیان 4:5

او مردومؤن همرأ کی کلیسا یأجی بیرین درن، حکمت همأ کردکار بدأرین و هرته وقت أجی خؤرم ایستفاده بوکونین.

اوّل تسالونیکیان 4:12

تا اوشؤن جلؤ کی کلیسا یأجی بیرین درن، درستی همرأ زیندگی بوکونین و هیکس محتاج نبین.

اوّل تیموتائوس 2:2

پادشائان و صاحیب منصبؤن ئبه، تا بوتؤنیم یکته آرؤم و راحت زیندگی بدأریم، که هر بابت أجی دینداری و وقار همرأ ببون.

اوّل تیموتائوس 3:11

هیجور ایشؤن زنأکؤنم خأ وقار بدأرن، بهتؤنزن نبون، بلکی واخوب ببون و همه چی مئن وفادار ببون.

اوّل تیموتائوس 3:4

او خأ خوشه خؤنوادهَ بأقأیده بگردؤنه و خوشه زاکؤنه یک جور تربیت بوکونه که اون أجی تمؤم احترؤم همرأ ایطاعت بوکونن.

اوّل تیموتائوس 4:12

نوگذأر هیکس تی جوؤنئه کوچیکأکونه، بلکی گب زئن مئن و کردار و محبت و ایمؤن و پاکی مئن، همه ته ایمؤندارؤن ئبه یکته نمونه ببأش.

اوّل تیموتائوس 5:10

و خؤرم کارؤن أنجؤم دأن مئن شناس ببون، یعنی: خوشؤن زاکؤنه پیلله بوده‌بی، نسبت به غریبه ئان میمؤندوست ببون، مقدسین پأنه بوشؤرده بی، دردمندؤن أجی مراقبت بوده بی، و خوشؤنه هرجور خؤرم کار ئبه وقف بوده‌بی.

اوّل تیموتائوس 5:2

و پیرزنأکؤنه شیمئه مأرؤن مورسؤن، و جوؤن زنأکؤنه شیمئه خأخؤرؤن مورسؤن؛ تمؤم پاکی مئن.

تیتوس 1:8

بلکی خأ میمؤندوست ببون، خوبیِ دوست بدأره، خوشه نفس جلؤ بدأره، درستکار و مقدس ببون و نظم بدأره.

تیتوس 2:14

کی خوشه جؤنه أمئبه هدأ تا أمره هرته شرارت أجی رهایی بدئه و پاک مردومی خوشئبه چاکونه که هچی خودش شی ببون و خؤرم کارؤن ئبه غیرت بدأرن.

تیتوس 2:2

پیرمرداکؤن هوشیار و باوقار ببون، خوشؤن نفس جلؤ بگیرن و ایمؤن و محبت و پایداری مئن درست رفتار بوکونن.

تیتوس 2:7

همه چی مئن خؤرم کارؤن ئبه یکته نمونه ببأش، تی تعلیم مئن صاف و صادق و باوقار ببو

تیتوس 3:14

بدأ أمئه مردوم باموجن که احتیاجؤن برطرف گودن وأسی، خوشؤنه خؤرم کارؤن ئبه وقف بوکونن و بی ثمر نبون.

عبرأنیأن 11:2

چون ایمون خؤنی بو که قدیم مردومون باره خوبی همرأ تعریف بودن.

عبرأنیأن 13:18

امئبه دعا بکونین، چون اطمینون دانیم که امئه وجدون پاکه و خأنیم هر طرف جی سربولند ببیم.

یعقوب 1:27

پاک و خالص دینداری، أمه پِئرِ دید میئن، ای ایسّه: یتیمؤن و بیوه زناکونِ دستِ، مصیبت مئین بگیریم و امه فاسد دنیا جی دوراکونیم.

یعقوب 3:17

ولی او حکمتی که آسمون جی ایسّه، اول پاک ایسّه، بازین صلح آمیز و آروم و نصیحت گوشکونه، و خوروم ثمرات و رحمت جی پوره، و فرق نائن و دورویی جی دور ایسه!

۱پطرس 1:22

ایسه که حقیقت أجی ایطاعت گودن همرأ شیمئه جؤنؤنه پکأگودین تا بی‌ریا برأرؤنه محبت بدأرین، کس کسه خالصؤنه و پاک دیل همرأ دوست بدأرین.

۱پطرس 2:12

شیمئه کردکار بی‌ایمؤنؤن مئن محترم ببون تا اوشؤنی کی شیمئه ضید گب زئنن کی شیمئه اعمال بد ایسه، شیمئه خؤرم کارؤن دئن أجی، خدا او روز مئن کی اینیم پرستش بوکونن.

۱پطرس 4:8

همه أجی مهمتر، کس کسه جؤن و دیل همرأ دوست بدأرین، چون دوست دأشتن، خیلی گونائانه دپوشؤنئنه.

دوم پطرس 3:1

أی عزیزؤن، ای دومی نؤمهَ کی شیمئبه نویشته درم. هر دوته نؤمهَ ای نیت أجی شیمئبه بنویشتم کی شمره یاد بأرم و شیمئه پاک فیکرؤنه به شؤق بأرم،

اوّل یوحنا 3:18

ای کوچِ زاکؤن، باء محبت بکونیم، نه زبون و گبِ زئن امره، بلکه حقیقتی رفتار امره!

اوّل یوحنا 3:3

هرکس که ایجور امید اونه به دئنه خوشِ پکا کوئنه، هوتو که او پاک ایسّه.

اوّل یوحنا 4:1

عزیزؤن، هرته روحِ باور نکونین، بلکه روحونِ امتحون بکونین که بینین خدا جی ایسّن یا نه.