13 ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.
ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.
ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.
ᔩᓱᓯᐅᑉ ᑭᐅᕚ, “ᕾᓕᕆᑦ!” ᑕᕝᕙ ᐲᑦᑐᕉᓯ ᐅᒥᐊᒥᑦ ᓂᐅᓪᓗᓂ, ᐃᒪᐅᑉ ᖄᖓᒍᑦ ᐱᓱᓕᕐᐳᖅ ᔩᓱᓯᒧᑦ.
ᐅᕙᓐᓃᓐᖏᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᖏᓐᓇᕐᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ.
ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,
ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.
ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.
ᖁᔭᒋᕙᕋ ᙭ᔅᑑᓯ ᔩᓱᓯ ᐊᑕᓂᕗᑦ, ᐱᔪᓐᓇᕐᓂᖃᕐᑎᒻᒪᖓ ᐱᓇᓱᐊᕆᐊᖃᕐᑕᓐᓄᑦ, ᐱᔪᒥᓇᕐᑑᑎᓐᓇᖓ ᑎᓕᓚᐅᕐᒪᖓ, ᐱᔨᑦᓯᕐᑎᒋᔪᒪᓪᓗᖓ.
