ᐱᓕᐱᒥᐅᓄᑦ 3:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ.

ᐱᓕᐱᒥᐅᓄᑦ 3:20 Cross References

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:24

ᓯᓚᑐᔫᑉ ᐊᖅᑯᑎᖓ ᖁᒻᒧᑦ ᐃᖏᕐᕋᕗᖅ ᐃᓅᓯᕐᒧᑦ, ᓂᒍᖁᓪᓗᒍ ᑲᑉᐱᐊᓇᕐᑐᕕᖕᒥᒃ ᑕᐅᓇᓃᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 19:21

ᔩᓱᓯᐅᑉ ᐅᖃᐅᑎᕚ, “ᓈᒻᒪᑦᓯᐊᕈᒪᒍᕕᑦ, ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᓘᑲᓯᐅᑉ ᐊᒡᓚᖏᑦ 12:21

“ᑍᒤᓐᓂᕗᕐᑕᐅᖅ ᐃᒻᒥᓄᑦ ᐱᒃᓴᒥᓂᒃ ᑲᑎᕐᓱᐃᔪᖅ, ᐊᒃᖢᔪᑎᑐᑦ ᑕᑯᓐᓈᕐᑕᐅᕗᑦ ᒎᑎᒧᑦ.”

ᓘᑲᓯᐅᑉ ᐊᒡᓚᖏᑦ 14:14

ᑕᕝᕙ ᓮᒻᒪᕐᑎᑕᐅᓂᐊᕐᐳᑎᑦ, ᑖᒃᑯᐊ ᓂᕆᔭᕐᑐᕐᑎᑎᔪᒃᑎᒃᓴᖃᖏᒻᒪᑕ ᐃᓕᖕᓂᒃ. ᐊᑭᓕᕐᑕᐅᔪᒫᕐᐳᑎᓪᓕ ᐃᓗᐊᕐᑐᑦ ᑐᖁᖓᔪᓂᑦ ᒪᑭᕝᕕᐊᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:11

ᐅᖃᕐᓗᑎᒃ, “ᒐᓕᓕᐊᒥᐅᖑᔪᓯ, ᓲᖅ ᕿᓚᖕᒧᑦ ᐋᕐᓗᖓᕕᓰ? ᑖᓐᓇ ᔩᓱᓯ, ᑕᑯᓐᓇᕐᑕᓯ ᕿᓚᖕᒧᐊᕐᑎᓪᓗᒍ, ᐅᑎᓛᕆᕗᖅ ᑍᒫᑦᓮᓐᓇᖅ ᑕᑯᓐᓇᕋᑖᕋᑦᓯᐅᒃ ᖁᒻᒧᐊᒃᑎᓪᓗᒍ ᕿᓚᖕᒧᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:48

ᓄᓇᒥᐅᑍᑦ ᐃᑦᔪᒥᑦ ᓴᓇᔭᐅᓯᒪᔪᒥᒃ ᐊᑦᔨᖃᕐᐳᑦ; ᕿᓚᖕᒥᐅᑍᓪᓗ ᕿᓚᖕᒥᑦ ᐱᓯᒪᔪᒥᒃ ᐊᑦᔨᖃᕆᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:18

ᐃᓱᒪᒋᔭᖃᕋᑦᑕ ᑕᑯᒃᓴᐅᖏᑦᑐᓂᒃ, ᑕᑯᒃᓴᐅᔪᑦ ᐱᓇᒋᑦ; ᑕᑯᒃᓴᐅᔪᑦ ᐃᓱᖃᕐᒪᑕ; ᑕᑯᒃᓴᐅᖏᑐᓪᓕ ᐃᓱᖃᓐᖏᓚᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:8

ᓴᐱᓐᖏᓚᒍᑦ, ᑎᒥᕗᑦ ᕿᒪᖔᕐᓗᒍ ᐊᖏᕐᕋᕈᒪᓪᓗᑕ ᐊᑕᓂᕐᒧᑦ.

ᒐᓔᑎᐊᒥᐅᓄᑦ 4:26

ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.

ᐃᐱᓯᒥᐅᓄᑦ 2:19

ᑍᒤᒻᒪᑦ ᓄᓇᖃᑎᒋᔭᐅᖏᑦᑐᑎᑐᑦ ᑕᑯᓕᒪᓇᖏᑦᑐᑎᑐᓪᓗ ᑍᒤᑦᑑᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᓄᓪᓕ ᐃᓚᒋᔭᐅᓕᕐᐳᓯ ᒎᑎᐅᑉ ᐃᒡᓗᒥᐅᖃᑎᖏᓐᓄᑦ.

ᐃᐱᓯᒥᐅᓄᑦ 2:6

ᐃᓚᒋᓪᓗᒍᓗ ᒪᑭᑎᓚᐅᕐᐹᑎᒍᑦ, ᕿᓚᖕᒥ ᐃᒃᓯᕙᖃᑕᐅᖁᓪᓗᑕ ᔩᓱᓯ ᙭ᔅᑑᓯᒧᑦ.

ᐱᓕᐱᒥᐅᓄᑦ 1:10

ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᕐᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ.

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.