ᐱᓕᐱᒥᐅᓄᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᒻᒥᓂᒃ ᒥᑭᒡᓕᑎᓚᐅᕐᐳᖅ, ᓈᓚᑦᓯᐊᖏᓐᓇᓚᐅᕐᐳᖅ ᑐᖁᒧᑦ ᐊᒡᓛᑦ ᑎᑭᓪᓗᓂ, ᑐᖁᒧᑦ ᓴᓐᓂᖓᔪᓕᖕᒥ ᐊᒡᓛᑦ.

ᐱᓕᐱᒥᐅᓄᑦ 2:8 Cross References

ᐃᓐᖏᕈᑎᑦ 22:16

ᕿᒻᒦᑦ ᐊᕙᑎᓕᒫᓐᓃᑉᐳᑦ; ᐱᐅᖏᑦᑐᓕᔪᑦ ᑲᑐᑦᔨᔪᑦ ᐃᓗᒪᕚᖓ. ᐊᒡᒐᒃᑲ ᐃᑎᒐᒃᑲᓗ ᐳᑐᕔᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:33

ᐊᑕᓂᕐᒥᒃ ᓯᕘᕋᓂᖅ ᐊᔪᕆᕐᑐᐃᓂᐅᕗᖅ ᓯᓚᑐᓂᕐᒥᒃ ᒥᑭᒡᓕᑎᕐᓯᒪᓂᖅ ᓯᕗᓪᓕᐅᕗᖅ ᐅᐱᒋᔭᐅᓂᕐᒥᑦ.

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 26:42

ᓱᓕ ᐂᑉᐸᖓᓂᒃ, ᔩᓱᓯ ᑐᒃᓯᐊᕆᐊᕐᑐᒃᑲᓐᓂᕐᐳᖅ ᐅᖃᕐᓗᓂ, “ᐊᑖᑖᒃ, ᐅᓇ ᐃᒥᐅᑦ ᐅᕙᓐᓂᑦ ᐲᕈᓐᓇᖏᑉᐸᑦ ᐃᒥᕐᓗᒍ ᑭᓯᐊᓂᐅᒃᐸᑦ, ᐱᔪᒪᔧᑦ ᐊᑐᕐᓕ.”

ᓘᑲᓯᐅᑉ ᐊᒡᓚᖏᑦ 9:29

ᑐᒃᓯᐊᕐᑎᓪᓗᒍ, ᑮᓇᖓᑕ ᑕᐅᑦᑐᐊ ᐊᑦᔨᒋᔪᓐᓃᕐᐹ, ᐊᓐᓄᕌᖏᑦ ᖃᑯᕐᓯᕗᑦ ᕿᓪᓕᕐᓯᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 10:18

ᐃᓅᓯᓐᓂᒃ ᐊᕐᓵᕐᑕᐅᔪᓐᓇᓐᖏᓚᖓ ᑭᓇᒧᓪᓘᓐᓃᑦ, ᓇᖕᒥᓂᕐᓕ ᐃᓱᒪᕐᓱᕐᓗᖓ ᑐᓂᕐᕈᑎᒋᕙᕋ. ᐱᔪᓐᓇᕐᓂᖃᕐᐳᖓ ᑐᓂᕐᕈᑎᒋᓗᒍ, ᐱᔪᓐᓇᕐᓂᖃᕆᕗᖓᓗ ᐊᒻᒪ ᐅᑎᕐᑎᓪᓗᒍ; ᑕᒪᑐᒥᖓ ᑍᒫᒃ ᐊᑖᑕᒪ ᐱᖁᓚᐅᕐᐹᖓ ᐱᓇᓱᐊᖁᓪᓗᖓ.”

ᔪᐊᓇᓯᐅᑉ ᐊᒡᓚᖏᑦ 14:31

ᓯᓚᕐᔪᐊᕐᒥᐅᑦ ᑐᑭᓯᓕᖁᓪᓗᒋᑦ ᐊᑖᑕ ᓇᒡᓕᒋᒐᒃᑯ; ᑍᒤᒻᒪᑦ ᐱᓇᓱᐊᕐᐳᖓ ᐊᑖᑕᒪ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. “ᒪᑭᓪᓗᓯ, ᑕᒫᓐᖓᑦ ᓅᓕᕐᑕ.”

ᔪᐊᓇᓯᐅᑉ ᐊᒡᓚᖏᑦ 15:10

ᐱᖁᔭᒃᑲ ᒪᓕᒃᑯᑦᓯᒋᑦ, ᓇᒡᓕᓐᓂᓐᓃᑦᓮᓐᓇᕐᓂᐊᕐᐳᓯ; ᐊᑖᑕᒪᑦᑕᐅᖅ ᐱᖁᔭᖏᑦ ᒪᓕᓚᐅᕋᒃᑭᑦ, ᓇᒡᓕᖕᓂᖓᓃᑦᓮᓐᓇᕐᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 4:34

ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 8:33

ᑲᓐᖑᓇᕐᑐᒦᑎᑕᐅᓪᓗᓂ ᓇᓛᒍᑦ ᐃᖅᑲᕐᑐᕐᑕᐅᓚᐅᓐᖏᓚᖅ, ᑭᖑᕚᒃᓴᖏᑦ ᑭᓇᒧᓪᓘᓐᓃᑦ ᐅᖃᐅᓯᐅᔪᓐᓇᕐᓂᐊᓐᖏᓚᑦ, ᐃᓅᓯᖓ ᓄᓇᕐᔪᐊᕐᒥᑦ ᐲᕐᑕᐅᓚᐅᕐᒪᑦ.”

ᕉᒪᒥᐅᓄᑦ 5:19

ᐃᓅᑉ ᐊᑕᐅᓯᐅᑉ ᓈᓚᖏᓐᓂᖓᑕ ᐊᒥᓱᑦ ᐊᔪᕐᑐᓕᔪᓐᖑᕐᑎᓚᐅᕐᒪᒋᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᓈᓚᖕᓂᖓᑕ ᐊᒥᓱᑦ ᐃᓗᐊᕐᑐᓕᔪᓐᖑᕐᑎᑦᓱᒫᕐᐰᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᒐᓔᑎᐊᒥᐅᓄᑦ 3:13

᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”

ᒨᓯᓯ ᑕᓪᓕᒪᖏᑦ 21:23

ᐅᓐᓄᐊᓕᒫᖅ ᓈᓗᒍ ᑎᒥᖓ ᓂᕕᖓᑎᑕᐅᔪᒃᓴᐅᓐᖏᓚᖅ, ᐅᓪᓗᒥ ᑕᕝᕙᓂᑦᓮᓐᓇᖅ ᐃᓗᕕᕐᑕᐅᔪᒃᓴᐅᕗᖅ, ᓂᕕᖓᔪᖅ ᓇᐹᕐᑐᒥ ᒎᑎᐅᑉ ᓇᕐᕈᓇᕐᓯᓂᕋᕐᒪᒍ; ᓄᓇ ᓇᕐᕈᓇᕐᓯᑎᑕᒃᓴᕆᓐᖏᓚᓯ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓ ᓄᓇᑖᖑᖁᓪᓗᒍ ᐃᓕᑦᓯᓐᓄᑦ.”

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 12:4

ᐊᔪᕐᑐᓕᓂᕐᒥᒃ ᓵᓚᖃᕋᓱᐊᕐᑎᓪᓗᓯ ᑐᖁᑕᐅᑐᐃᓐᓇᕆᐊᖃᓕᕐᓗᓯ ᓱᓕ ᐱᓚᐅᖏᓐᓇᑦᓯ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;