ᐱᓕᐱᒥᐅᓄᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᖁᕕᐊᓱᖕᓂᕋ ᐃᓗᐃᑦᑐᓐᖑᕐᑎᑦᓯᐊᓚᐅᕐᓯᐅᒃ ᐃᓱᒪᖃᖃᑎᒌᖕᓂᑦᓯᓐᓄᑦ, ᓇᒡᓕᖕᓂᑦᓯᓐᓄᓪᓗ, ᐊᑕᐅᓯᐅᖃᑎᒌᑦᓯᐊᕐᓂᑦᓯᓐᓄᓪᓗ ᐃᓱᒪᑦᓯᒍᑦ.

ᐱᓕᐱᒥᐅᓄᑦ 2:2 Cross References

ᐃᓐᖏᕈᑎᑦ 122:8

ᐃᓚᒃᑲ ᐃᓚᓐᓇᕆᔭᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐅᖃᕐᐳᖓ, “ᐃᓕᖕᓂ ᓮᒪᓇᕐᑐᖃᕐᓕ!”

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 1:14

ᐊᑕᖏᕐᓗᑎᒃ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ ᑲᑦᓱᖕᒊᕐᓯᒪᑦᓯᐊᕐᓗᑎᒃ ᑐᒃᓯᐊᖃᑦᑕᓚᐅᕐᐳᑦ, ᐊᕐᓁᑦ ᐃᓚᒋᓪᓗᒋᑦ ᒥᐊᕆᓗ ᔩᓱᓯᐅᑉ ᐊᓈᓇᖓ, ᖃᑕᓐᖑᑎᖏᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:1

ᐱᓐᑎᑰᔅᑎᐅᑉ ᐅᓪᓗᖓ ᓇᓪᓕᐅᑎᑎᓪᓗᒍ, ᐅᒃᐱᕐᑐᑦ ᐊᑕᖏᕐᓗᑎᒃ ᑲᑎᒪᓚᐅᕐᐳᑦ ᐊᑕᐅᓯᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 5:12

ᑲᒪᓇᕐᑐᓕᓃᑦ ᓇᓗᓁᒃᑯᑍᓪᓗ ᐊᒥᓱᑦ ᐊᑐᕐᑕᐅᓚᐅᕐᐳᑦ ᐃᓄᖕᓂ ᐋᐴᓯᑕᓕᒃᑎᒍᑦ. ᐅᒃᐱᕐᑑᖃᑎᒌᑦ ᑲᑎᒪᖃᑦᑕᓚᐅᕐᐳᑦ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒥ.

ᕉᒪᒥᐅᓄᑦ 12:16

ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:10

ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:3

ᑍᒫᒃ ᑕᕝᕙ ᐅᑯᓂᖓ ᑎᑎᕋᕈᑎᖃᕐᐳᖓ, ᐃᓕᑦᓯᓐᓄᑦ ᑎᑭᒃᑯᒪ ᖁᕕᐊᓱᓐᖏᑎᑕᐅᔪᒪᓇᖓ ᐅᕙᓐᓂᒃ ᖁᕕᐊᓱᒃᑎᑦᓯᒐᔭᓚᐅᕐᑐᓄᑦ, ᐃᓕᑦᓯᓐᓂᒃ ᖃᐅᔨᒪᑦᓯᐊᕋᒪ, ᖁᕕᐊᓱᒃᑯᒪ ᖁᕕᐊᓱᑦᓯᐊᕐᑐᐃᓐᓇᐅᒐᔭᕋᑦᓯᑦᑕᐅᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:7

ᑎᑭᓐᓂᖓᓄᑐᐃᓐᓇᐅᖏᑦᑐᕐᓕ; ᑖᑦᓱᒪᓕ ᐅᓐᓂᕐᓯᐅᕐᓂᖓᒍᑦ ᐃᓕᑦᓯᓐᓄᑦ ᒪᓂᒍᕐᑕᐅᓚᐅᕐᓂᕐᒥᓂᒃ. ᐅᖃᐅᑎᓚᐅᕐᒪᑎᒍᑦ ᐅᕙᓐᓂᒃ ᑕᑯᔪᒪᓕᕐᓂᑦᓯᓐᓂᒃ, ᕿᒃᓵᕕᒡᔪᐊᕐᓂᑦᓯᓐᓂᒃ, ᐅᕙᓐᓂᒡᓗ ᓴᐳᓐᓂᐊᕈᒪᓂᑦᓯᓐᓂᒃ, ᑕᒪᑐᒧᖓ ᐊᖏᔪᒥᒃ ᖁᕕᐊᓱᒃᑎᑕᐅᒃᑲᓐᓂᓚᐅᕐᐳᖓ.

ᐱᓕᐱᒥᐅᓄᑦ 1:4

ᑍᒪᓐᖓᓪᓗ ᑐᒃᓯᐅᑎᓕᕌᖓᑦᓯ, ᑐᒃᓯᐊᖃᑦᑕᕐᐳᖓ ᖁᕕᐊᓱᑦᓯᐊᕐᓗᖓ.

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᐱᓕᐱᒥᐅᓄᑦ 2:20

ᑖᓐᓇ ᐃᓱᒪᖃᑎᑐᐊᕆᒐᒃᑯ, ᐃᑲᔪᕐᑕᐅᔭᕆᐊᖃᕐᓂᑦᓯᓐᓂᒃ ᐃᒃᐱᒍᓱᓪᓚᕆᖕᒪᑦ ᐅᕙᑦᑐᑦ.

ᐱᓕᐱᒥᐅᓄᑦ 4:2

ᐃᐅᑎᐊᓗ ᓯᓐᑍᑭᓗ ᐊᒃᓱᕈᕐᓗᖓ ᕿᓄᕕᒋᕙᑦᓯᒃ, ᐊᖏᖃᑎᒌᖁᓪᓗᓯᒃ ᐊᑕᓂᕐᒥ.

ᑯᓘᓯᐊᒥᐅᓄᑦ 2:5

ᑎᒥᒃᑯᑦ ᐊᕕᓯᒪᒐᓗᐊᕐᓗᓯ, ᐊᓂᕐᓂᒃᑯᓪᓕ ᓇᔪᕐᐸᑦᓯ, ᖁᕕᐊᓱᒡᓗᖓ ᖃᐅᔨᒐᒪ ᓱᖁᓯᓚᐅᖏᓐᓂᑦᓯᓐᓂᒃ ᑲᔪᓯᑦᓯᐊᕐᓂᑦᓯᓐᓂᒡᓗ ᐅᒃᐱᕐᓂᑦᓯᒍᑦ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:13

ᒎᑎᒧᓪᓕ ᖁᔭᓕᑦᔪᑎᒋᔭᕆᐊᕾᓐᓇᕐᐸᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐊᑕᓂᐅᑉ ᓇᒡᓕᒋᔭᖏᑦ, ᓯᕗᓪᓕᕐᐸᐅᓪᓗᓯ ᓂᕈᐊᓚᐅᕐᒪᓯ ᐱᐅᓕᔭᐅᖁᓪᓗᓯ, ᐊᓂᕐᓂᐅᑉ ᐃᑦᔪᕐᓁᑎᑦᓯᓂᖓᒍᑦ ᓱᓕᓂᕐᒥᒡᓗ ᐅᒃᐱᕐᓂᑦᓯᒍᑦ.

ᑎᒧᑎᒧᑦ ᐂᑉᐸᖏᑦ 1:4

ᖁᕝᕕᐅᕐᓂᑎᑦ ᐃᖅᑲᐅᒪᕙᒃᑲ, ᐊᖏᔪᒥᒃ ᑕᑯᔪᒪᓕᕋᓗᐊᕐᐸᒋᑦ, ᖁᕕᐊᓱᖕᓂᕐᒥᒃ ᐃᓗᒻᒥᕐᑕᐅᔪᒪᓪᓗᖓ.

ᐰᓕᒨᓂᒧᑦ 1:20

ᐃᓛᒃ ᐅᒃᐱᕐᑑᖃᑎᒐ, ᖁᕕᐊᒋᔭᓐᓂᒃ ᐱᓇᓱᐊᖁᕙᒋᑦ ᐊᑕᓂᕐᒥ. ᐆᒻᒪᑎᒃᑯᑦ ᖁᕕᐊᓱᒃᑎᓚᐅᓐᖓ.

ᔪᐊᓇᓯᐅᑉ ᐂᑉᐸᖏᑦ 1:4

ᖁᕕᐊᓱᒃᑎᑕᐅᕗᖓ ᐊᖏᔪᒥᒃ ᕿᑐᕐᖓᕕᑦ ᐃᓚᖏᓐᓂᒃ ᖃᐅᔨᓚᐅᕋᒪ ᓱᓕᔪᒥ ᐃᓅᖕᒪᑕ, ᐊᑖᑕᐅᑉ ᑍᒫᒃ ᐱᖁᓯᒪᖕᒫᑎᒍᑦ.

ᔪᐊᓇᓯᐅᑉ ᐱᖓᔪᖏᑦ 1:4

ᐊᖏᔪᒻᒪᕆᐊᓗᖕᒥᒃ ᖁᕕᐊᓱᒃᑎᑕᐅᓚᐅᕐᐳᖓ ᑐᓴᕐᑎᑕᐅᒐᒪ ᕿᑐᕐᖓᒃᑲ ᓱᓕᓂᕐᒥ ᐃᓅᖕᒪᑕᒎᖅ.