ᐱᓕᐱᒥᐅᓄᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐅᕾᓪᓗ ᑕᒪᕐᒥᒃ ᓇᓗᓁᔧᔪᒃᓴᐅᕗᑦ ᔩᓱᓯ ᙭ᔅᑑᓯᐅᑉ ᐊᑕᓂᐅᓂᖓᓂᒃ, ᒎᑎᐅᑉ ᐊᑖᑕᐅᑉ ᓂᕐᑐᕐᑕᐅᓂᒃᓴᖓᓄᑦ.

ᐱᓕᐱᒥᐅᓄᑦ 2:11 Cross References

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐃᓐᖏᕈᑎᑦ 18:49

ᑍᒤᒻᒪᑦ, ᖁᔭᒋᔪᒪᕙᒋᑦ, ᐃᓅᖃᑎᒌᒡᔪᐃᑦ ᓇᓗᔪᑦ ᐊᑯᓐᓂᖓᓂ, ᐊᑏᓪᓗ ᓂᕐᑐᕈᑎᓂᒃ ᐃᓐᖏᕐᕕᒋᔪᒪᕙᕋ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᒫᑎᐅᓯᐅᑉ ᐊᒡᓚᖏᑦ 10:32

“ᑭᓇᑐᐃᓐᓇᖅ ᐃᓄᖕᓄᑦ ᐅᖃᐅᓯᖃᕐᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᑍᒫᑦᓮᓐᓇᖅ ᐅᖃᐅᓯᕆᓛᕐᐸᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᔪᐊᓇᓯᐅᑉ ᐊᒡᓚᖏᑦ 12:42

ᓱᓕᓕ ᔫᑎᑦ ᐊᖓᔪᖅᑳᖏᑦ ᐊᒥᓱᑦ ᔩᓱᓯ ᐅᒃᐱᕆᒐᓗᐊᕐᐹᑦ, ᐹᕆᓯᓪᓕ ᐱᓪᓗᒋᑦ ᓴᖅᑭᔮᕐᑐᒥᒃ ᐅᖃᐅᓯᖃᓐᖏᓚᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᔪᒪᓇᑎᒃ:

ᔪᐊᓇᓯᐅᑉ ᐊᒡᓚᖏᑦ 13:13

ᐊᔪᕆᕐᑐᐃᔨᒥᒃ ᐊᑕᓂᕐᒥᒡᓗ ᑍᕙᑦᓯᓐᖓ; ᓇᓛᒍᑦ ᐅᖃᕐᐳᓯ, ᑖᓐᓇᐅᒐᒪ.

ᔪᐊᓇᓯᐅᑉ ᐊᒡᓚᖏᑦ 13:14

ᐅᕙᖓ ᑕᕝᕙ ᐊᑕᓂᓯ ᐊᔪᕆᕐᑐᐃᔨᓯᓗ, ᐃᑎᒐᑦᓯᓐᓂᒃ ᐅᐊᓴᕐᐳᖓ, ᐃᓕᑦᓯᑦᑕᐅᖅ ᐃᑎᒐᑦᓯᓐᓂᒃ ᐅᐊᓴᖃᑦᑕᐅᑎᔪᒃᓴᐅᒋᕗᓯ.

ᔪᐊᓇᓯᐅᑉ ᐊᒡᓚᖏᑦ 14:13

ᓱᓇᒥᒡᓘᓐᓃᑦ ᑐᒃᓯᐊᕐᓂᐊᕈᑦᓯ ᐊᑎᓐᓂ, ᐱᓇᓱᐊᕐᓂᐊᕐᐳᖓ, ᐊᑖᑕ ᓂᕐᑐᕐᓇᕐᑎᑕᐅᖁᓪᓗᒍ ᐃᕐᓂᕐᒥᒍᑦ;

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 17:1

ᔩᓱᓯ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᕐᓗᓂ ᐅᖃᕐᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᓃᑦ ᓂᕐᑐᕐᓇᕐᓯᑎᓕᕈᒃ, ᓂᕐᑐᕐᓇᕐᑎᑕᐅᖁᓪᓗᑎᑦᑕᐅᖅ ᐃᕐᓂᕐᓄᑦ.

ᔪᐊᓇᓯᐅᑉ ᐊᒡᓚᖏᑦ 20:28

ᑑᒪᓯᐅᑉ ᑭᐅᕚ, “ᐊᑕᓂᕋ, ᒎᑎᒐᓗ!”

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 9:22

ᐊᖓᔪᖅᑳᖏᒡᓕ ᑍᒫᒃ ᐅᖃᕐᐴᒃ ᔫᑎᑦ ᓯᕘᕋᒋᒐᒥᒋᑦ, ᔫᑎᑦ ᐊᖏᖃᑎᒌᒃᓯᒪᓕᕐᒪᑕ ᓇᓪᓕᐊᑦ ᙭ᔅᑑᓯᐅᓂᕅᒃᐸᑦ ᑖᑦᓱᒥᖓ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑦᓯᔪᓐᓇᕐᓂᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᕉᒪᒥᐅᓄᑦ 14:11

ᐊᒡᓚᒡᓯᒪᔪᖃᕐᒪᑦ, “ᐊᑕᓂᖅ ᐅᖃᕐᐳᖅ, ᐃᓅᒐᒪ, ᓰᖅᑯᐃᑦ ᑕᒪᕐᒥᒃ ᐅᕙᓐᓄᑦ ᓰᖅᑯᕈᒫᕐᐳᑦ, ᐅᕾᓪᓗ ᑕᒪᕐᒥᒃ ᒎᑎᒥᒃ ᓂᕐᑐᐃᔪᒫᕐᓗᑎᒃ.”

ᕉᒪᒥᐅᓄᑦ 14:9

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᑐᖁᓚᐅᕐᐳᖅ ᒪᑭᓪᓗᓂᓗ, ᐊᑕᓂᐅᖁᓪᓗᒍ ᐃᓅᔪᓄᑦ ᑐᖁᖓᔪᓄᓪᓗ.

ᕉᒪᒥᐅᓄᑦ 15:9

ᔫᑎᐅᖏᑦᑐᓪᓗ ᓂᕐᑐᐃᓕᖁᓪᓗᒋᑦ ᒎᑎᒥᒃ ᓂᑲᒍᓱᖕᓂᖓ ᐱᑦᔪᑎᒋᓗᒍ. ᑎᑎᕋᕐᓯᒪᖕᒪᑦ, “ᑍᒤᒻᒪᑦ ᓂᕐᑐᕐᓂᐊᕐᐸᒋᑦ ᔫᑎᐅᖏᑦᑐᑦ ᐊᑯᕐᖓᓐᓂ, ᐃᓐᖏᕐᓗᖓᓗ ᓂᕐᑐᕈᒪᕙᒋᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:3

ᑍᒤᒻᒪᑦ ᑐᑭᓯᓯᒪᑦᓯᐊᖁᕙᑦᓯ, ᒎᑎᐅᑉ ᐊᓂᕐᓂᖓᓄᑦ ᐅᖃᓪᓚᒃᑎᑕᐅᔪᒥᒃ, ᐃᒤᓕᔪᖃᓚᐅᕐᓯᒪᓐᖏᓚᖅ “ᔩᓱᓯ ᓇᕐᕈᓇᕐᓯᓕ!” ᐃᒫᒡᓗ ᐅᖃᕐᑐᖃᕈᓐᓇᓐᖏᓚᖅ “ᔩᓱᓯ ᐊᑕᓂᐅᕗᖅ” ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᖃᕐᑎᑕᐅᖏᒃᑯᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:47

ᐃᓄᒃ ᓯᕗᓪᓕᖅ ᓄᓇᕐᔪᐊᒥᑦ ᐱᓯᒪᕗᖅ, ᐃᑦᔪᒥᑦ ᐱᓪᓗᓂ; ᐃᓄᒡᓕ ᑭᖑᓪᓕᖅ ᕿᓚᖕᒥᑦ ᐱᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᔪᐊᓇᓯ ᓯᕗᓪᓖᑦ 4:15

ᓇᓪᓕᐊᑦ ᔩᓱᓯ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᓯᔪᖅ, ᒎᑎ ᑖᑦᓱᒪᓃᑉᐳᖅ, ᑖᓐᓇᓗ ᒎᑎᒦᓪᓗᓂ.

ᔪᐊᓇᓯ ᓯᕗᓪᓖᑦ 4:2

ᐃᒫᒃ ᖃᐅᔨᒪᔪᓐᓇᕐᓂᐊᕐᐸᓯ ᐊᓂᕐᓂᖅ ᒎᑎᒥᑦ ᐱᓯᒪᖕᒪᖔᑦ: ᐊᓂᕐᓃᑦ ᑕᒪᕐᒥᒃ ᓇᓗᓁᕐᓯᔪᑦ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᑖᒃᑯᐊ ᒎᑎᒥᓐᖔᕐᓯᒪᕗᑦ.

ᔪᐊᓇᓯᐅᑉ ᐂᑉᐸᖏᑦ 1:7

ᐊᒥᓱᑦ ᑕᒻᒪᕐᑎᑦᓯᔪᑦ ᓯᓚᕐᔪᐊᕐᒧᑦ ᑎᑭᓯᒪᖕᒪᑕ, ᑖᒃᑯᐊ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᐅᖃᐅᓯᖃᖃᑦᑕᓐᖏᑦᑐᑦ; ᑖᒃᑯᐊ ᑕᒻᒪᕐᓮᔨᐅᕗᑦ ᙭ᔅᑑᓯᒥᒡᓗ ᐊᑭᕋᕐᑐᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5

ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.