3 ᑍᒪᓐᖓᑦ ᐃᖅᑲᐅᒪᓕᕌᖓᑦᓯ ᒎᑎᒐ ᖁᔭᒋᖃᑦᑕᕐᐸᕋ,
ᒎᑎ ᖁᔭᒋᔭᐅᓕ, ᐊᔪᕐᓂᕐᒧᑦ ᑭᒡᒐᐅᓚᐅᕐᑐᓯ ᓈᓚᑦᓯᐊᓕᕐᓯᒪᒐᑦᓯ ᐊᔪᐃᓐᓇᕐᓗᓯ ᐊᔪᕆᕐᑐᐃᑦᔪᑕᐅᓚᐅᕐᑐᓂᒃ ᐃᓕᑦᓯᓐᓄᑦ.
ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᒪᑦ ᙭ᔅᑑᓯ ᔩᓱᓯᒃᑯᑦ.
ᒫᓐᓇ ᒎᑎᕗᑦ ᖁᔭᓕᕕᒋᒃᑲᓐᓂᕈᓐᓇᓕᕐᐸᕗᑦ ᐱᓪᓗᓯ, ᐃᓗᑦᑎᒍᑦ ᖁᕕᐊᓱᒃᑎᑕᐅᒐᑦᑕ ᐱᑦᔪᑎᒋᓪᓗᓯ ᒎᑎᐅᑉ ᓵᖓᓂ,
ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.
ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.
