21 ᐃᓅᒍᒪ ᙭ᔅᑑᓯᒧᑦ ᐃᓅᕗᖓ, ᑐᖁᒍᒪᓗ ᐱᕙᓪᓕᕈᑎᒃᓴᕆᕙᕋ.
ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;
ᐸᐅᓗᓯᓘᓐᓃᑦ ᐊᐴᓗᓯᓘᓐᓃᑦ, ᓰᐸᓯᓘᓐᓃᑦ ᓯᓚᕐᔪᐊᕐᓘᓐᓃᑦ ᐃᓅᓯᕐᓘᓐᓃᑦ ᑐᖁᓘᓐᓃᑦ ᒫᓐᓇᐅᔪᕐᓘᓐᓃᑦ ᓯᕗᓂᒃᓴᕐᓘᓐᓃᑦ, ᑕᒤᑕ ᐱᒋᕙᓯ.
ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.
ᑕᕝᕙ ᑍᒪᓐᖓᑦ ᓴᐱᓕᓐᖏᓚᒍᑦ; ᖃᐅᔨᒪᒐᑦᑕ ᑎᒥᑦᑎᓐᓃᑎᓪᓗᑕ ᐊᑕᓂᐅᑉ ᐊᖏᕐᕋᖓᓂᑦ ᐊᕝᕗᑎᓯᒪᒐᑦᑕ.
ᓴᐱᓐᖏᓚᒍᑦ, ᑎᒥᕗᑦ ᕿᒪᖔᕐᓗᒍ ᐊᖏᕐᕋᕈᒪᓪᓗᑕ ᐊᑕᓂᕐᒧᑦ.
ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.
ᐅᕙᓐᓄᓪᓕ, ᓂᕐᑐᕐᓇᐅᑎᒃᓴᑑᕗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᕆᓚᐅᕐᑕᖓ; ᓴᓐᓂᖓᔪᓕᖕᒥᓗ ᑐᖁᓚᐅᕐᓂᖓᓄᑦ ᓯᓚᕐᔪᐊᖅ ᑐᖁᖓᔪᑎᑐᑦ ᐅᕙᓐᓄᑦ ᑍᒤᑉᐳᖅ, ᐅᕙᖓᓗ ᑐᖁᖓᒋᓪᓗᖓ ᓯᓚᕐᔪᐊᕐᒧᑦ.
ᐱᔪᒪᓂᕐᐹᕆᔭᕋᓕ ᓂᕆᐅᒋᓪᓗᒍᓗ ᐱᔭᕆᐊᖃᕐᑕᓐᓂᒃ ᑲᔪᓯᔪᒪᓪᓗᖓ ᑲᓐᖑᓲᑎᒃᓴᖃᕈᒪᓇᖓ, ᓴᐱᖏᑦᓯᐊᕐᓂᖃᕈᒪᓪᓗᖓ ᒫᓐᓇᒥᑦ ᑍᒪᓐᖓᓕᒫᖅ ᐃᓅᓯᕋ ᙭ᔅᑑᓯᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ ᑐᕌᖓᖁᓪᓗᒍ, ᐃᓅᒐᓗᐊᕈᒪ ᑐᖁᒐᓗᐊᕈᒪᓘᓐᓃᑦ.
ᐅᕙᓂᓕ ᑎᒥᒃᑯᑦ ᐃᓅᑯᑖᖕᓂᐊᕈᒪ, ᐊᑐᕐᓇᕐᑐᓂᒃ ᐱᓇᓱᐊᕈᒪᕗᖓ. ᑍᒤᓐᓂᐊᕈᒪᓕ ᓇᓪᓕᐊᓐᓂᒃ ᓂᕈᐊᕋᔭᕐᒪᖔᕐᒪ ᐅᕙᓐᓄᑦ ᓇᓗᓇᕐᐳᖅ.
ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;
ᐊᓯᖏᓪᓕ ᓇᖕᒥᓂᖅ ᐱᔭᕆᐊᖃᕐᑕᒥᖕᓂᒃ ᑭᓯᐊᓂ ᐃᓱᒪᖃᕐᒪᑕ, ᔩᓱᓯ ᙭ᔅᑑᓯᐅᑉ ᐱᖏᑦ ᐃᓱᒪᒋᓇᒋᑦ.
᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.
ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”
