ᐱᓕᐱᒥᐅᓄᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᖃᓄᐃᓐᖏᓚᕐᓕ ᑕᒪᓐᓇ ᖁᕕᐊᓲᑎᒋᑐᐃᓐᓇᕐᐸᕋ ᙭ᔅᑑᓯ ᐅᖃᐅᓯᕆᔭᐅᖕᒪᑦ ᖃᓄᑐᐃᓐᓇᓕᒫᖅ ᐱᕕᖃᕐᓂᓕᒫᖓᒍᑦ, ᓈᒻᒪᓈᖏᑦᑑᒐᓗᐊᓄᑦ ᓈᒻᒪᓈᕐᑐᓄᓪᓗ; ᓱᓕᓕ ᖁᕕᐊᓱᑐᐃᓐᓇᕐᓂᐊᕐᐳᖓ.

ᐱᓕᐱᒥᐅᓄᑦ 1:18 Cross References

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑯᓯᐅᑉ ᐊᒡᓚᖏᑦ 12:40

ᐅᐃᒡᒐᕐᓃᑦ ᓴᖐᑦᑐᕐᓂᐊᒐᕆᓪᓗᒋᑦ ᐱᖁᑎᖏᓐᓂᒃ ᐋᑎᕆᕙᒃᐳᑦ ᐊᖏᕐᕋᖏᓐᓂᑦ, ᑭᖑᓂᖓᒍᑦ ᑕᑯᓐᓇᕐᑕᐅᔪᒪᓪᓗᑎᒃ ᑕᑭᔪᓂᒃ ᑐᒃᓯᐅᑎᖃᑦᑕᕐᐰᑦ. ᑍᒤᒻᒪᑦ ᓱᒋᐊᕐᑕᐅᓂᒃᓴᖏᑦ ᐊᖏᓂᒃᓴᐅᔪᒫᕐᐳᑦ.”

ᓘᑲᓯᐅᑉ ᐊᒡᓚᖏᑦ 9:45

ᐃᓕᓐᓂᐊᕐᑎᖏᓪᓕ ᑕᒪᑐᒥᖓ ᐅᖃᕐᑕᖓᓂᒃ ᑐᑭᓯᓚᐅᓐᖏᓚᑦ, ᐅᖃᐅᓰᑦ ᓇᓗᓇᕐᑎᑕᐅᓚᐅᕐᒪᑕ ᑖᒃᑯᓄᖓ ᑐᑭᓯᓚᐅᓐᖏᓚᑦ; ᐃᓕᕋᒋᕚᓗ ᐊᐱᕆᔭᕆᐊᒃᓴᖅ ᑕᒪᑐᒥᖓ.

ᓘᑲᓯᐅᑉ ᐊᒡᓚᖏᑦ 9:50

ᔩᓱᓯᐅᑉ ᐅᖃᐅᑎᕚ, “ᑍᒤᓕᐅᕐᑐᖅ ᐃᓂᕐᑎᕐᓂᐊᕋᓯᐅᒃ; ᐃᓕᑦᓯᓐᓂᒃ ᐊᑭᕋᕐᑐᖏᑦᑑᑉ ᐃᓚᒋᕚᓯ.”

ᕉᒪᒥᐅᓄᑦ 3:9

ᖃᓄᕐᓕ ᑍᒪ; ᔫᑎᐅᔪᒍᑦ ᐱᐅᓂᕐᓴᐅᕕᑖ? ᑍᒤᓐᖏᓚᖅ! ᐅᖃᕇᓚᐅᕐᐳᖓ ᔫᑎᓪᓗ ᒍᕇᑭᓪᓗ ᐊᑦᔨᒌᖕᓂᕋᕐᓗᒋᑦ ᐊᔪᕐᓂᒧᑦ ᓵᓚᐅᓯᒪᔪᐃᓐᓇᐅᖕᒪᑕ,

ᕉᒪᒥᐅᓄᑦ 6:15

ᖃᓄᕐᓕ ᑕᕝᕙ ᐊᔪᕐᑐᓕᑐᐃᓐᓇᑐᒃᓴᐅᕕᑖ, ᐱᖁᔭᓂᑦ ᐱᓯᒪᔭᐅᔪᓐᓃᕋᑦᑕ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓᓄᑦ ᐱᓯᒪᔭᐅᓕᕋᑦᑕ? ᑍᒤᑦᑐᓐᓇᖏᓚᖅ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:19

ᒎᑎᓐᖑᐊᓄᑦ ᑐᓂᕐᕈᑎᕕᓃᑦ ᐊᑐᕐᓂᕋᕐᓗᒋᑦ ᐅᖃᕋᓱᒋᕕᓯᓐᖔ, ᐅᕝᕙᓗ ᒎᑎᓐᖑᐊᑦ ᐊᑑᑎᖃᕐᓂᕋᕐᐸᒃᑳ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:15

ᖃᓄᕐᓕ ᑍᒪ ᐱᔪᒃᓴᐅᕗᖔ? ᐊᓂᕐᓂᒃᑯᑦ ᑐᒃᓯᐊᕈᒪᕗᖓ ᐃᓱᒪᒃᑯᓪᓗ ᑐᒃᓯᐊᕈᒪᒋᓪᓗᖓ; ᐊᓂᕐᓂᒃᑯᑦ ᐃᓐᖏᕈᒪᕗᖓ ᐃᓱᒪᒃᑯᓪᓗ ᐃᓐᖏᕈᒪᒋᓪᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:11

ᑍᒤᒻᒪᑦ ᐅᕙᖓᓘᓐᓃᑦ ᑍᒃᑯᐊᓘᓐᓃᑦ, ᑕᒪᑦᑕ ᐃᓕᑦᓯᓐᓄᑦ ᐊᔪᕆᕐᑐᐃᒐᑦᑕ, ᑕᒪᑐᒥᖓᓗ ᐅᒃᐱᓚᐅᕐᐳᓯ.

ᐱᓕᐱᒥᐅᓄᑦ 1:19

ᖃᐅᔨᒪᒐᒪ, ᑐᒃᓯᐅᑦᔨᓂᑦᓯᓐᓄᑦ ᐃᑲᔪᕐᓂᑦᓯᓐᓄᓪᓗ ᔩᓱᓯ ᙭ᔅᑑᓯᐅᑉ ᐊᓂᕐᓂᖓᓂᑦ ᐱᔪᒧᑦ ᐊᓂᑎᑕᐅᓂᐊᕋᒪ.