ᔨᕆᒤᐊᐅᑉ ᐊᒡᓚᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 5:1 Cross References

ᐃᓯᑭᐊᓕᐅᑉ ᐊᒡᓚᖏᑦ 22:30

ᑖᒃᑯᓇᓂᓗ ᐃᓄᖕᒥᒃ ᕿᓂᓚᐅᕐᐳᖓ ᐊᕙᓗᕐᔪᐊᒥᒃ ᓴᓇᔪᓐᓇᕐᑐᒥᒃ ᐱᓇᓱᐊᕈᓐᓇᕐᑐᒥᒡᓗ ᐊᕙᓗᕐᔪᐊᑉ ᓯᖁᑦᑎᕐᓯᒪᓂᖓᓂ ᓵᓐᓂ ᓇᖏᕈᓐᓇᕐᑐᒥᒃ ᓄᓇ ᓴᐳᑎᓇᓱᒡᓗᒍ, ᐊᓯᕈᐃᖁᓇᖓ; ᓇᓂᓯᓚᐅᓐᖏᓚᖓᓕ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᐃᓐᖏᕈᑎᑦ 14:3

ᑕᒪᕐᒥᑦᓯᐊᕐᓕ ᑐᓄᓯᒪᕗᑦ, ᑕᒪᕐᒥᑦᓯᐊᕐᓗ ᐱᐅᖏᑦᑐᐊᓘᓕᕐᐳᑦ; ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:6

ᐃᓄᐃᑦ ᐅᓄᕐᑐᑦ ᑕᑎᒋᔭᐅᔪᓐᓇᕐᓂᕋᕐᓗᑎᒃ ᐅᖃᕈᓐᓇᕐᐳᑦ, ᑭᓇᓕ ᑕᑎᒋᔭᒃᓴᓪᓚᕆᖕᒥᒃ ᓇᓂᓯᔪᓐᓇᕐᐸ?

ᐃᓐᖏᕈᑎᑦ 12:1

ᐃᑲᔪᓚᐅᕆᑦ, ᐊᑕᓃᖅ, ᒎᑎᒥᒃ ᓈᓚᑦᓯᐊᕐᑐᑦ ᓄᖑᓕᕐᒪᑕ! ᐅᒃᐱᕐᓂᕐᒥ ᓱᖁᓯᔪᐃᑦᑐᑦ ᐊᓯᐅᓕᕐᒪᑕ ᐃᓄᖕᓂᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:10

ᑕᒻᒪᕐᑎᑦᓯᓂᕐᓂᒡᓗ ᖃᓄᐃᑦᑐᑐᐃᓐᓇᑦᓯᐊᓂᒃ ᐊᑐᕈᒫᕐᐳᖅ ᑖᒃᑯᓄᖓ ᐊᓯᐅᔪᒃᓴᓄᑦ, ᑖᒃᑯᐊ ᐊᓯᐅᔪᒫᕐᐳᑦ ᐃᓚᓕᐅᕆᔪᒪᓚᐅᖏᓐᓇᒥᒃ ᐃᓪᓕᕈᓱᒐᑎᒡᓗ ᓱᓕᓂᕐᒥᒃ ᐱᐅᓕᔭᐅᑦᔪᑎᒃᓴᒥᖕᓂᒃ.

ᓘᑲᓯᐅᑉ ᐊᒡᓚᖏᑦ 14:21

ᐱᔨ ᐊᖓᔪᖅᑳᒥᓄᑦ ᐅᑎᕐᐳᖅ ᑕᒪᒃᑯᓂᖓ ᐅᖃᕐᕕᒋᓪᓗᓂᐅᒃ. ᐊᖑᑦ ᓂᓐᖓᒃᑐᐊᓘᓪᓗᓂ ᐱᔨᓂ ᐅᖃᐅᑎᕚ, ‘ᑐᐊᕕᕐᓗᑎᑦ ᐊᑐᕆᐊᓄᑦ ᐂᓕᕆᑦ ᐊᖅᑯᑎᓪᓚᕆᖕᓄᓪᓗ ᓄᓇᓕᖕᓂ, ᐅᕗᓐᖓᐅᑎᓪᓗᒋᑦ ᐊᔪᕐᓴᕐᑐᑦ, ᐱᒡᒐᕐᑐᓪᓗ ᑕᐅᑐᖏᑦᑐᓪᓗ, ᑐᓯᐊᑦᑐᓪᓗ.’

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᐂᒨᓯᐅᑉ ᐊᒡᓚᖏᑦ 8:12

ᐃᖏᕐᕋᔪᒫᕐᐳᑦ ᐃᒪᕐᔪᐊᑉ ᑭᒡᓕᖓᓂᑦ ᐃᒪᕐᔪᐊᑉ ᑭᒡᓕᖓᓄᑦ, ᓯᕿᓂᐅᑉ ᑕᕐᕌᓂᑦ ᓯᕿᓂᐅᑉ ᓄᐃᓕᕐᕕᐊᓄᑦ, ᒫᓂ ᐊᕙᓂᓗ ᕿᓂᕈᒫᕐᐳᑦ ᐊᑕᓂᐅᑉ ᐅᖃᐅᓯᖓᓂᒃ, ᑭᓯᐊᓂᓕ ᓇᓂᓯᔪᒫᓐᖏᓚᑦ.

ᔪᐃᓕᐅᑉ ᐊᒡᓚᖏᑦ 2:9

ᑐᐊᕕᕐᓗᑎᒃ ᐃᒡᓗᒐᓴᖕᓄᐊᕐᐳᑦ, ᐊᕙᓗᕐᔪᐊᒃᑯᑦ ᐅᓪᓚᒃᐳᑦ; ᒪᔪᕋᕐᐳᓪᓗ ᐃᒡᓗᓄᑦ, ᐃᒐᓛᑎᒍᑦ ᐃᑎᕐᐳᑦ ᑎᒡᓕᒃᑎᑐᑦ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᓲᓗᒨᓂᐅᑉ ᐃᓐᖏᕈᓯᖏᑦ 3:2

“ᒫᓐᓇ ᒪᑭᓪᓗᖓ ᐃᒡᓗᒐᓴᖕᓂ ᕿᓂᕈᒪᓕᕐᐸᕋ, ᐊᖅᑯᑎᓂ ᐊᖅᑯᑏᓪᓗ ᐱᕕᑐᓂᖏᓐᓂ; ᐅᖓᔭᕋ ᕿᓂᕐᓂᐊᕐᐸᕋ.” ᕿᓂᕋᓗᐊᕋᒃᑯ, ᓇᓂᓐᖏᓚᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:23

ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:3

ᐃᑎᕐᑕᕐᕖᑦ ᓴᓂᖏᓐᓂ ᐃᒡᓗᒐᓴᒡᔪᐊᑦ ᓯᕗᖏᓐᓂ, ᐅᒃᑯᐊᖏᑕ ᓴᓂᐊᓂ ᓂᐱᖅᑯᕐᑐᓪᓗᓂ ᕾᖁᔨᕗᖅ:

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 2:29

ᓱᖕᒪᑦ ᐅᕙᓐᓄᑦ ᐊᑭᕋᕐᑐᕐᐱᓰ? ᐃᓘᓐᓇᓯ ᐅᕙᓐᓂᒃ ᕿᒤᓯᒪᕗᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:15

ᐊᖑᑎᑦ ᑕᒪᕐᒥᒃ ᖃᐅᔨᒪᔪᑦ ᓄᓕᐊᒥᖕᓂᒃ ᑐᓂᕐᕈᓯᖃᑦᑕᕐᑐᓂᒃ ᒎᑎᒋᔭᒥ ᐊᓯᐊᓄᑦ ᐊᕐᓇᐅᖃᑎᖏᓪᓗ ᑕᕝᕙᓃᖃᑕᐅᔪᑦ ᐃᓄᐃᓪᓗ ᑕᕝᕙᓃᑦᑐᑦᑕᐅᖅ, ᐹᑐᕉᓯᒦᑦᑐᓪᓗ ᐄᑦᔨᑉᑎᒥᐅᓂ, ᑕᕆᐅᓪᓗ ᓇᓛᓂᒥᐅᑦ ᔨᕆᒤᐊᒧᑦ ᐅᖃᕐᐳᑦ,

ᐃᓐᖏᕈᑎᑦ 14:2

ᐊᑕᓂᖅ ᐊᒻᒧᑦ ᑕᑯᓐᓇᕐᐳᖅ ᐃᓄᐃᑦ ᕿᑐᕐᖓᖏᓐᓂᒃ, ᖃᐅᔨᔪᒪᓪᓗᓂ ᓇᓪᓕᐊᓐᓂᒃ ᑐᑭᓯᔪᖃᕐᒪᖔᑦ, ᓇᓪᓕᐊᓐᓂᒡᓗ ᒎᑎᒥᒃ ᕿᓂᕐᑐᖃᕐᒪᖔᑦ.

ᐃᓐᖏᕈᑎᑦ 94:16

ᑭᓇ ᐅᕙᓐᓂᒃ ᑕᑉᐱᕐᓱᐃᓗᓂ ᐱᐅᖏᑦᑐᓂᒃ ᐊᑭᕋᕐᑐᕐᓂᐊᕐᐹ? ᑭᓇᓗ ᐅᕙᓐᓂᒃ ᐃᑲᔪᕐᓂᐊᕐᐸ ᐊᔪᕐᓂᕐᒥ ᐃᓅᔪᑦ ᐊᑭᕋᕐᑐᕐᓗᒋᑦ?

ᔨᕆᒤᐊᐅᑉ ᐊᒡᓚᖏᑦ 8:6

ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:7

ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᑯᓕᕆᑦ ᐱᐅᓂᕐᓯᐅᕐᓂᐊᕐᐸᒃᑲ ᖃᐅᔨᓴᕐᓗᒋᑦ, ᖃᓄᒃᑲᓐᓂᖅ ᐱᓇᓱᐊᕆᐊᓪᓚᒍᓐᓇᕐᐳᖔ, ᐃᓄᖁᑎᒃᑲ ᐱᓪᓗᒋᑦ?

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’