ᑎᒧᑎᒧᑦ ᐂᑉᐸᖏᑦ 2:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐃᒡᓗᒥ ᐊᖏᔪᒥ ᓂᕐᕆᑎᑕᖃᕐᒪᑦ ᐊᑦᔨᒌᖏᑦᑐᓂᒃ; ᐃᓚᖏᑦ ᒎᓘᕗᑦ ᐃᓚᖏᑦ ᓯᐅᓪᕕᕆᐅᓪᓗᑎᒃ, ᐃᓚᖏᓪᓕ ᕿᔫᕗᑦ ᐃᓚᖏᓪᓗ ᒪᕐᕋᐅᓪᓗᑎᒃ, ᐃᓚᖏᓪᓗ ᓇᓪᓕᐅᓐᓂᕐᓯᐅᕐᑐᖃᓕᕐᐸᑦ ᐊᑐᒐᒃᓴᓕᐊᖑᓯᒪᕗᑦ; ᐃᓚᖏᑦ ᖃᐅᑕᒫᑦ ᐊᑐᒐᒃᓴᓕᐊᕆᓯᒪᓪᓗᑎᒃ.

ᑎᒧᑎᒧᑦ ᐂᑉᐸᖏᑦ 2:20 Cross References

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᑎᒧᑎᒧᑦ ᓯᕗᓪᓖᑦ 3:15

ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:2

ᓮᐅᓂᐅᑉ ᐃᓅᓱᒃᑐᖁᑎᖏᑦ ᒎᓗᑎᑐᑦ ᐊᓐᓂᕐᓇᕐᑎᒋᓚᐅᕐᑐᑦ, ᐃᓗᓕᖁᑎᑎᑐᑦ ᒪᕐᕋᒥᑦ ᓴᓇᓯᒪᔪᑎᑐᑦ ᐃᓱᒪᓇᕐᓯᕗᑦ.

ᐄᓱᕋᐅᑉ ᐊᒡᓚᖏᑦ 6:5

ᑍᒃᑯᐊᓗ ᒎᓗᐃᑦ ᓯᐅᓪᕕᕇᓪᓗ ᑐᒃᓯᐊᕐᕕᒡᔪᐊᑉ ᐱᖁᑎᖏᑦ, ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᐹᐱᓘᓂᒧᐊᕈᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥᑦ ᔨᕉᓴᓕᒦᑦᑐᒥᑦ, ᐅᑎᕐᑎᑕᐅᔪᒃᓴᐅᕗᑦ ᔨᕉᓴᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐃᓂᒋᒋᐊᓕᖏᓐᓄᐊᕐᑕᐅᓗᑎᒃ.”

ᐃᐱᓯᒥᐅᓄᑦ 2:22

ᑖᑦᓱᒨᓇ ᐃᓕᑦᓯᑦᑕᐅᖅ ᐃᒡᓗᓕᐊᖑᖃᑕᐅᓕᕐᐳᓯ ᒎᑎᒧᑦ ᐃᓂᒋᔭᒃᓴᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:7

ᐅᕙᒍᓪᓕ ᐊᓂᕐᓂᒃᑯᑦ ᐱᒃᑯᒥᓇᕐᑐᒥᒃ ᑕᒪᑐᒥᖓ ᐱᖃᕐᑐᒍᑦ ᐃᒥᖃᐅᑎᑎᑐᑦ ᒪᕐᕋᕐᑎᑐᑦ ᑍᒤᑉᐳᒍᑦ, ᓴᖅᑭᑎᑦᓯᖁᓪᓗᑕ ᐱᔪᓐᓇᕐᓂᕐᔪᐊᖅ ᑕᒪᓐᓇ ᒎᑎᒥᑦ ᐱᓯᒪᓂᖓᓂᒃ ᐅᕙᑦᑎᓐᓂᐅᖏᑦᑐᖅ.

ᐄᓱᕋᐅᑉ ᐊᒡᓚᖏᑦ 1:6

ᓯᓚᖅᑲᑎᓕᒫᖏᓐᓄᑦ ᐃᑲᔪᕐᑕᐅᓚᐅᕐᐳᑦ ᑐᓂᔭᐅᓪᓗᑎᒃ ᐅᓄᕐᑐᓂᒃ: ᓂᕆᑦᔪᑎᓂᒃ ᓯᐅᓪᕕᕆᓂᒃ, ᒎᓗᓂᒃ, ᑕᖁᐊᒃᓴᓂᒡᓗ, ᐆᒪᔪᖁᑎᖏᓪᓗ ᐅᓯᓕᕐᑐᕐᓱᒋᑦ, ᐊᓯᖏᓐᓂᒡᓗ ᐱᔪᒥᓇᕐᑐᓂᒃ, ᑐᓂᕐᕈᑎᒃᓴᓂᒡᓗ ᑐᒃᓯᐊᕐᕕᖕᒧᑦ.

ᑖᓂᐊᓕᐅᑉ ᐊᒡᓚᖏᑦ 5:2

ᐱᐅᓪᓴᔮᓕ ᕔᓂᒥᒃ ᐃᒥᕐᑎᓪᓗᒍ, ᐱᖁᔨᓚᐅᕐᐳᖅ ᕾᑕᐅᖁᔨᓪᓗᓂ ᐃᒥᐅᑎᓂᒃ ᒎᓗᓂᒃ ᓯᐅᓪᕕᕆᓂᒡᓗ, ᐊᑖᑕᖓᑕ ᓂᐱᑯᓁᓴᐅᑉ ᐱᓚᐅᕐᑕᕕᓂᖏᓐᓂᒃ ᔨᕉᓴᓕᒻᒥᑦ; ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ, ᑖᑦᓱᒪᓗ ᓄᓕᐊᖏᑦ, ᐊᕐᓇᖁᑎᖏᓪᓗ ᑖᒃᑯᓂᖓ ᐃᒥᐅᑎᖃᖁᓪᓗᒋᑦ.

ᒨᓯᓯ ᐂᑉᐸᖏᑦ 27:3

ᐊᓪᓕᕋᒃᓴᓕᐅᕐᑐᒃᓴᐅᒋᕗᑎᑦ ᑐᓐᓄᕕᓃᑦ ᐊᕐᔭᓕᓂᖏᓐᓄᑦ ᐊᓪᓕᕋᒃᓴᒥᒃ, ᑖᒃᑯᓄᖓᓗ ᖃᓗᓯᑦᔪᑎᒃᓴᒥᒃ ᓴᓇᔪᒃᓴᐅᕗᑎᑦ, ᐴᒍᑕᓂᒡᓗ, ᓂᒃᓯᒐᐅᑎᓂᒡᓗ, ᐃᑯᒪᓂᒡᓗ ᐊᒡᔭᕐᓯᑦᔪᑎᒃᓴᓂᒃ; ᑕᒪᒃᑯᐊᓕᒫᓪᓗ ᑲᓐᓄᔭᐅᔪᒃᓴᐅᕗᑦ.

ᔪᐊᓇᓯᐅᑉ ᐊᒡᓚᖏᑦ 8:49

ᔩᓱᓯᐅᑉ ᑭᐅᕔᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ.

ᕉᒪᒥᐅᓄᑦ 9:20

ᐃᓅᒃ, ᐃᕝᕕᓪᓕ ᑭᓇᐅᕖᑦ, ᒎᑎᒥᒃ ᑭᐅᒪᔪᓐᓇᕋᕕᑦ? ᒪᕐᕋᖅ ᓴᓇᔭᐅᔪᖅ ᓴᓇᔨᒥᓄᑦ ᐅᖃᕈᓐᓇᕐᐹ, “ᓱᖕᒪᑦ ᑍᒫᒃ ᓴᓇᕕᖔ?”