Filipɛ̀n anmàn-bɔ̀ 4:9 - Ɛmɛẅi ankà ankrànkràn 2003

⁹ Eci léyi nyɛ́n cɔ̀, mán ankà-yé léyi nyɛ́n cɔ́ m'eyri, ndɔ lɔ fɛn, nyɛ́n ẅɛ̀n hɛ́n, ndɔ léyi nyɛ́n yá mɛ́n dɔ̀, mán hɩ léyi nyɛ́n kàn mɛ̀n hán. Kɩ Ɔwɔ léyi kɛ tán anwɔwɔ nɔn, mɛhi nye le dù.

Filipɛ̀n anmàn-bɔ̀ 4:9 Cross References

Matie 1:23

“Ɛnnyɔnwrɔn léyi kè sɩ̀ nyrì ɛncɔnwrɔn ankà nɔn ke le sî ɛmɛ̀ntɛ̀ kɩ ke le bî ɛncɔnwrɔn-ẅì tɔ̀n, ye le bi nɛ̀n Emanüɛlɛ̀n.” (N'ɛmɛ̀n kɛ dɔ̀ le “Ɔwɔ mɛhi bɔ́ dù”.)

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Matie 7:21

“Kè sɩ̀ dù anwrɔn lɔ fɛn léyi kɛ dɔ́ mɛ̀n le: ‘Ɛẅɛnwrɔn, Ɛẅɛnwrɔn’, de ke le bru Anhobɩ́-Nɛ̀ncüì-dúyri lɔ nɔn, tɛ́n yɔ léyi yɔ hán Dade léyi dú anhobɩ́ nɔn n'ɛkɔrɛ̀zì-ci.

Lükɛ̀n 6:46

“Ecitan kruhú kɛ nye bi mɛ̀n ‘Ɛẅɛnwrɔn, Ɛẅɛnwrɔn’ kɩ nyɛ́n sɩ́ hán m'ɔmùan ankà-dɔ̀ ci hɛ́?

Lükɛ̀n 8:21

Kɩ, Zhezü kɛ dɔ́ yɔ lɔ fɛn le: “Nmàn mán nmàn-ẅì hɔ̀n, dú yɔ hɔ̀n léyi ke die Ɔwɔ ankà nukùɛ, hɩ kɛ hán n'ɛkɔrɛ̀zì-ci nɔn.”

Zhan 13:17

Zɛtɛ̀ lɔ, nyɛ́n nyri ndɔ lɔ; nyɛ́n dú ɛnbɔrɛ-bruemɛ̀n ke dú kɛ nyɛ ẅɛn nɛ̀n nyɛ hɛ́n.

Zhan 15:14

Nyɛ́n dú m'annyran anvrɛn hɔ̀n, ke dú kɛ nyɛ hán eci léyi mɛ wá tán nyɛ̀n nɔn.

Zhan 2:5

Zɛtɛn Zhezü nɛ́n muan kɛ dɔ́ ɛci-bɩtan-bɔ̀ lɔ le: “Nyɛ́n hán eci lɔ fɛn léyi nɛ wá tán nyɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 9:6

Tɛ́n tɔhú, brù anmàn lɔ, kɩ nanvrɛn lɔ yɛ lɛ dɔ́ mɛ́n eci léyi ke ji le ɛ̀ hán nɔn.”

Rɔmɛ̀n-anmàn-bɔ̀ 15:33

Ɔwɔ léyi dú anwɔwɔ shi-bɛ́ nɔn, kɛ và dú nyɛ̀n ɛmɛ̀n. Kè dú ɔmu lɔ.

Rɔmɛ̀n-anmàn-bɔ̀ 16:20

Ɔwɔ, léyi dú anwɔwɔ shi-bɛ́ nɔn, kɛ lɛ boyɛ anwawrɔn wá ɛnvra buriemɛ̀n ny'annantrɛ̀ krugbɛ̀n. Ke ji le bɔ́ Ɛẅɛnwrɔn Zhezü boafɔ̀n lɔ kɛ và dú nyɛ̀n ɛmɛ̀n!

1 Korɛntɛ̀n anmàn-bɔ̀ 10:31

Ɔmu lɔ, ɛci nye zî hô, ɛnshi nye mi hô, eci totɔtɔ̀n léyi nyɛ hán nɔn, nyɛ́n hán fɛn kè dú Ɔwɔ ci-zrɔ tɛn.

1 Korɛntɛ̀n anmàn-bɔ̀ 14:33

ɔmuhi Ɔwɔ kè sɩ̀ dù Ɔwɔ tɔ̀n léyi kɛ wá sùkùsùkù ɛyri, tɛ́n nɛ hán anwɔwɔ kɔ̀hɔ̀n nɔn. Ndù hán Krisì-sɛ̀nkɛn-bɔ̀ hɔ̀n fɛcüè krubɔrɛ lɔ fɛn mɛ̀n,

1 Korɛntɛ̀n anmàn-bɔ̀ 4:16

Zɛtɛn mɛ sɛ́n nyɛ̀n, nyɛ́n nán esù mɛ́n sɛnpò lɔ wú.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

Filipɛ̀n anmàn-bɔ̀ 3:17

Anwrɔn-nɛ́n-muan-ẅì hɔ̀n, nyɛ lɛ fɛn nyɛ́n hán kɛ̀ hán mɛ̀n hɔ́. Bɔ̀ tán sɛnpò; zɛtɛn nyɛ́n crɛ̀ nyan anwrɔn hɔ̀n léyi kɛ hán sɛnpò ndɔ lɔ ne ci nɔn.

Filipɛ̀n anmàn-bɔ̀ 4:7

Kɩ anwɔwɔ léyi dú Ɔwɔ mɛ̀n, hɩ ká ankà-tro lɔ fɛn ankɔrɛ̀ nɔn, kɛ lɛ hɛ́n ny'ɛnbɔrɛ hɔ̀n lɔ mán ny'ankà-tro hɔ̀n lɔ Zhezü Krisì bɔ̀sɔ̀ lɔ mɛ̀n.

1 Tesalonikɛ̀n anmàn-bɔ̀ 1:6

Nyɛ́n bɩ́ bɔ́ sɛnpò mán Ɛẅɛnwrɔn tɛn lɔ; nyɛ́n kán ɛgbàn bobrebe, ɔmu tɛ̀kɩ nyɛ́n bɩ́ Ɔwɔ mùan-ankà-dɔ̀ lɔ pɔpüɛ̀ mɛ̀n, pɔpüɛ̀ léyi Ɛnhɛ́n Prɔnprɔn kɛ tán nɔn.

1 Tesalonikɛ̀n anmàn-bɔ̀ 2:14

Anwrɔn-nɛ́n-muan-ẅì hɔ̀n, nyɛ́n ci eci-hán zri lɔ wú hán Zhüde kpɔsɔ wú Ɔwɔ-fɛcüè-bɔ̀ léyi dú Ɔwɔ tɛ́n, kɩ bú Zhezü Krisì ankà tán ankaẅì nɔn. Nyɛ́n kán ɛgbàn nyɛ́n muan-ẅì hɔ̀n anmàn-zri-bɔ̀ tamɛ̀n, hán ɔmu le yɔ mán yɔ kán ɛgbàn Zhüifɛ̀n-bɔ̀ tamɛ̀n nɔn hɔ́.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

2 Tesalonikɛ̀n anmàn-bɔ̀ 3:4

Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.

Anhyrɛmɛ̀n timote 4:22

Ɛẅɛnwrɔn kɛ̀ cɔ́ vɛ́n mɛhi nyɛ́n dù. Ɔwɔ boafɔ̀n kɛ̀ cɔ́ nyɛ̀n mɛhi nyɛ́n dù.

Zhakɛ̀n 1:22

Nyɛ́n bɩ́ frɛ́n ny'edomɛ̀n Ɔwɔ ankà nukù-diemɛ̀n, tɛ́n ke ji le nyɛ́n hán n'ɛkɔrɛ̀-zì ci.

2 Piɛrɛ̀n 1:10

Hɩ le kruhú de, anwrɔn-nɛ́n-muan-ẅì hɔ̀n, nyɛ́n vru nyɛ́n hán kèkrèmɛ̀n, ô Ɔwɔ bì léyi bi nyɛ̀n mán ɛmrɛ̀n léyi nɛ̀n mrɛ́n nyɛ̀n nɛ́n bɩ nɔn, ɔmuhi ke dú kɛ ny'ɛhán ɔmu lɔ hô, nyɛ́n sɩ̀ bru ɛgbàn mɛ̀n mrìmrì.

1 Zhan 3:22

Bɔ́ cɔ́ eci lɔ fɛn léyi bɔ́ sán n'eyri, ɔmuhi bɔ́ hán n'ɛnyanmàn kɔrɛ̀zi-ci, kɩ bɔ́ hán eci léyi nɛ cüɛ̀n nɔn.