Filipɛ̀n anmàn-bɔ̀ 4:8 - Ɛmɛẅi ankà ankrànkràn 2003

⁸ Ɔtrɔmɛ̀n lɔ, anwrɔn-nɛ́n-muan-ẅì hɔ̀n, ny'esùva wá kè dú eci léyi zrɔ, hɩ ẅɛn vɔ̀nshɛ́ ɛmrɛ́n mɛ̀n nɔn wú: eci lɔ fɛn léyi dú annanwɔrɛ, dú ɔwá, dú ɛnyrɔnnan, dú ɛfifi, dú ɛzrɔ mɛ̀n mán ɛmrɛ́n mɛ̀n nɔn.

Filipɛ̀n anmàn-bɔ̀ 4:8 Cross References

Matie 22:16

Yɔ wá y'ɛsɛ̀nkɛn-bɔ̀ mán Herɔdɛ̀n zìwú bɔ̀ jan ɔkɔ̀hɔ̀n kɛ̀ hɔ̀n dɔ́ Zhezü le: “Ankà-yé-wrɔn, bɔ́ nyri ɔmu le ɛ dɔ́ ankàẅì ankà: E yé annànwɔrɛ ankà léyi Ɔwɔ ke ji nɔn, ɔwrɔn ankà ke sɩ́ ẅɛn mɛ́n ɛnjansù, kɩ e sɩ́ ci ɔwrɔn zriɛmɛ́n anvɛwú mrɛ̀n.

Markɛ̀n 6:20

Herɔdɛ̀n ke sú Zhan, ɔmuhi nɛ̀n nyri ɔmu le, Zhan dú ɔwrɔn anvrɛnvrɛn, prɔnprɔn-wrɔn kɩ nɛ wá yi esùva. Ɛnvra léyi Herɔdɛ̀n ke die Zhan nukùɛ nɔn, ne dú ɛnkrɛ̀ta kuemɛ̀n, ɔmu tɛ̀kɩ nɛ cüɛn yi nukù die.

Lükɛ̀n 16:15

Zhezü kɛ dɔ́ yɔ le: “Nyɛ́n dú anwrɔn hɔ̀n léyi ke bú y'edomɛ̀n kɛ hán ɛnyrɔn-nan-bɔ̀ anwrɔnẅì zìwú, tɛ́n Ɔwɔ nyrí ny'ɛnbɔrɛ hɔ̀n lɔ. Ɔmuhi, eci léyi anwrɔnẅì ke bɩ kɛ hán eci vri nɔn, Ɔwɔ zìwú lɔ dú eci-gbri-ci.

Lükɛ̀n 2:25

Zɛtɛn ɔwrɔn tɔ̀n dú Zherüzalɛmɛ̀n anmàn, ye bi nɛ̀n Simeɔn. Ɔwrɔn ndɔ lɔ, dú ɛnyrɔnnan-wrɔn; nɛ wá Ɔwɔ, kɩ nɛ vrá ɔwrɔn léyi kɛ lɛ và ke bɩ́ Izraɛlɛ̀n kè die nɔn. Ɛnhɛ́n Prɔnprɔn mɛhi yɔ dù,

Lükɛ̀n 23:50

Ɔwrɔn tɔ̀n ye bi nɛ̀n Zhozɛfɛn, nɛ̀n dú Zhüifɛn-bɔ̀ anmàn léyi ye bi Arimate nɔn wrɔn. Ɔwrɔn ndɔ lɔ zrɔ, kɩ nɛ̀n dú ɛnyrɔn-nan-wrɔn, kɩ nɛ̀n ẅɛn esɛ́ Anhobɩ́ Nɛ̀ncüì-dúyri vá mɛ̀n. Nɛ̀n dú ankà-dɔ̀ trɔ wrɔn tɔ̀n, kɩ nɛ̀n sɩ̀ dù nɛ́n nyran hɔ̀n ankà-dɔ̀-trɔ-bɔ̀ ɛmɛẅi, Zhezü ankà lɔ mɛ̀n.

Zhan 7:18

Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 10:22

Yɔ mrɛ́n ɔmùan le: “Bɔ̀ vá ɛfrá-wrɔn Kɔrnɛyì bɩmɛ̀n. Nɛ̀n dú ɛnyrɔn-nan-wrɔn léyi kɛ wá Ɔwɔ, hɩ Zhüifɛ̀n-bɔ̀ lɔ fɛn kɛ cüɛ̀n nɔn. Ɔwɔ-kùyüre-wrɔn tɔ̀n wá tán nɛ̀n le nɛ̀n hán mɛ́n ɛ̀ và cɔ́ nɛ̀n ne yri ɛbemɛ̀n, ô nɛ̀n yá ankà léyi ɛ ẅɛ̀n ɛ lɛ dɔ́ nɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 22:12

Nanvrɛn lɔ ɔwrɔn tɔ̀n ndù ye bi nɛ̀n Ananiasɛ̀n, nɛ̀n dú ɔwrɔn léyi ke bɩ́ Ɔwɔ ankà kɩ ne di ɔmùan zri bɔ́ ɛnyanmàn-ankà wú, kɩ Zhüifɛ̀n-bɔ̀ lɔ fɛn léyi dú Damasɛ̀n anmàn nɔn, kɛ cüɛn n'ankà.

Ɔkɔ̀hɔ̀n-wá-bɔ̀ kɔ̀hɔ̀n hán 6:3

Hɩ le kruhú, anwrɔn-nɛ́n-muan-ẅì hɔ̀n, nyɛ́n mrɛ́n ny'ɛmɛ̀n lɔ, anwrɔn ɔbɔ̀ɛn léyi ke le dú anwrɔn anvrɛnvrɛn, hɩ Ɛnhɛ́n Prɔnprɔn mán ankà-nyrì yɩ́ edomɛ̀n, kɩ bɔ́ lɛ tán yɔ ɛci-zî kɔhɔ̀n lɔ.

Rɔmɛ̀n-anmàn-bɔ̀ 13:13

Bɔ̀ nyrɔn bɔ́ edomɛ̀n ɛwá mɛ̀n, hán ɔmu le ke ji le bɔ̀ hán ɛcɛ̀n-yri-kàn mɛ̀n nɔn. Bɔ̀ wá bɔ́ edomɛ̀n esùva ɛci-cüì-zîemɛ̀n, ɛntàn-kɔ́n mɛ̀n, esù-gbàngbàn-nán mɛ̀n mán ɛwúvà-gbàngbàn-ẅɛn mɛ̀n, ɛdrɛ̀-hán mɛ̀n mán ecüi-hi-kɔ́n mɛ̀n.

Rɔmɛ̀n-anmàn-bɔ̀ 13:3

Annanwɔrɛ mɛ̀n lɔ, anwrɔn hɔ̀n léyi kɛ hán anvrɛn nɔn ke sɩ́ sú ɛmrɛ̀nci-bɔ̀, tɛ́n yɔ hɔ̀n léyi kɛ hán ɛgbàn nɔn de ke sú yɔ nɔn. E sɩ́ ji le è sú ɛkɔrɛ̀-levri-wrɔn hán? Zɛtɛn, ɛ̀ hán anvrɛn kɩ ɛ lɛ cɔ́ ɛmrɛ́n,

Rɔmɛ̀n-anmàn-bɔ̀ 14:18

Ɔwrɔn léyi ke dú Krisì ci-bɩ̀tan-wrɔn, eci ɔmu lɔ hán mɛ̀n nɔn, nɛ cɔ́ Ɔwɔ cüɛ̀n kɩ anwrɔnẅì ke bɩ́ n'ankà.

Rɔmɛ̀n-anmàn-bɔ̀ 2:29

Tɛ́n Zhüifɛ̀n-wrɔn annanwɔrɛ lɔ, dú nɛ́n léyi n'ɛnbɔrɛ lɔ mɛ̀n, nɛ̀n dú Zhüifɛ̀n-wrɔn, kɩ ye wi nɛ̀n wúcɔ̀-domɛ̀n n'ɛnbɔrɛ lɔ mɛ̀n, kɩ nɛ́n wúcɔ̀-domɛ̀n-wì lɔ dú Ɔwɔ Hɛ́n Prɔnprɔn mɛ̀n srɔ, kɩ kè sɩ̀ dù ɛnyànmàn léyi ye merɛ́n nɔn mɛ̀n. Zhüifɛ̀n-wrɔn annanwɔrɛ ndɔ lɔ, kɛ cɔ́ n'ɛmrɛ́n Ɔwɔ yri, tɛ́n ke sɩ̀ dù anwrɔnẅì yri.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 13:7

Bɔ́ sɛ́n Ɔwɔ, ô nyɛ́n bɩ́ hán eci gbangbàn zriɛmɛ́n; bɔ́ sɩ́ ji bɔ̀ yé nanvrɛn lɔ, bɔ́ eci-anvrɛnvrɛn-hán, tɛ́n bɔ́ ji bɔ̀ kán nyɛ̀n nyɛ́n hán eci anvrɛnvrɛn, kɩ ke dú kɛ bɔ́ dú ɛzɛ́n mɛ̀n mán.

2 Korɛntɛ̀n anmàn-bɔ̀ 6:8

Yɛ mrɛ́n bɔ̀, kɩ ɛnvra tɔ̀n yɛ ẅɛn bɔ́ egbrì; yɛ wora bɔ̀ kɩ ɛnvra tɔ̀n yɛ wá bɔ̀, yɛ nyan bɔ̀ kɛ hán anhyɔ̀n-bɔ̀ hɔ́, tɛ́n bɔ́ dɔ́ ankà annanwɔrɛ,

2 Korɛntɛ̀n anmàn-bɔ̀ 8:18

Bɔ́ mán nɛ́n mɛhi bo yüre nyɛ̀n ɔwrɔn-nɛ́n-muan-ẅì léyi Ɔwɔ-fɛcüè lɔ fɛn kɛ mrɛ́n n'eci-hán mɛ̀n, Ɛmɛẅi ankà Ankrankran ci-bɩtan-kɔ̀hɔ́n lɔ mɛ̀n nɔn.

2 Korɛntɛ̀n anmàn-bɔ̀ 8:21

Bɔ́ sɩ́ ji bɔ̀ hán eci léyi kɛ cüɛn Ɛẅɛnwrɔn zri kɩ ɛvɛ̀, tɛ́n anwrɔnẅì mán.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Efɛzɛ̀n anmàn-bɔ̀ 4:25

Hɩ kruhú, nyɛ́n kɔ́n ɛyɔ̀n-ankà nyɛ́n cüe! Ke ji le ɔwrɔnwrɔn kɛ̀ dɔ́ nɛ́n nyran ankà annanwɔrɛ, ɔmuhi bɔ́ lɛ fɛn bɔ̀ dú edùwrú zri mɛ̀n-bɔ̀ nɔn.

Efɛzɛ̀n anmàn-bɔ̀ 5:9

ɔmuhi, ɛyri-kàn kɛ shi ɛzrɔ mɛ̀ntɛ mɛ̀ntɛ, esùnan anvrɛnvrɛn mán annanwɔrɛ nɔn.

Efɛzɛ̀n anmàn-bɔ̀ 6:14

Nyɛ́n krɔn kpehɛ́n nyɛ́n nyɔn: annanwɔrɛ kè dú nyɛ́n pɛtɛ̀n nyɛ́n nyɔn ɛwùe; ɛnnyrɔnnan kè dú nyɛ́n anhà-kɔ́n ceci;

Filipɛ̀n anmàn-bɔ̀ 3:1

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, nyɛ́n dú pɔpüɛ̀ mɛ̀n, ɔmuhi nyɛ́n dú Ɛẅɛnwrɔn bɔ̀sɔ̀ lɔ mɛ̀n nɔn. Ankà léyi mɛ́n gɔ̀ dɔ́ nyɛ̀n nɔn, n'ɛsàn merɛ́n ke sɩ́ wá mɛ̀n ejüe, kɩ nyɛ tɛn ndɔ lɔ dú eci ankrankran.

Kɔlɔsèn anmàn-bɔ̀ 4:5

Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.

1 Tesalonikɛ̀n anmàn-bɔ̀ 4:12

Ɔmu lɔ de ny'esùnàn kɛ lɛ wá tán ny'ɛwá, anwrɔn léyi kè sɩ̀ dù Krisì-sɛ̀nkɛn-bɔ̀ nɔn y'ɛtɛ̀sɛ̀n, kɩ nyɛ́n sɩ̀ srɔ ɔwrɔn zriɛmɛ́n lowru.

Kpàkpà timote 2:2

Ke ji le yɛ sɛ̀n tán ɛnnɛncüì hɔ̀n mán ɛyri-ẅɛn-bɔ̀, ô bɔ̀ ẅɛn ɛwúvà wɔwɔ léyi ɛwá dú ɛmɛ̀n, b'Ɔwɔ tɛ̀sɛ̀n và anvrɛnvrɛn mɛ̀n.

Kpàkpà timote 3:11

Yɔ wúyɔ̀ mán ke ji le kɛ̀ ẅɛn ɛwá; ô ke bɩ́ hán ankà-sɩ́ kɔ̀hɔ̀n; yɔ bɩ́ zî ɛci cüì, ô eci lɔ fɛn mɛ̀n lɔ yɔ di ɔmùanzri.

Kpàkpà timote 3:4

nɛ̀n nyrì ẅɛn n'ɛmɛ̀n mɛ̀n bɔ̀, ô n'ɛẅì hɔ̀n kɛ̀ ẅɛn n'ɛwá eci lɔ fɛn mɛ̀n.

Kpàkpà timote 4:12

Ke sɩ́ ji le ɔwrɔn zriɛmɛ́n kɛ ẅɛn v'egbrì ɔmuhi è dú sùgban-wrɔn nɔn; tɛ́n è dú sɛnpò ɛ̀ tán ankaẅì-bùtan-ẅɛn-bɔ̀, v'ankà-dɔ́ mɛ̀n, v'esùnan mɛ̀n, v'ɛcüɛ̀n ci-hán mɛ̀n, v'ankaẅì-bùtan-ẅɛn mɛ̀n mán v'efifiemɛ̀n dù.

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Kpàkpà timote 5:2

wúyɔ̀ cüìcüì hɔ̀n kɛ̀ hán le ɔmuan hɔ̀n hɔ́, mán sùgban wúyɔ̀ hɔ̀n kɛ̀ hán le ɔmuan-ẅì hɔ̀n wúyɔ̀ hɔ́, eci-hán fifiemɛ̀n.

Titɛ̀n 1:8

Ke ji le nɛ̀n nyrì ẅɛn nɛ̀nnyàn-bɔ̀, ô nɛ̀n ji eci léyi zrɔ nɔn. Ke ji le nɛ̀n ẅɛn ankà-nyrì, nɛ̀n dú ɛnyrɔnnan-wrɔn, nɛ̀n dú prɔnprɔn, ô nɛ̀n nyrì ẅɛn n'edomɛ̀n.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Titɛ̀n 2:2

Ɛ̀ dɔ́ nɛ̀ngbànvri-bɔ̀ le, yɔ bɩ́ zî ɛci bobrebe, yɔ ẅɛn ɔwá, yɔ hán ankà-nyri-ci, yɔ nyɔn ɛshishiemɛ̀n ankàẅì-bùtan-ẅɛ̀n annànwɔrɛ mɛ̀n, ɛcüɛn mɛ̀n, mán ɛnbɔrɛ-ẅɛ̀n hɛ́n mɛ̀n.

Titɛ̀n 2:7

Vɛ́n dùku mán ke ji le è dú sɛnpò v'eci-ankrànkràn-hán mɛ̀n. V'eci-yé kè dú ɔmùan-zri mán anvrɛnvrɛn.

Titɛ̀n 3:14

Ke ji le bɔ́ fɛcüè lɔ mán kè nyrì wá y'edomɛ̀n kokroho eci ankrànkràn hán mɛ̀n ô kè dú ɛkɔrɛ̀-wá anvrɛnvrɛn; kɩ ke sɩ́ ji le yɔ ẅɛn ɛwúvà woro.

Ebre-bɔ̀ 11:2

Y'ankàẅìbùtan ẅɛ̀n kruhú de Ɔwɔ bi ɛnbiɛhɛ́n bɔ̀ ɛvrivri hɔ̀n lɔ hán n'ɔkɔ̀hɔ̀n nɔn.

Ebre-bɔ̀ 13:18

Nyɛ́n sɛ̀n nyɛ́n tán bɔ̀. Bɔ̀ ẅɛn esɛ́ le, bɔ̀ ẅɛn wàwúyɛ ankrankran, ɔmuhi bɔ́ ji le bɔ̀ nyrɔn bɔ́ edomɛ̀n anvrɛnvrɛn eci lɔ fɛn mɛ̀n nɔn.

Zhakɛ̀n 1:27

Nyàn eci léyi Ɔwɔ Zí ke bɩ ke wotro ɔkɔ̀hɔ̀n fifi mán annanwɔrɛ nɔn: Yɔ wá ɛzhe-ẅì hɔ̀n mán ɛngrɔn-wúyɔ̀ hɔ̀n ɛkɔrɛ̀ y'ɛgbànkàn lɔ mɛ̀n, ô nyɛ́n wá ny'edomɛ̀n esùva ɛnu ɛnhibù wú ci-gbàngbàn lɔ fɛn tɛ̀sɛ̀n.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

1 Piɛrɛ̀n 2:12

Nyɛ́n ẅɛn esunàn ankrankran anwrɔn hɔ̀n léyi kè sɩ̀ nyrì Ɔwɔ nɔn y'ɛtɛ̀sɛ̀n; ɔmu lɔ de, ke dú kɛ yɔ ẅɛn ɛyɔ̀n yɔ ku nyɛ̀n ɛwú, yɔ dɔ̀ le nyɛ́n dú eci-gbàngbàn hán-bɔ̀, ô ɔtrɔ mɛ̀n lɔ, yɔ le nyri ɛci ankrankran hɔ̀n léyi nyɛ́n hán nɔn, kɩ yɔ lɛ mrɛ́n Ɔwɔ, ɛnbì léyi dú n'ɛvá bì nɔn.

1 Piɛrɛ̀n 4:8

Eci lɔ fɛn mɛ̀n lɔ, nyɛ́n cüɛn ny'edomɛ̀n edùyiemɛ̀n, ɔmuhi ɛcüɛ̀n kɛ cɔ́ ɛgbàn bobrebe gbànbɩce nɔn.

2 Piɛrɛ̀n 3:1

Annyran anvrɛn hɔ̀n, vru nyàn anhyrɛmɛ̀n wrú léyi me yüre nyɛ̀n nɔn. Kpàkpà mán anhyrɛmɛ̀n wrú lɔ mɛ̀n, mɛ̀n ji, ô mɛ̀n kro sɩ́ ny'ɛnhɛ́n mɛ̀n, ankàtro prɔnprɔn hɔ̀n léyi m'eci-yé mɛ̀n, mɛ̀n kro nyɛ̀n nɔn.

1 Zhan 3:18

M'ɛẅì hɔ̀n, ke sɩ́ ji le bɔ́ ɛcüɛ̀n lɔ kè dú ankà ankrankran dɔ́ mɛ̀n tɛ̀kɩ; ke ji le kè dú ɛcüɛ̀n annanwɔrɛ léyi ke yé n'edomɛ̀n eci-hán mɛ̀n nɔn.

1 Zhan 3:3

Ɔwrɔn totɔtɔ̀n léyi kɛ ẅɛn esɛ́ ndɔ lɔ Krisì mɛ̀n nɔn, nɛ srɔ ɛfifi, hán ɔmu le Krisì dú ɛfifiemɛ̀n nɔn hɔ́.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.