Filipɛ̀n anmàn-bɔ̀ 4:6 - Ɛmɛẅi ankà ankrànkràn 2003

⁶ Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.

Filipɛ̀n anmàn-bɔ̀ 4:6 Cross References

Matie 10:19

Ɛnvra léyi ye le sɩ́ nyɛ̀n ɛmrɛ̀nciemɛ̀n nɔn, ɛnkrɛ̀ta ke bɩ́ ku nyɛ̀n, ankà hɔ̀n léyi nyɛ lɛ dɔ̀ nɔn mán ɔmu le nyɛ lɛ hán nyɛ́n dɔ́ nɛ̀n nɔn; ankà hɔ̀n léyi nyɛ lɛ dɔ̀ nɔn, kɛ lɛ và cɔ́ nyɛ̀n ɛnvra ndɔ lɔ mɛ̀n;

Matie 13:22

Ndɔ hɔ̀n kɛ cɔ́ ɛci-ẅì lɔ ɔwi-tɛ̀ granmɛ̀n: yɔ yá ankà-dɔ̀ lɔ, tɛ́n ɛnhibù wú ankà-tro mán n'ɛfrɛ́n nɛ̀ncüì-dì kɛ kɛ́n ankà-dɔ̀ lɔ ɛndɔ̀nwrɔ̀n hɛ́n, kɩ nɛ́n sɩ́ shi ɛnẅì zriɛmɛ́n.

Matie 6:34

Ɛnkrɛ̀ta ke bɩ́ ku nyɛ̀n ɛnɛ́n ankà kruhú: ɛnɛ́n dùku ke le tro n'edomɛ̀n ankà. Ɔwɔ kɛ tán ɔwrɔnwrɔn nɛ́n nbì nbì ci léyi ke ji nɔn.”

Matie 6:8

Nyɛ́n bɩ́ hán eci kɛ cá yɔ, ɔmuhi, nyɛ́n Zi Ɔwɔ nyri eci léyi nye ji yakɛ nyɛ́n bukru nyɛ sán nɛ̀n nɔn.

Lükɛ̀n 10:41

Ɛẅɛnwrɔn kɛ dɔ́ nɛ̀n le: “Martɛ̀n, Martɛ̀n, e ku ɛnkrɛ̀ta kɩ ɛ kán ɛgbàn ɛci bobrebe krukú,

Lükɛ̀n 12:22

Zɛtɛn Zhezü kɛ dɔ́ n'ɛsɛnkɛn-bɔ̀ le: “Nyàn eci le kruhú léyi mɛ dɔ́ nyɛ̀n le: ɛnkrɛ̀ta ke bɩ́ ku nyɛ̀n ɛci-zî ankà kruhú mán edù-ku-ci léyi nyɛ lɛ ẅɛn edomɛ̀n nɔn yi wú.

Lükɛ̀n 12:29

Nyɛ́n bɩ́ di ny'edomɛ̀n ejüe, nyɛ́n ji ɔmu le nyɛ lɛ hán, ô nyɛ́n cɔ́ ɛci-zî mán ɛnshi-mì nɔn.

Lükɛ̀n 18:1

Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.

Lükɛ̀n 18:7

Kɩ Ɔwɔ tɛ́n, ke sɩ̀ ci ɛmrɛ̀n anvrɛnvrɛn kɛ tán n'anwrɔn hɔ̀n léyi ɛnnyran mán ɛcɛ̀n ke di bobo bi nɛ̀n nɛ́n? Kɛ lɛ mɔɛ̀n yakɛ nɛ lɛ wá yɔ ɛkɔrɛa?

1 Korɛntɛ̀n anmàn-bɔ̀ 7:21

E dú ɔwɔ̀n-wrɔn ɛnvra léyi Ɔwɔ bi mɛ́n nɛ́n? Ke bɩ́ ku mɛ́n ɛnkrɛ̀ta; tɛ́n ke dú kɛ eci tɔ̀n kɛ tán mɛ́n ɛkɔrɛ̀levri ɛ̀ srɔ ɔwrɔn kora hô, è bɩ́ ɛkɔrɛ̀levri ndɔ lɔ.

1 Korɛntɛ̀n anmàn-bɔ̀ 7:32

Mɛ cüɛ̀n ɔmu le, nyɛ́n bɩ́ ẅɛn ejüedì ankà-tro zriɛmɛ́n. Ɔwrɔn léyi kè sɩ̀ wà eyiri-mùan nɔn, kɛ crɛ-nyan Ɛẅɛnwrɔn domɛ̀n ankà, ne ji nɛ̀n cüɛn Ɛẅɛnwrɔn ɛvɛ̀;

2 Korɛntɛ̀n anmàn-bɔ̀ 1:11

kɩ nyɛ́n dùku ny'Ɔwɔ-sɛ́n mɛ̀n lɔ, nyɛ lɛ wá bɔ̀ ɛkɔrɛ̀. Ɔmu lɔ de Ɔwɔ kɛ lɛ yá Ɔwɔ-sɛ̀n léyi bobrebe kɛ hán tán bɔ̀, nɛ lɛ hán bɔ̀ anvrɛn ndɔ lɔ kɩ bobrebe kɛ lɛ tán nɛ̀n ɔkùɛn bɔ́ kruhú.

Efɛzɛ̀n anmàn-bɔ̀ 5:20

Nyɛ́n tán Ɔwɔ Zi ɔkùɛn ɛnvra lɔ fɛn mán eci lɔ fɛn mɛ̀n, bɔ́ Ɛẅɛnwrɔn Zhezü Krisì bɩmɛ̀n.

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Kɔlɔsèn anmàn-bɔ̀ 3:15

Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.

Kɔlɔsèn anmàn-bɔ̀ 3:17

Eci lɔ fɛn léyi nyɛ hán, ankà-dɔ́ mɛ̀n, eci-hán mɛ̀n, nyɛ́n hán nɛ̀n Ɛẅɛnwrɔn Zhezü bɩmɛ̀n, ô ny'Ɔwɔ kùɛn-tán kè ci n'eyri.

Kɔlɔsèn anmàn-bɔ̀ 4:2

Nyɛ́n sɛ́n Ɔwɔ ɔmùan-zri-diemɛ̀n, ny'ɔwɔ-sɛ́n mɛ̀n lɔ, nyɛ́n nyɔn ɛshishiemɛ̀n mán enyri-kùɛn-tán mɛ̀n.

Kpàkpà timote 2:1

Ɛnvrapkà lɔ, mɛ wá tán le yɛ sán Ɔwɔ eci, yɛ sɛ́n nɛ̀n, ye wùbi nɛ̀n, ô yɛ tán nɛ̀n ɔkùɛn kè dú ɛci kɔrɛkɔrɛ lɔ fɛn tɛn.

Kpàkpà timote 5:5

Ɛngrɔn-hi léyi annanwɔrɛ mɛ̀n lɔ, dú nɛ́n zri, kè sɩ̀ ẅɛ̀n ɔwrɔn zriɛmɛ́n hɩ ká wá nɛ̀n esùva nɔn, bɩ́ n'esɛ́ wá Ɔwɔ mɛ̀n; ɛnnyran mán ɛcɛ̀n nɛ sɛ́n Ɔwɔ, ô kɛ̀ wá nɛ̀n ɛkɔrɛ̀.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

1 Piɛrɛ̀n 5:7

Nyɛ́n bɩ́ ny'ejüedì ankà lɔ fɛn nyɛ̀n tán nɛ̀n, ɔmuhi, nɛ̀n ẅɛn ny'esùva-wá nɔn.