Filipɛ̀n anmàn-bɔ̀ 4:5 - Ɛmɛẅi ankà ankrànkràn 2003

⁵ Ke ji le ny'ɛzrɔ lɔ kè di ebɩ anwrɔn lɔ fɛn zìwú. Ɛẅɛnwrɔn kɛ lɛ vá ɛnvra bruemɛ̀n.

Filipɛ̀n anmàn-bɔ̀ 4:5 Cross References

Matie 6:25

“Nyàn eci le kruhú léyi mɛ dɔ́ nyɛ̀n le: ɛnkrɛ̀ta ke bɩ́ ku nyɛ̀n ny'ɛci-zî, ny'ɛnshi mi mán ny'ɛci léyi nyɛ lɛ ẅɛn edomɛ̀n nɔn, hɩ wú. Ɛwúvà vrán ɛci-zî kɩ edùwrú mán vrán eci-edùkù, kè sɩ̀ dù ɔmuhɛ́n?

Matie 6:34

Ɛnkrɛ̀ta ke bɩ́ ku nyɛ̀n ɛnɛ́n ankà kruhú: ɛnɛ́n dùku ke le tro n'edomɛ̀n ankà. Ɔwɔ kɛ tán ɔwrɔnwrɔn nɛ́n nbì nbì ci léyi ke ji nɔn.”

Lükɛ̀n 21:34

“Nyɛ́n wá esùva! Nyɛ́n bɩ́ teze nyɛ́n hɛ́n lɔ kɛ srɔ́n ɛkoran mɛ̀n mán ɛntàn-kɔ́n mɛ̀n mán ɛnhibù wúvà ankà-trɔ lɔ mɛ̀n, ke dú ɔmu lɔ hô, ɛmrɛ̀n-ci bì lɔ kɛ lɛ ẅɛn nyɛ̀n nmù kprú

1 Korɛntɛ̀n anmàn-bɔ̀ 16:22

Ke dú kɛ ɔwrɔn tɔ̀n ke sɩ́ cüɛn Ɛẅɛnwrɔn hô, muzhie kɛ̀ bó nɛ̀n! Maranata, Bɔ́ Ɛẅɛnwrɔn, và!

1 Korɛntɛ̀n anmàn-bɔ̀ 6:7

Annanwɔrɛ mɛ̀n lɔ, ɛmrɛ̀nci-ankà léyi dú nyɛ̀n angranmɛ̀n nɔn, ke yé tán le ny'ɔkɔ̀hɔ̀n lɔ dú ɛzɛ́n mɛ̀n. Cɛci kruhú kɛ, nyɛ́n sɩ́ shri ankà-gbàn nyɛ́n bɩ́ɛ? Cɛci kruhú kɛ nyɛ́n sɩ́ teze ye bɩ́ nyɛ̀n ɛci edomɛ̀n yɛ sɔhɔ́a?

1 Korɛntɛ̀n anmàn-bɔ̀ 8:13

Hɩ le kruhú de, ke dú kɛ ɛci-zî tɔ̀n ke sɩ́ nmàn-ẅì ɛzrɛ́n mɛ̀n, mɛ́n sɩ̀ vru rá ɔnɔ̀n-ẅia mrìmrì, ô nmàn-ẅì ke bɩ́ dú ɛzrɛ́n mɛ̀n.

1 Korɛntɛ̀n anmàn-bɔ̀ 9:25

Ɛsrɛ́-bɔ̀ lɔ fɛn léyi dú ɛsrɛ́ ci-hán mɛ̀n nɔn kɛ tán y'edomɛ̀n ɔkɔ̀hɔ̀n shishi. Yɔ hán ɔmu lɔ, ô yɔ cɔ́ ɛnkrusɔn-ci léyi kɛ gɔ́ jrɛ́ nɔn; tɛ́n bɔ́, bɔ́ hán nɛ̀n, ô bɔ̀ cɔ́ ɛnkrusɔn-ci léyi ke sɩ́ jrɛ́ mrìmrì nɔn.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Tesalonikɛ̀n anmàn-bɔ̀ 2:2

nyɛ́n bɩ́ teze ny'edomɛ̀n owule mɛ̀n, yɛ wá ny'ɛnhɛ́n lɔ gbɔ̀gbɔ̀ edù, yɛ wá nyɛ̀n ɛnjansù, ke dú kɛ ɔwrɔn kɛ dɔ̀ le Ɛẅɛnwrɔn bì lɔ ncɔ̀a. Nyɛ́n bɩ́ bú n'ankà lɔ nyɛ́n tán ankaẅì, ke dú kɛ nɛ dɔ̀ le Ɔwɔ-mùanwú-ankà-dɔ̀, kɩ nɛ dɔ̀ le owrú merɛ́n ankà-dɔ̀ de, yɛ tán nyɛ̀n nɔn.

Titɛ̀n 3:2

Yɔ bɩ́ dɔ́ ɔwrɔn zriɛmɛ́n ankà-gbàn, yɔ ẅɛn ɛnbɔrɛ wɔwɔ mán ɛcüɛ̀n, ô ɛnvra lɔ fɛn yɔ yé anwrɔn nyàntɛn hɔ̀n y'anwɔwɔ lɔ.

Ebre-bɔ̀ 10:25

Bɔ́ bɩ́ teze bɔ́ fɛcüè krubɔrɛ hɔ̀n lɔ kɛ hán ɔmu le, anwrɔn ndɔ hɔ̀n dú y'edùci nɔn hɔ́. Tɛ́n, bɔ̀ tán bɔ́ edomɛ̀n edùyì, kɩ ndɔ lɔ kè dú bɔ́ eci-hán, ɔmuhi nyɛ kàn le Ɛẅɛnwrɔn vá bì lɔ kɛ́n eburi nɔn.

Ebre-bɔ̀ 10:37

Annanwɔrɛ mɛ̀n lɔ ye merɛ́n le: “Ɛnvra jan, ɛnvra jan kɩ wɔrɔ, kɩ ɔwrɔn léyi kɛ và nɔn, kɛ lɛ và, nɛ́n sɩ̀ vru mɔ̀ɛn hàn.

1 Piɛrɛ̀n 1:11

Yɔ ji kèkrèmɛ̀n, ô yɔ cɔ́ ɛnvra lɔ mɛ̀n mán eci-hán-ci hɔ̀n léyi Krisì Hɛ́n kɛ tán; ɔmuhi Ɛnhɛ́n ndɔ léyi dú y'ɛmɛ̀n nɔn, gɔ́ dɔ́ yɔ ɛgbànkàn léyi Krisì kɛ lɛ srɔ́n ɛsù mán ecizrɔ léyi zɛtɛn ke le dú nɛ tɛn nɔn hɩ ankà.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

Ɔwɔ-mɛ̀n-yrikàn 22:20

Ɔwrɔn léyi ke dí annanwɔrɛ ankà ndɔ lɔ nɛ́n dalɛfuɛ nɔn, kɛ dɔ̀ le: “Hɛ̀ɛ̀, mɛ vá ɛnvra buriemɛ̀n!” Annanwɔrɛ mɛ̀n! Kè dú ɔmu lɔ! Và, Ɛẅɛnwrɔn Zhezü!

Ɔwɔ-mɛ̀n-yrikàn 22:7

“Zhezü kɛ dɔ̀ le, è die nukù, mɛ vá ɛnvra bruemɛ̀n! Ɛnbɔrɛbru dú anwrɔn hɔ̀n léyi ke bɩ́ ɛshishiemɛ̀n Ɔwɔ-mùan-wú-ankà-dɔ̀ léyi dú owrú ndɔ lɔ mɛ̀n nɔn tɛ́n!”