Filipɛ̀n anmàn-bɔ̀ 4:4 - Ɛmɛẅi ankà ankrànkràn 2003

⁴ Nyɛ́n dú ɛnvra lɔ fɛn pɔ̀püɛ̀ mɛ̀n, ô nyɛ́n dú Ɛẅɛnwrɔn tɛn. Mɛ sán dɔ̀: Nyɛ́n dú pɔ̀püɛ̀ mɛ̀n!

Filipɛ̀n anmàn-bɔ̀ 4:4 Cross References

Matie 5:12

Pɔ̀püɛ̀ kɛ̀ brá nyɛ̀n, nyɛ́n dú ɛnbɔrɛbruemɛ̀n, ɔmuhi anjakpà vri dú anhobɩ́ kɛ vrá nyɛ̀n nɔn. Ɔmu lɔ de annànwɔrɛ mɛ̀n, yɛ hán Ɔwɔ-mùanwú-ankà-dɔ́-bɔ̀ lɔ di ejüe yakɛ cɔ́ ny'ɛnvra lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 16:25

Ɛnnyran wanzi vra, Pɔlɛ̀n mán Silasɛ̀n dú Ɔwɔ-sɛ́n mɛ̀n, kɩ kɛ krɛ́ ɛcɔ̀ kɛ mrɛ́n Ɔwɔ; anwɔn-mɛ̀n-wá-bɔ̀ ndɔ hɔ̀n lɔ ke die yɔ nukùɛ.

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Rɔmɛ̀n-anmàn-bɔ̀ 12:12

Nyɛ́n dú pɔpüɛ̀-brá mɛ̀n, ny'esɛ́ léyi nyɛ́n ẅɛn nɔn hɩ kruhú, nyɛ́n ẅɛn ɛnbɔrɛ nyɛ́n hɛ́n ejüedì-gbànkán mɛ̀n; nyɛ́n sɛ́n Ɔwɔ ɔmùan-zri-diemɛ̀n.

2 Korɛntɛ̀n anmàn-bɔ̀ 6:10

Yɛ wá bɔ̀ gbɔ̀gbɔ̀ edù, ɔmu tɛ̀kɩ bɔ́ dú ɛnvra lɔ fɛn pɔpüɛ̀-brá mɛ̀n; bɔ̀ dú ɛmian-bɔ̀, tɛ́n bɔ́ wá anwrɔn bobrebe ɛnnɛ̀ncüì; bɔ́ yé bɔ́ edomɛ̀n kɛ hán anwrɔn hɔ̀n léyi kè sɩ̀ ẅɛ̀n eci zriɛmɛ́n nɔn, bɔ́ léyi annanwɔrɛ mɛ̀n lɔ, bɔ̀ ẅɛn eci lɔ fɛn nɔn.

Galasi anmàn-bɔ̀ 1:8

Zɛtɛn, ke dú kɛ ɔwrɔn tɔ̀n (kɩ ke dú bɔ́ dùku mán, kɩ ke dú Ɔwɔ-kùyüre-wrɔn tɔ̀n léyi dú anhobɩ́ và nɔn mán) kɛ dɔ́ nyɛ̀n Ɛmɛẅi ankà Ankrànkràn tɔ̀n léyi bɔ́ tɛn lɔ mɛhi, kè sɩ̀ dù nzri nɔn, ɔwrɔn ndɔ lɔ ɛẅìɛ̀-dà dú nɛ tɛn!

Filipɛ̀n anmàn-bɔ̀ 2:18

Ɔmu zri lɔ, nyɛ́n mán nyɛ́n dú ɛnbɔrɛ-bruemɛ̀n, ô nyɛ́n hán mɛ̀n mɛ̀n dú nyɛ́n pɔpüɛ̀-brà lɔ mɛ̀n.

Filipɛ̀n anmàn-bɔ̀ 3:1

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, nyɛ́n dú pɔpüɛ̀ mɛ̀n, ɔmuhi nyɛ́n dú Ɛẅɛnwrɔn bɔ̀sɔ̀ lɔ mɛ̀n nɔn. Ankà léyi mɛ́n gɔ̀ dɔ́ nyɛ̀n nɔn, n'ɛsàn merɛ́n ke sɩ́ wá mɛ̀n ejüe, kɩ nyɛ tɛn ndɔ lɔ dú eci ankrankran.

1 Piɛrɛ̀n 4:13

Pɔpüɛ̀ kɛ̀ hɛ́ ezì kɛ̀ brá nyɛ̀n, ɔmuhi nyɛ́n cɔ́ Krisì gbànkàn lɔ nɔn, ô pɔpüɛ̀-brà vri ke vru ke yɩ́ ny'ɛnbɔrɛ hɔ̀n lɔ mɛ̀n, ɛnvra léyi ne le yé yɔ lɛ fɛn n'eci-zrɔ lɔ nɔn.