Filipɛ̀n anmàn-bɔ̀ 4:20 - Ɛmɛẅi ankà ankrànkràn 2003

²⁰ Eci-zrɔ kè dú bɔ́ Zi Ɔwɔ tɛn ɛnvra lɔ fɛn. Kè dú ɔmu lɔ.

Filipɛ̀n anmàn-bɔ̀ 4:20 Cross References

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Matie 6:9

Nyàn ɔmu le ke ji le nyɛ́n sɛ̀n nɔn: ‘Bo Zi léyi dú anhobɩ́ nɔn, ke ji le v'ebɩ́ lɔ kè dú prɔnprɔn,

Rɔmɛ̀n-anmàn-bɔ̀ 11:36

Ɔmuhi eci lɔ fɛn dú n'eyri và, eci lɔ fɛn dú nɛ̀n ɛmɛ̀n kɩ dú nɛ tɛn. Eci-zrɔ kè dú Ɔwɔ tɛn ɛnvra lɔ fɛn! Kè dú ɔmu lɔ.

Rɔmɛ̀n-anmàn-bɔ̀ 16:27

Ɔwɔ zri léyi dú ankà-nyri-wrɔn nɔn eci-zrɔ kè dú nɛ tɛn, Zhezü Krisì bɩmɛ̀n, ɛnvra lɔ fɛn! Kè dú ɔmu lɔ.

Efɛzɛ̀n anmàn-bɔ̀ 3:21

eci-zrɔ kè dú nɛ tɛn Ɔwɔ-fɛcüè mɛ̀n mán Zhezü Krisì mɛ̀n, ɛnvravra lɔ fɛn mán ɛnbì lɔ fɛn mɛ̀n! Kè dú ɔmu lɔ.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 4:23

Ɛẅɛnwrɔn Zhezü Krisì shi-fù lɔ kè dú nyɛ lɛ fɛn ɛmɛ̀n.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Zhüdɛ̀n 1:25

Ɔwɔ zri, bɔ́ bɩdie-wrɔn, Zhezü-Krisì bɔ́ Ẅɛnwrɔn bɩmɛ̀n, eci-zrɔ, evrisì, ɛkɔrɛ̀srɔn mán ɛkɔrɛ̀levri dú nɛ tɛn, ɛnkrubɔmɛ̀n, zɛtɛ̀ mán ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 1:6

nɛ̀n srɔ bɔ̀ Ɔwɔ-cice-bɔ̀, ô bo dú nɛ́n Zi Ɔwɔ ci-bɩ̀tan kɔ̀hɔ́n mɛ̀n. Eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 7:12

kɩ yɔ dɔ̀ le: “Kè dú ɔmu lɔ! Hɛ̀ɛ̀, ɛmrɛ́n, ecizrɔ, ankà-nyrì, ɛnyri-kùɛn-tán, evrisì, ɛkɔrɛ̀srɔn mán ecüì dú b'Ɔwɔ tɛn ɛnvra lɔ fɛn! Kè dú ɔmu lɔ.”