Filipɛ̀n anmàn-bɔ̀ 4:18 - Ɛmɛẅi ankà ankrànkràn 2003

¹⁸ Mɛ dɔ́ nyɛ̀n annanwɔrɛ mɛ̀n le, mɛ̀n cɔ́ eci lɔ fɛn léyi nyɛ́n yüre mɛ̀n nɔn; ɛncüɛn ká ankɔrɛ̀. Zɛtɛ̀ léyi Epafroditɛ̀n bɩ́ ny'ɛkɔrɛ̀-wá vá sɩ́ mɛ̀n nɔn, mɛ̀n ẅɛn eci lɔ fɛn léyi me ji nɔn. Ɛkɔrɛ̀-wá-ci ndɔ hɔ̀n lɔ, ndù hán ecice-ci tɔ̀n léyi nɛ́n ndɔ̀ kɛ ẅɛn ɛnniɛ̀n anvrɛnvrɛn nɔn, ecice tɔ̀n léyi Ɔwɔ ke bɩ hɩ kɛ zrɔ nɛ̀n nɔn.

Filipɛ̀n anmàn-bɔ̀ 4:18 Cross References

Ɔkɔ̀hɔ̀n-wá-bɔ̀ kɔ̀hɔ̀n hán 10:4

Nɛ̀n nyan Ɔwɔ-kùyüre-wrɔn lɔ ɛnjansuemɛ̀n kɩ nɛ dɔ̀ le: “Ɛẅɛnwrɔn, ankà tán?” Ɔwɔ-kùyüre-wrɔn lɔ mrɛ́n nɛ̀n ɔmùan le: “Ɔwɔ yá v'Ɔwɔ-sɛ̀n lɔ kɩ kán ɛkɔrɛ̀ léyi ɛ wá ɛmian-bɔ̀ nɔn, kɩ v'ankà ke sɩ̀ yuru nɛ̀n esùva.

Rɔmɛ̀n-anmàn-bɔ̀ 12:1

Anwrɔn-nɛ́n-muan-ẅì hɔ̀n, ɔmuhi Ɔwɔ yé bɔ̀ n'ɛcüɛ̀n lɔ nɔn, me yɩ́ nyɛ̀n edù nyɛ́n bɩ́ nyɛ́n mumù lɔ ankɔrɛ-kɔrɛ mɛ̀n nyɛ́n ce nɛ̀n, ndɔ lɔ de dú n'ɛvɛ̀-cüɛn-ci nɔn. Hɩ lɔ de dú ecice-kɔ̀hɔ̀n-hán annanwɔrɛ léyi dú ɔwɔ̀ɛn nyɛ́n ẅɛn nɛ̀n nɔn.

2 Korɛntɛ̀n anmàn-bɔ̀ 11:8

Mɛ́n shrì mɛ̀n tán Ɔwɔ-fɛcüè nyàntɛn kè dí mɛ̀n ɔwɔ̀ɛn, ô yɔ dú m'esùva-wá mɛ̀n, ô mɛ̀n dú ny'eci-bɩ̀tan-wrɔn.

2 Korɛntɛ̀n anmàn-bɔ̀ 9:12

Ɔmuhi eci-bɩtan kɔ̀hɔ̀n léyi nyɛ hán nɔn, ke sɩ́ wá ankaẅì-bùtan-ẅɛn-bɔ̀ ɛkɔrɛ̀ tɛ̀kɩ, tɛ́n ne vru nɛ wá ɛnyrì-kùɛn-tán wɔ-sɛ̀n bobrebe sɩ́ Ɔwɔ tɛ̀sɛ̀n.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Filipɛ̀n anmàn-bɔ̀ 4:12

Me nyri ẅɛn ɛmian wúvà kɩ ɔmu zri lɔ, mɛ ẅɛn ɛnbɔrɛ-bru wúvà. Mɛ̀n nyri ɔmu le yɛ hán ye dú pɔpüɛ̀ mɛ̀n ɛyri lɔ fɛn mán eci lɔ fɛn mɛ̀n, ɛci mɛ́n ẅɛ̀n me zî hô, ɔmùanwù kɛ ẅɛn mɛ̀n hô, eci bobrebe mɛ́n ẅɛ̀n hô, ɛci kɛ ẅɛn mɛ̀n ɛmiàn hô.

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

Ebre-bɔ̀ 13:16

Anvrɛn hán mán ny'edomɛ̀n ɛkɔrɛ̀wá ke bɩ́ yru nyɛ̀n esùvà, ɔmuhi ɛcice ndɔ hɔ̀n lɔ de kɛ cüɛn Ɔwɔ ɛvɛ̀ nɔn.

1 Piɛrɛ̀n 2:5

Nyɛ́n mán nyɛ́n bɩ́ ɛyri kè dù kɛ̀ hán ɛbù kɔrɛkɔrɛ hɔ̀n léyi srɔ ɛnhɛ́n cice wɔn bù nɔn. Nyɛ lɛ wá Ɔwɔ cice-bɔ̀ kpɔsɔ krumù, yɛ lɛ wá ɛnzhì ɛnkru yɛ tán Ɔwɔ, nye le ce nɛ̀n ɛnhɛ́n mɛ̀n ci léyi kɛ lɛ cüɛn nɛ̀n ɛvɛ̀, Zhezü Krisì bɩmɛ̀n nɔn.