Filipɛ̀n anmàn-bɔ̀ 4:17 - Ɛmɛẅi ankà ankrànkràn 2003

¹⁷ Kè sɩ̀ dù hɩ le me ji mɛ̀n cɔ́ ɛkɔrɛ̀-wá; tɛ́n mɛ cüɛn ɔmu le, vɔ̀nshɛ́ kè dú ny'eci-hán lɔ mɛ̀n.

Filipɛ̀n anmàn-bɔ̀ 4:17 Cross References

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 15:8

Nyàn ɔmu le Dade ci-zrɔ lɔ ke yé n'edòmɛ̀n nɔn: ɛnvra léyi nye shi ɛẅì bobrebe kɩ nye yé le nyɛ́n dú m'ɛsɛnkɛn-bɔ̀ nɔn.

Rɔmɛ̀n-anmàn-bɔ̀ 15:28

Ɛnvra léyi mɛ lɛ trɔ ɔkɔ̀hɔ̀n ndɔ lɔ n'ɛhán, hɩ me le bɩ́ ɛkɔrɛ̀-wá ci lɔ mɛ̀n tán yɔ nɔn, me le bɩ́ Ɛspanyɛ̀n levri kɩ me le ci ny'anmàn.

2 Korɛntɛ̀n anmàn-bɔ̀ 11:16

Mɛ sán dɔ̀: ɔwrɔn zriɛmɛ́n ke bɩ́ bɩ́ mɛ̀n kɛ hán nmù-wrɔn. Kɩ zɛtɛn, ke dú kɛ ye tro ndɔ lɔ hô, nyɛ́n shrì nyɛ́n tán le mɛ̀n dú nmù-wrɔn, ô mɛ̀n mán mɛ̀n gbú ɔmùan ẅiɛ jan.

2 Korɛntɛ̀n anmàn-bɔ̀ 9:5

Mɛ̀n tro le zrɔ tán le, mɛ̀n sɛ́n anwrɔn-nɛ́n-muan-ẅì hɔ̀n ndɔ hɔ̀n lɔ, kɛ̀ hɛ́ mɛ̀n ezì ny'edúyri, ô kɛ̀ wá ɛkɔrɛ̀-wá-ci léyi nyɛ́n wá ɔmùan nɔn, n'ankà esùva. Ɔmu lɔ, n'ɔkɔrɛ̀-wá lɔ, kɛ lɛ krɔn kpehɛ́n ɛnvra léyi me le bru, kɩ ke le yé tán le nyɛ tán ɛnbɔrɛ anvrɛnvrɛn mɛ̀n, kɩ edòmɛ̀n-bru bàdà nɛ̀n ɛmɛ̀n.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 4:11

Kɩ mɛ́n sɩ́ dɔ́ ankà ndɔ lɔ ɔmuhi eci kɛ ẅɛn mɛ̀n ɛmìan nɔn. Annanwɔrɛ mɛ̀n lɔ, mɛ̀n nyri ɔmu le mɛ hán mɛ bɔsɔ́ eci léyi dú mɛ tɛn nɔn.

1 Tesalonikɛ̀n anmàn-bɔ̀ 2:5

Nyɛ́n nyri anvrɛnvrɛn le, ɛnbì zriɛmɛ́n bɔ́ vá dɔ́ ɛfrɛ́n ankà; bɔ́ ankà-dɔ́ mɛ̀n lɔ, bɔ́ sɩ́ bán ɔkùa-cɔ́ ankà-dɔ̀, Ɔwɔ dú bɔ́ dalɛfuɛ-di-wrɔn.

Kpàkpà timote 3:3

ke sɩ́ ji le nɛ̀n dú ɛntàn-mi-wrɔn mán eji-kɔ́n-wrɔn, tɛ́n nɛ̀n dú ɛnbɔrɛ-wɔ-wrɔn, ô nɛ̀n hán anwɔwɔ kɔhɔ̀n; ɔkùa ke bɩ́ dú n'ɛvɛ̀-cüɛn-ci;

Kpàkpà timote 6:10

Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.

Titɛ̀n 1:7

Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn.

Titɛ̀n 3:14

Ke ji le bɔ́ fɛcüè lɔ mán kè nyrì wá y'edomɛ̀n kokroho eci ankrànkràn hán mɛ̀n ô kè dú ɛkɔrɛ̀-wá anvrɛnvrɛn; kɩ ke sɩ́ ji le yɔ ẅɛn ɛwúvà woro.

Ebre-bɔ̀ 6:10

Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva.

1 Piɛrɛ̀n 5:2

nyɛ́n wá esùva kɛ̀ hán annɔn-kua-bɔ̀ léyi Ɔwɔ bɩ́ nɛ́n kɔ̀kɔ̀sɛ̀-kà wá antamɛ̀n nɔn, nyɛ́n wá nɛ̀n esùvá kɩ kè sɩ̀ dù kèkrèmɛ̀n, tɛ́n ɛnbɔrɛ ankrankran mɛ̀n, hán ɔmu le Ɔwɔ ke ji nɔn. Nyɛ́n hán eci ke bɩ́ dú ɔkùa jiemɛ̀n, tɛ́n ɛnbɔrɛ ankrankran mɛ̀n.

2 Piɛrɛ̀n 2:15

Ɛnvra léyi yɔ cɔhɔ́ ɛnlevri léyi nyrɔn nɔn wú nɔn, yɔ zrɛ́n y'edomɛ̀n kɩ yɔ bɩ́ ɛnlevri zri léyi Bosɔr ẅì, Balaamɛ̀n nbɩ nɔn. Ɔwrɔn ndɔ lɔ cüɛn ɔkùa léyi yɛ tán nɛ̀n, ne bɩ nɛ̀n hán ɛgbàn nɔn,

2 Piɛrɛ̀n 2:3

Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!

Zhüdɛ̀n 1:11

Muzhie dú yɔ tɛn! Yɔ ci Kahɛ́n levri; yɔ di y'edomɛ̀n ɛzɛ́n mɛ̀n ɔkùa kruhú, hán Balamɛ̀n hɔ́; yɔ wù, ɔmuhi yɔ sɩ́ y'edomɛ̀n ɛwú hán Kore hɔ́ nɔn.