Filipɛ̀n anmàn-bɔ̀ 4:15 - Ɛmɛẅi ankà ankrànkràn 2003

¹⁵ Nyɛ́n dùku nyɛ́n nyri Filipɛ̀n anmàn-bɔ̀: ɛnbì léyi mɛ̀n cɔhɔ́ Maseduhanɛ̀n kpɔsɔ wú, ɛnvra léyi Ɛmɛẅi ankà Ankrankran lɔ n'ɛdɔ́ ankà bukru nɔn, nyɛ́n dú Ɔwɔ-fɛcüè-bɔ̀ zri léyi wá mɛ̀n ɛkɔrɛ̀ nɔn, nyɛ́n zri kɩ nyɛ́n dú m'ɛkɔrɛ̀-wá ci-hán-bɔ̀.

Filipɛ̀n anmàn-bɔ̀ 4:15 Cross References

Ɔkɔ̀hɔ̀n-wá-bɔ̀ kɔ̀hɔ̀n hán 16:40

Ɛnvra léyi Pɔlɛ̀n mán Silasɛ̀n dú anwɔn-mɛ̀n-wá-wɔn mɛ̀n srɔ ɛntrɛ nɔn, yɔ hɔ́n Lidi nanvrɛn. Ɛnvra léyi yɔ kán anwrɔn-nɛ́n-muan-ẅì hɔ̀n, hɩ yɔ tán yɔ edùyì nɔn, yɔ nan hɔ̀n.

Rɔmɛ̀n-anmàn-bɔ̀ 15:26

Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.

Filipɛ̀n anmàn-bɔ̀ 1:12

Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Filipɛ̀n anmàn-bɔ̀ 1:16

Anwrɔn ndɔ hɔ̀n lɔ kɛ hán eci ɛcüɛn mɛ̀n, ɔmuhi yɔ nyri ɔmu le m'ɔkɔhɔ̀n-hán ɛnu lɔ, dú Ɛmɛẅi ankà Ankrankran lɔ, n'ɛnan mán n'esùva-wá.

Filipɛ̀n anmàn-bɔ̀ 1:5

ɛkɔrɛ̀-wá léyi mɛ̀n cɔ́ ny'eyri Ɛmɛẅi ankà Ankrankran lɔ n'ɛdɔ́ mɛ̀n, bukru kpàkpà bì lɔ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,