Filipɛ̀n anmàn-bɔ̀ 4:14 - Ɛmɛẅi ankà ankrànkràn 2003

¹⁴ Tɛ́n nyɛ́n hán eci ankrankran, ɔmuhi nyɛ́n bɩ́ m'ɛgbànkàn hɔ̀n lɔ ɛcá nɔn.

Filipɛ̀n anmàn-bɔ̀ 4:14 Cross References

Matie 25:21

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’

Rɔmɛ̀n-anmàn-bɔ̀ 15:27

Yɔ dùku yɔ wá ɔmùan, tɛ́n annanwɔrɛmɛ̀n lɔ yɔ ẅɛn yɔ ɔwɔ̀ɛn. Ɔmuhi Zhüifɛ̀n-bɔ̀ léyi dú Krisì-sɛ̀nkɛn-bɔ̀ nɔn, dɛ́ y'ɛnhɛ́n mɛ̀n ci-ẅɛ̀n ankrankran lɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn; kɩ yɔ léyi yɔ sɩ̀ dù Zhüifɛ̀n-bɔ̀ nɔn, yɔ mán ke ji le yɔ wá anwrɔn hɔ̀n léyi ẅɛn y'ankà-tro ankrankran nɔn ɛkɔrɛ̀.

Galasi anmàn-bɔ̀ 6:6

Ɔwrɔn léyi kɛ cɔ́ Krisì mɛ̀n ankaẅì-bùtan ankà-yé lɔ nɔn, ke ji le nɛ́n mán ankà-yé-wrɔn lɔ mɛhi yɔ dɛ́ vɔ̀nshɛ́ hɔ̀n léyi ankà-yé ndɔ lɔ kɛ tán nɔn.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 4:18

Mɛ dɔ́ nyɛ̀n annanwɔrɛ mɛ̀n le, mɛ̀n cɔ́ eci lɔ fɛn léyi nyɛ́n yüre mɛ̀n nɔn; ɛncüɛn ká ankɔrɛ̀. Zɛtɛ̀ léyi Epafroditɛ̀n bɩ́ ny'ɛkɔrɛ̀-wá vá sɩ́ mɛ̀n nɔn, mɛ̀n ẅɛn eci lɔ fɛn léyi me ji nɔn. Ɛkɔrɛ̀-wá-ci ndɔ hɔ̀n lɔ, ndù hán ecice-ci tɔ̀n léyi nɛ́n ndɔ̀ kɛ ẅɛn ɛnniɛ̀n anvrɛnvrɛn nɔn, ecice tɔ̀n léyi Ɔwɔ ke bɩ hɩ kɛ zrɔ nɛ̀n nɔn.

Kpàkpà timote 6:18

Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀.

Ebre-bɔ̀ 10:33

Ny'ɛmɛ̀n lɔ anwrɔn janbɔ̀ yɛ wɔra kɩ ye gorɛ anwrɔn lɔ fɛn zìwú, ɔmu tɛ̀kɩ ndɔ hɔ̀n krɔn kpehɛ́n kɛ̀ wá anwrɔn hɔ̀n léyi yɛ hán ɛgbàn nɔn ɛkɔrɛ̀.

Ebre-bɔ̀ 10:34

Nyɛ́n mán anwɔn-mɛ̀n-wá-bɔ̀ mɛhi nyɛ́n kán ɛgbàn, kɩ ɛnvra léyi ye bɩ́ nyɛ̀n ɛci yɛ sɔhɔ́ nɔn, nyɛ́n shri pɔpüɛ mɛ̀n nyɛ́n tán yɔ, ɔmuhi nyɛ́n nyri ɔmu le nyɛ́n ẅɛn ɛnnɛncüì-di-ci anvrɛnvrɛn léyi dú ɛnvra lɔ fɛn nɔn.

Ebre-bɔ̀ 13:16

Anvrɛn hán mán ny'edomɛ̀n ɛkɔrɛ̀wá ke bɩ́ yru nyɛ̀n esùvà, ɔmuhi ɛcice ndɔ hɔ̀n lɔ de kɛ cüɛn Ɔwɔ ɛvɛ̀ nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.