Filipɛ̀n anmàn-bɔ̀ 3:2 - Ɛmɛẅi ankà ankrànkràn 2003

² Nyɛ́n wá ny'edomɛ̀n esùva anwrɔn hɔ̀n léyi kɛ hán eci gbàngbàn nɔn y'ɛtɛ̀sɛ̀n; ɛnlɛtù ndɔ hɔ̀n lɔ, yɔ hɔ̀n léyi yɔ dú ɛyɔ̀n-bɔ̀ wúcɔ̀-dòmɛ̀n-wì ankà wú!

Filipɛ̀n anmàn-bɔ̀ 3:2 Cross References

Matie 24:10

Hɩ vra lɔ, bobrebe ke le tecüe y'ankàẅì-bùtan lɔ; yɔ le ku y'edomɛ̀n ankà ɛwú kɩ yɔ le gbri y'edomɛ̀n.

Matie 7:15

“Nyɛ́n wá anhyɔ̀n Wɔ-mùanwú-ankà-dɔ́-bɔ̀ ankà esùva, tɛ́n y'ɛnbɔrɛ mɛ̀n, yɔ dù yɔ hán ovú lɛ̀tù hɔ̀n hɔ́.

Matie 7:6

Nyɛ́n bɩ́ tán ɛnlɛ̀tù hɔ̀n eci léyi dú prɔnprɔn nɔn, ô kɛ wá tán yɔ, yɔ crɛ ezì yɔ kɛ́n nyɛ̀n, yɔ krá nyɛ̀n ɛnnyî. Nyɛ́n bɩ́ tecüe ny'anbɔ̀nmɛ̀n-ci gbrokò hɔ̀n zìwú, kɛ hán tán yɔ nán esù ɛwú.”

Rɔmɛ̀n-anmàn-bɔ̀ 2:28

Annanwɔrɛ mɛ̀n lɔ, Zhüifɛ̀n-wrɔn annanwɔrɛ lɔ, kè sɩ̀ dù nɛ́n léyi nɛ̀n dú Zhüifɛ̀n-wrɔn antà dùwruemɛ̀n, kɩ ye wi nɛ̀n wúcɔ̀-domɛ̀n n'anẅia lɔ mɛ̀n nɔn.

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

Galasi anmàn-bɔ̀ 5:13

Tɛ́n, nyɛ tɛn, anwrɔn-nɛ́n-muan-ẅì hɔ̀n, ye bi nyɛ̀n ô nyɛ́n ẅɛn ny'edomɛ̀n. Tɛ́n nyɛ́n bɩ bɩ́ ny'edomɛ̀n-ẅɛ̀n ndɔ lɔ nyɛ́n srɔ ɛkɔrɛ̀-levri ci, ô nyɛ́n hán ny'ɛnkruemɛ̀n ci léyi ny'ɛwúvà mumù lɔ ke ji nɔn. Tɛ́n nyɛ́n teze ny'edomɛ̀n nyɛ́n tán ɛcüɛ̀n, ô nyɛ́n dú nyɛ́n dùku ny'eci-bɩ̀tan kɔhɔ̀n mɛ̀n.

Galasi anmàn-bɔ̀ 5:15

Tɛ́n ke dú kɛ nyɛ hán eci kɛ hán ovú nɔ̀n hɔ́ hô, nyɛ krá ny'edomɛ̀n ɛnyî, kɩ nye wri ny'edomɛ̀n, nyɛ rá ny'edomɛ̀n, zɛtɛn nyɛ́n wá esùva: nyɛ lɛ trɔ ny'edomɛ̀n jrɛ́.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Filipɛ̀n anmàn-bɔ̀ 3:19

Yɔ srɛ́ hɔ́n y'ɛzrɛ́n mɛ̀n, ɔmuhi y'Ɔwɔ lɔ dú y'ɛmɛ̀ntɛ̀, yɔ dú ɔmùan-gbúemɛ̀n anvɛvrà ci-hán mɛ̀n, kɩ ɛnhibù ci hɔ̀n lɔ ankà kɩ dú yɔ ɛnkruemɛ̀n.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

Kpàkpà timote 1:19

Ɛ̀ ẅɛn ankaẅì-bùtan mán wàwúyɛ ankrankran ɛ̀ hɛ́n. Anwrɔn janbɔ̀ krɔ kè sɩ̀ die yɔ wàwúyɛ nukùɛ, hán tán kɩ y'ankaẅì-bùtan lɔ sɔ́n hɔ́n ɛnshiemɛ̀n.

Titɛ̀n 1:16

Yɔ dɔ̀ le yɔ nyri Ɔwɔ, tɛ́n y'eci-hán ke yé eci nyàntɛn. Yɔ hán egbri ci, yɔ sɩ́ crɔn rɔa kɩ yɔ sɩ́ hán eci ankrànkràn zriɛmɛ́n.

2 Piɛrɛ̀n 2:22

Yɔ cɔ́ eci léyi nyandrɛn mɛ̀n yɛ dɔ̀ le: “Ɛnlɛtù ke vru ke zî ɛci léyi nɛ́n vɛ̀ nɛ̀n cüe nɔn” kɩ ye vru yɛ dɔ̀ le: “Gbrokò léyi ye jru edomɛ̀n zɛtɛ̀ lɔ nɔn, vru kɛ wá antà edomɛ̀n.”

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!

Ɔwɔ-mɛ̀n-yrikàn 3:9

Nyàn eci léyi mɛ lɛ hán Anwa-wrɔn fɛcüè-bɔ̀ cüìcüì, anhyɔ̀n-bɔ̀ ndɔ hɔ̀n léyi ke bú y'edomɛ̀n kɛ hán Zhüifɛ̀n-bɔ̀, tɛ́n yɔ sɩ̀ dù Zhüifɛ̀n-bɔ̀: mɛ lɛ ẅɛn yɔ kèkrèmɛ̀n yɔ lɛ và shɛ́n mɛ́n annankru zìwú, ô yɔ mrɛ́n mɛ́n. Yɔ le nyri ɔmu le mɛ cüɛn mɛ́n.