Filipɛ̀n anmàn-bɔ̀ 3:18 - Ɛmɛẅi ankà ankrànkràn 2003

¹⁸ Mɛ́n gɔ̀ dɔ́ nyɛ̀n ankà ndɔ lɔ ɛnvra zrizri kɩ mɛ̀n vru mɛ dɔ́ nyɛ̀n ankà zri lɔ eyuwúemɛ̀n: anwrɔn bobrebe de kɛ nán egbri sù kɛ tán Krisì gban-hán-tɛ̀ lɔ nɔn.

Filipɛ̀n anmàn-bɔ̀ 3:18 Cross References

Lükɛ̀n 19:41

Ɛnvra léyi Zhezü cɔ́ Zherüzalɛmɛ̀n anmàn tɛsɛ̀n nɔn, hɩ nɛ̀n kán anmàn lɔ nɔn, ne wú eyú ku yi ɛwú, kɩ nɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 20:19

Mɛ̀n dú Ɛẅɛnwrɔn ci-bɩ̀tan-kɔ̀hɔ̀n-hán mɛ̀n m'edomɛ̀n ɛnhisiemɛ̀n, mɛ̀n di ejüe, mɛ̀n kán ɛgbàn Zhüifɛ̀n-bɔ̀ léyi ke ji m'ɛyri nɔn, y'antamɛ̀n.

Rɔmɛ̀n-anmàn-bɔ̀ 9:2

obòtò vri mán ejüedì yɩ́ m'ɛnbɔrɛ lɔ ɛnvra lɔ fɛn.

1 Korɛntɛ̀n anmàn-bɔ̀ 1:18

Annanwɔrɛ mɛ̀n lɔ, anwrɔn hɔ̀n léyi dú ɛzrɛ́n mɛ̀n nɔn, ke tro le, yɛ dɔ́ Krisì wú ankà ɛgbàn-hán-tɛ̀ wú hô, ndɔ lɔ dú nmù ci-hán; tɛ́n bɔ́ léyi bɔ̀ dú ɛnkrukɔrɛ̀ levri wú nɔn, bɔ́ kán Ɔwɔ kɔrɛ̀srɔn owù ndɔ lɔ mɛ̀n.

1 Korɛntɛ̀n anmàn-bɔ̀ 6:9

Annanwɔrɛ mɛ̀n lɔ, nyɛ́n nyri ɔmu le anwrɔn hɔ̀n léyi kɛ hán eci gbangbàn nɔn, yɔ sɩ̀ cɔ́ ɛyri Anhobɩ́ Nɛ̀ncüì-dúyri. Nyɛ́n bɩ́ zɛ́n ankà ndɔ lɔ wú: ɛwúvà-gbàngbàn-ci-hán-bɔ̀, antɛ̀-buri-sɛ́n-bɔ̀, ɛncɔnwrɔn mán ɛnnyɔnwrɔn-bi gbàn-hán-bɔ̀, wúcɔ̀ hɔ̀n léyi ke yiri y'edomɛ̀n nɔn,

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

2 Korɛntɛ̀n anmàn-bɔ̀ 11:29

Ke dú kɛ ɔwrɔn tɔ̀n njɛ̀, mɛ̀n mán me dú ɛjɛ́ mɛ̀n; ke dú kɛ ɔwrɔn tɔ̀n kɛ zrɛ́n ankaẅì-bùtan-ẅɛn mɛ̀n, me dú ɛgbànkàn vriemɛ́n.

2 Korɛntɛ̀n anmàn-bɔ̀ 2:4

Hɛ̀ɛ̀, mɛ̀n merɛ́n nyɛ̀n owrú ankà-tro vriemɛ̀n, ɛnbɔrɛ-zì mán anvɛ-shi bobrebe cüemɛ̀n, kè sɩ̀ dù hɩ le m'á wá nyɛ̀n obòto mɛ̀n, tɛ́n, nyɛ́n nyri ɔmu le mɛ̀n ẅɛn ny'ɛcüɛ̀n nɔn.

Galasi anmàn-bɔ̀ 1:7

Annanwɔrɛ mɛ̀n lɔ, ɛnyàntɛn zriɛmɛ́n bàdà; anwrɔn kɩ dù kɛ frɛ́n nyɛ̀n ɛnkruemɛ̀n, kɩ ke ji kɛ̀ crɔn Krisì Mɛẅi ankà Ankrankran lɔ.

Galasi anmàn-bɔ̀ 2:14

Ɛnvra léyi mɛ̀n kán ɔmu le y'esùnàn ke sɩ́ ci annanwɔrɛ Mɛẅi ankà Ankrankran lɔ wú nɔn, mɛ̀n dɔ́ Piɛrɛ̀n anwrɔn lɔ fɛn zìwú le: “Vɛtɛn è dú Zhüifɛ̀n-wrɔn, ɛnu lɔ, v'ɛwúvà lɔ, kè sɩ̀ dù kɛ̀ hàn yɔ léyi yɔ sɩ̀ dù Zhüifɛ̀n-bɔ̀ nɔn, kɩ e sɩ́ hán Zhüifɛ̀n-bɔ̀ nyànmàn-ci. Anhɔntan de ɛ lɛ hán ô ɛ̀ ẅɛn kèkrèmɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ hán Zhüifɛ̀n-bɔ̀ wúvà ci-hán-ci nɛ́n?”

Galasi anmàn-bɔ̀ 2:21

Mɛ kɔrɔ, mɛ́n sɩ̀ kɔ́n Ɔwɔ boafɔ̀n mɛ̀n ze. Annanwɔrɛ mɛ̀n lɔ, ke dú kɛ ɛnyànmàn kɔrɛ̀-levri mɛ̀n de yɛ lɛ srɔ ɛnyrɔnnan-wrɔn tɛ̀ Ɔwɔ zìwú nɔn hô, zɛtɛn Krisì wù lɔ dú owù kɔra sà.

Galasi anmàn-bɔ̀ 5:21

ɛci kɛ cüɛn yɔ ɛvɛ̀, yɔ kɔ́n ɛntàn kɩ yɔ zî ɛci ɛvrivri, kɩ yɔ hán eci nyàntɛn ndɔ hɔ̀n kɛ cá. Me bi dɔ́ nyɛ̀n zɛtɛ̀ lɔ, hán ɔmu le mɛ́n gɔ̀ hán nɔn: anwrɔn hɔ̀n léyi kɛ hán ɔmu lɔ nɔn, ke sɩ̀ cɔ́ ɛyri Anhobɩ́ Nɛ̀ncüì-dúyri.

Galasi anmàn-bɔ̀ 6:12

Anwrɔn hɔ̀n léyi ke ji kɛ̀ hán nyɛ̀n kèkrèmɛ̀n ye wi nyɛ̀n wúcɔ̀-domɛ̀n nɔn, yɔ dú anwrɔn hɔ̀n léyi ke ji kè yé y'edomɛ̀n anwrɔnẅì ci-hán tɛ̀sɛ̀n nɔn. Yɔ sɩ́ ji le ye di yɔ ejüe Krisì gbàn-hán-tɛ̀ kruhú.

Galasi anmàn-bɔ̀ 6:14

Mɛ tɛn tɛ́n, m'ɔmùan-gbù ke le dú bɔ́ Ɛẅɛnwrɔn Zhezü Krisì gbàn-hán-tɛ̀ wú kɩ; annanwɔrɛ mɛ̀n lɔ, n'ɛkɔrɛ̀levriemɛ̀n de ɛnhibù wú m'ɛkruhú kɩ mɛ̀n wú ɛnhibù kruhú.

Efɛzɛ̀n anmàn-bɔ̀ 4:17

Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Filipɛ̀n anmàn-bɔ̀ 1:4

Ɛnvra hɔ̀n lɔ fɛn léyi mɛ sɛ́n tán nyɛ̀n nɔn, mɛ hán nɛ̀n pɔpüɛ̀ mɛ̀n,

1 Tesalonikɛ̀n anmàn-bɔ̀ 4:6

Ankà ndɔ lɔ mɛ̀n, ke sɩ́ ji le ɔwrɔn kè hán nɛ́n muanẅì eci gbàngbàn, ô kɛ̀ jrɛ́ n'ɛkɔrɛ̀levri-ci. Bɔ́ gɔ̀ dɔ́ nyɛ̀n ankà ndɔ lɔ, kɩ bɔ́ bi-dɔ́ nyɛ̀n ɛshishiemɛ̀n: Ɛẅɛnwrɔn kɛ lɛ hán anwrɔn hɔ̀n léyi kɛ hán ɛci ndɔ hɔ̀n lɔ nɔn ɛgbàn.

2 Tesalonikɛ̀n anmàn-bɔ̀ 3:11

Tɛ́n bɔ́ yá le ny'ɛmɛ̀n lɔ, ndɔ hɔ̀n ẅɛn ɛjɛ́-wúvà, ke sɩ́ hán eci zriɛmɛ́n, ke dú kɛ kè sɩ̀ dù anwrɔn nyàntɛn ankà-mɛ̀n-bru kɔ̀hɔ̀n kɩ yɔ hán.

2 Piɛrɛ̀n 2:10

anwrɔn hɔ̀n léyi kɛ kɛ́n yɔ dùku y'ɛnbrá mɛ̀n ankàtro ɛsɛ̀n kɩ ke gbri Ɔwɔ kɔrɛ̀levri ci nɔn, nɛ lɛ hán yɔ ɛgbàn. Ɛyɔ̀n ankà-yé-bɔ̀ ndɔ hɔ̀n lɔ ẅɛn tùtre mán ɛgbugbu, yɔ sɩ̀ ẅɛ̀n ɔwá zriɛmɛ́n kè dù eci-zrɔ hɛ́n hɔ̀n léyi dú anhobɩ́ nɔn tɛn, tɛ́n yɔ wora anhɛ́n hɔ̀n lɔ.

Zhüdɛ̀n 1:13

Yɔ dù yɔ cá ecüe mù ɛvrivri hɔ̀n, yɔ cüe y'ezìwú y'anvɛvrà ci-hán dàfù. Yɔ dù hán okùcànkrò hɔ̀n léyi ke sɩ́ yɛ́ ɛyri zri, kɩ Ɔwɔ wá ɛnnyran yri yɔwɔ pipi hɛ́n yɔ ɛnvra lɔ fɛn.