Filipɛ̀n anmàn-bɔ̀ 3:14 - Ɛmɛẅi ankà ankrànkràn 2003

¹⁴ Ɔmu lɔ de, mɛ srɛ́ hɔ́n ɛsànnyɔn-yri, ô mɛ̀n cɔ́ ɔwɔɛ̀n-dì léyi Zhezü Krisì bɩmɛ̀n, Ɔwɔ bi bɔ̀, bɔ̀ và cɔ́ anhobɩ́ nɔn.

Filipɛ̀n anmàn-bɔ̀ 3:14 Cross References

Lükɛ̀n 16:16

Mohizì nyanmàn vra lɔ mán Ɔwɔ-mùanwú-ankà-dɔ́-bɔ̀ wrú lɔ, ndù hàn kɩ cɔ́ Zhan Batisì vra. Bukru hɩ vra lɔ, Ɛmɛẅi ankà Ankrànkràn léyi dú Anhobɩ́ Nɛ̀ncüì-dúyri nvà nɔn, anwrɔn cɔ́ nɛ̀n yá kɩ ɔwrɔn wrɔn kɛ wrɔn ɛyri ô kè bru nɛ̀n ɛmɛ̀n.

Rɔmɛ̀n-anmàn-bɔ̀ 11:29

Ɔmuhi Ɔwɔ ke sɩ́ vru bɩ́ eci léyi nɛ̀n tán, kɩ nɛ́n sɩ̀ crɔn n'ankà-tro anwrɔn hɔ̀n léyi nɛ́n bi nɔn y'ɛwú.

1 Korɛntɛ̀n anmàn-bɔ̀ 9:24

Nyɛ́n nyri annanwɔrɛ mɛ̀n le, ɛsrɛ́-bɔ̀ léyi ke dú ɛsrɛ́-kɔ̀ mɛ̀n nɔn, yɔ lɔ fɛn yɔ srɛ́, tɛ́n ɛnzri kɩ kɛ cɔ́ anjapkà. Nyɛ́n srɛ́, ô kɛ̀ hán tán nyɛ́n cɔ́ anjapkà.

2 Korɛntɛ̀n anmàn-bɔ̀ 4:17

Obòtò léyi bɔ́ cɔ́ ɛnvra ndɔ lɔ mɛ̀n nɔn, wole vrán eci-zrɔ bobrebe léyi ke sɩ́ trɔa, ɔmuhi nɛ̀n ẅɛn vɔ̀nshɛ́ vri, kɩ nɛ sán hán bɔ̀ nɔn.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

Ebre-bɔ̀ 6:1

Ɔmu lɔ, bɔ̀ crɛ ezì bɔ̀ kɛ́n ɔwrɔn cüìcüì ankà-yé, ô bɔ̀ teze bɔ́ ɛmɛẅi lɔ, kpakpà ankà-dɔ̀ léyi dú Krisì mɛẅi ankà lɔ mɛ̀n nɔn. Ɛmɛẅi ankà ndɔ lɔ, bɔ́ sɩ̀ vru hán n'ɔkɔ̀hɔ̀n wrùɛ: ke ji le bɔ̀ crɛ ejüí bɔ̀ sɔ́n ɛci-gbàngbàn-hán, ô bò bú Ɔwɔ ankà bɔ̀ tán ankàẅì,

1 Piɛrɛ̀n 1:13

Hɩ le kruhú de ke ji le nyɛ́n krɔn kpehɛ́n eci-hán mɛ̀n, ny'ɛnhɛ́n lɔ kè dú ɛvɛ̀ kpriemɛ̀n. Nyɛ́n bɩ́ ny'esɛ́ lɔ fɛn nyɛ́n wá ɛkɔrɛ̀wá léyi yɛ lɛ tán nyɛ̀n ɛnvra léyi Krisì kɛ lɛ và nɔn mɛ̀n.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

2 Piɛrɛ̀n 1:3

N'Ɔwɔ kɔrɛ̀srɔn mɛ̀n lɔ, Ɛẅɛnwrɔn tán bɔ̀ eci lɔ fɛn léyi ke ji, ô bɔ́ ɛwúvà kè dú Ɔwɔ mɛ̀n; nɛ̀n hán bɔ̀, bo nyri ɔwrɔn léyi bi bɔ̀, bɔ̀ và dú nɛ́n dùku n'eci-zrɔ mán n'ɛzrɔ lɔ mɛ̀n.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.