Filipɛ̀n anmàn-bɔ̀ 3:13 - Ɛmɛẅi ankà ankrànkràn 2003

¹³ Hɔ̂, anwrɔn-nɛ́n-muan-ẅì hɔ̀n, mɛ́n sɩ́ tro le zɛtɛn mɛ̀n cɔ́ ɔwɔɛ̀n-dìɛ; tɛ́n mɛ hán eci tɔ̀n: eci léyi dú mɛ̀n ɛmɛẅi nɔn, me yuru n'ankà esùva kɩ mɛ hán kekrèmɛ̀n, ô mɛ̀n cɔ́ ndɔ léyi dú mɛ̀n ezì nɔn.

Filipɛ̀n anmàn-bɔ̀ 3:13 Cross References

Lükɛ̀n 10:42

tɛ́n, eci zri kɩ ẅɛn vɔnshɛ́. Mari bɩ́ eci anvrɛnvrɛn léyi ye sɩ̀ bɩ̀ sɔhɔ́ nɔn.”

Lükɛ̀n 9:62

Zhezü kɛ dɔ́ nɛ̀n le: “Ɔwrɔn léyi kɛ wá ɛnnanmàn ankɛ̀tɛ mɛ̀n, hɩ kɛ crɛ nyan ɛmɛẅí nɔn, nɛ̀n sɩ̀ dù esɛ́-wrɔn Anhobɩ́ nɛ̀ncüì-dúyri.”

2 Korɛntɛ̀n anmàn-bɔ̀ 5:16

Nyàn eci le kruhú léyi bɔ́ sɩ́ vru ẅɛn ɔwrɔn zriɛmɛ́n anhyɛyì n'ɔwrɔnẅì antà-dùwrú wú nɔn. Kɩ ke dú kɛ, ɛnbìɛhɛ́n vra lɔ, bɔ̀ bɩ́ Krisì bɔ̀ srɔ ɔwrɔnẅì, zɛtɛ̀ lɔ, bɔ́ sɩ́ vru bɩ́ nɛ̀n bɔ́ hán ɔwrɔnẅìɛ.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Filipɛ̀n anmàn-bɔ̀ 3:12

Mɛ́n sɩ́ tro le zɛtɛn mɛ̀n cɔ́ ɛsànnyɔn-yri, kɩ mɛ́n sɩ́ bú tán le mɛ̀n zrɔ kokroho. Tɛ́n mɛ̀n dú ɛnlevri sùnan mɛ̀n, ô mɛ̀n hán kekrèmɛ̀n mɛ̀n cɔ́ n'ɔwɔɛ̀n-dì, ɔmuhi mɛ́n mumù mán Krisì di mɛ̀n ɛkɔrɛ̀ ɛwú nɔn.

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Ebre-bɔ̀ 6:1

Ɔmu lɔ, bɔ̀ crɛ ezì bɔ̀ kɛ́n ɔwrɔn cüìcüì ankà-yé, ô bɔ̀ teze bɔ́ ɛmɛẅi lɔ, kpakpà ankà-dɔ̀ léyi dú Krisì mɛẅi ankà lɔ mɛ̀n nɔn. Ɛmɛẅi ankà ndɔ lɔ, bɔ́ sɩ̀ vru hán n'ɔkɔ̀hɔ̀n wrùɛ: ke ji le bɔ̀ crɛ ejüí bɔ̀ sɔ́n ɛci-gbàngbàn-hán, ô bò bú Ɔwɔ ankà bɔ̀ tán ankàẅì,

2 Piɛrɛ̀n 3:8

Tɛ́n eci tɔ̀n ndù ke sɩ́ ji le ke yru nyɛ̀n esùva m'annyran anvrɛn hɔ̀n: Ɛẅɛnwrɔn tɛn, ɛnbì zri ndù hán ɛnnanwàn tɛ̀buri, kɩ ɛnnanwàn tɛ̀buri ndù hán ɛnbì zri hɔ́.