Filipɛ̀n anmàn-bɔ̀ 3:12 - Ɛmɛẅi ankà ankrànkràn 2003

¹² Mɛ́n sɩ́ tro le zɛtɛn mɛ̀n cɔ́ ɛsànnyɔn-yri, kɩ mɛ́n sɩ́ bú tán le mɛ̀n zrɔ kokroho. Tɛ́n mɛ̀n dú ɛnlevri sùnan mɛ̀n, ô mɛ̀n hán kekrèmɛ̀n mɛ̀n cɔ́ n'ɔwɔɛ̀n-dì, ɔmuhi mɛ́n mumù mán Krisì di mɛ̀n ɛkɔrɛ̀ ɛwú nɔn.

Filipɛ̀n anmàn-bɔ̀ 3:12 Cross References

Matie 5:48

Nyɛ́n krɔn kpehɛ́n kɛ hán nyɛ́n Zi léyi dú anhobɩ́ nɔn hɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 9:15

Tɛ́n Ɛẅɛnwrɔn kɛ dɔ́ nɛ̀n le: “Ɛ̀ hɔ̀n, ɔmuhi mɛ̀n mrɛ́n ɔwrɔn ndɔ lɔ mɛ́n bɩ, kɩ nɛ lɛ hán ɛnhi wú anmàn ndɔ hɔ̀n mán y'ɛnnɛ̀ncüì hɔ̀n kè nyri m'ebɩ́, kɩ ɔmu zri lɔ de ke le dù tán Izraɛlɛ̀n fɛcüè nɔn.

Rɔmɛ̀n-anmàn-bɔ̀ 8:39

ɛwú-cüì-hɔ̀n lɔ mán, ɛnhi tɛn hɔ̀n lɔ mán, eci nyàntɛn léyi Ɔwɔ hán nɔn mán, eci-ẅì zriɛmɛ́n ke sɩ̀ ẅɛn bɔ̀ mrìmrì kɛ̀ sɔhɔ́ ɛcüɛ̀n léyi Ɔwɔ ẅɛn bɔ́ ɛwú, Zhezü Krisì, bɔ́ Ɛẅɛnwrɔn kruhú nɔn.

1 Korɛntɛ̀n anmàn-bɔ̀ 13:10

Tɛ́n ɛnvra léyi nmù-sá ci lɔ kɛ lɛ và nɔn, eci léyi kè sɩ̀ sɛ̀n nmù nɔn kɛ lɛ zrɛ́n.

1 Korɛntɛ̀n anmàn-bɔ̀ 13:12

Zɛtɛ̀ lɔ, bɔ́ kán picɛ̀ tɔ̀n kɛ hán tùhɔ̀n kɛ cá zɛnci gbànvri mɛ̀n picɛ̀ hɔ́; kɩ zɛtɛn bɔ́ lɛ kán b'anvɛẅìemɛ̀n kpete. Zɛtɛ̀ lɔ m'eci-nyrì kè sɩ̀ sɛ́n nmù; kɩ zɛtɛn, me le nyri Ɔwɔ kokrohô, kɛ lɛ hán ɔmu le nɛ́n dùku mán nɛ̀n nyri mɛ̀n nɔn hɔ́.

1 Korɛntɛ̀n anmàn-bɔ̀ 9:24

Nyɛ́n nyri annanwɔrɛ mɛ̀n le, ɛsrɛ́-bɔ̀ léyi ke dú ɛsrɛ́-kɔ̀ mɛ̀n nɔn, yɔ lɔ fɛn yɔ srɛ́, tɛ́n ɛnzri kɩ kɛ cɔ́ anjapkà. Nyɛ́n srɛ́, ô kɛ̀ hán tán nyɛ́n cɔ́ anjapkà.

2 Korɛntɛ̀n anmàn-bɔ̀ 13:9

Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n.

2 Korɛntɛ̀n anmàn-bɔ̀ 7:1

Ɔmùan-wá ndɔ hɔ̀n lɔ fɛn zrɔ tán bɔ̀, annyran-anvrɛn hɔ̀n. Hɩ le kruhú de, ke ji le bɔ́ fi edomɛ̀n bɔ̀ tán edùwrú mán wàwúyɛ, ô bɔ̀ cɔhɔ́ ɛnbrá-ci hɔ̀n lɔ fɛn tɛ̀sɛ̀n, ô bɔ̀ hán kèkrèmɛ̀n bɔ̀ srɔ prɔnprɔn kokroho, Ɔwɔ wá mɛ̀n, bɔ́ ɛwúvà ẅɛn mɛ̀n.

Galasi anmàn-bɔ̀ 5:17

Ɔmuhi bɔ́ mumù bɔ́ ɛwúvà ankà-tro lɔ kɛ kɛ́n Ɛnhɛ́n Prɔnprɔn tɛn lɔ ezì: kɩ Ɛnhɛ́n ẅɛn ankà-tro hɔ̀n léyi kɛ kɛ́n bɔ́ dùku bɔ́ ɛwúvà tɛn lɔ ezì: yɔ dú y'edomɛ̀n ezì kɛ́n mɛ̀n, kɛ hán tán kɩ nyɛ́n sɩ̀ hán eci léyi nye ji nɔn rɔ́.

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Efɛzɛ̀n anmàn-bɔ̀ 4:12

Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn.

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Filipɛ̀n anmàn-bɔ̀ 3:16

Eci lɔ fɛn mɛ̀n, ke ji le bɔ́ dú esùnan mɛ̀n bɔ̀ hɔ́n ezì, bɔ̀ bɩ́ ɛnlevri léyi bɔ́ bɩ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

1 Tesalonikɛ̀n anmàn-bɔ̀ 5:15

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Kpàkpà timote 6:19

Ɔmu lɔ, yɔ borɛ anvrɛn hán ankrankran ɛkru, kè dú ɛnvra-trɔ mùan mɛ̀n tɛn, ô yɔ cɔ́ annanwɔrɛ wúvà-kɔrɛ̀.

Ebre-bɔ̀ 12:14

Nyɛ́n hán kèkrèmɛ̀n, ô nyɛ́n mán anwrɔn hɔ̀n lɔ fɛn mɛhi nyɛ́n dú anwɔwɔ mɛ̀n, ô nyɛ́n ẅɛn ɛwúvà prɔnprɔn; ɔmuhi, kè sɩ̀ dù ɔmu lɔ hô, ɔwrɔn zriɛmɛ́n ny'ɛmɛ̀n lɔ ke sɩ̀ kán Ɛẅɛnwrɔn lɔ rɔ́.

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Zhakɛ̀n 3:2

Bɔ́ hán ɛzɛ́n-ci ɛci bobrebe hán mɛ̀n. Ke dú kɛ ɔwrɔn tɔ̀n ke sɩ́ zɛ́n n'ankà-dɔ́ mɛ̀n hô, nɛ̀n dú ɔwrɔn anvrɛnvrɛn tɔ̀n léyi kɛ lɛ bɔ̀sɔ n'edùwru lɔ tɛ̀ nɔn.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.