Filipɛ̀n anmàn-bɔ̀ 3:11 - Ɛmɛẅi ankà ankrànkràn 2003

¹¹ ô mɛ̀n ẅɛn esɛ́ le ɛnbì tɔ̀n, mɛ̀n mán me le dú owú-bɔ̀ mɛ̀n, mɛ̀n vá ɔkɔrɛ-bɔ̀ mɛ̀n.

Filipɛ̀n anmàn-bɔ̀ 3:11 Cross References

Lükɛ̀n 14:14

E le dú ɛnbɔrɛ-bruemɛ̀n, ɔmuhi yɔ sɩ̀ wɔrɛ̀ tán mɛ́n rɔ́ nɔn. Ɔwɔ kɛ lɛ wɔrɛ̀ tán mɛ́n ɛnvra léyi yɔ hɔ̀n léyi hán anvrɛn nɔn, ke le dú owúemɛ̀n kɛ̀ wɔrɛ̀ vá ɔkɔrɛ-bɔ̀ mɛ̀n nɔn.”

Zhan 11:24

Martɛ̀n mrɛ́n ɔmùan le: “Mɛ̀n nyri ɔmu le ne le dú owúemɛ̀n nɛ lɛ frɔ́ ɛmɛẅi trɔ bì lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 23:6

Pɔlɛ̀n nyri ɔmu le ɛmrɛ̀nci-bɔ̀ lɔ, anwrɔn cá dú anwrɔn hɔ̀n léyi ke sɩ́ bú owúemɛ̀n-dú-frɔ́ ankà kɛ tán ankaẅì, kɩ ɛcá dú Ɔwɔ-nyànmàn-sùva-wa-bɔ̀; hɩ le kruhú de nɛ̀n sɩ́ ɔmùan ɛwú y'ezìwú nɛ dɔ̀ le: “Anwrɔn-nɛ́n-muan-ẅì hɔ̀n, mɛ́n dú Ɔwɔ-nyànmàn-sùva-wa-wrɔn, Ɔwɔ-nyànmàn-sùva-wa-wrɔn ẅì. Ɔmuhi me bú owúemɛ̀n-dú-frɔ́ ankà mɛ tán ankaẅì, hɩ kruhú de mɛ̀n dú ɛmrɛ̀nciemɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 26:7

Bɔ́ fɛcüè mɛ̀n kru ɛvà-anhyrɛ̀ lɔ ẅɛn esɛ́ le, ɔmùan-wá ndɔ lɔ yɔ lɛ kán nɛ́n nmùsà, ke dú kɛ yɔ dú Ɔwɔ-ci-bɩtan-bɔ̀ edùyiemɛ̀n ɛnnyran mán ɛcɛ̀n. Kɩ, esɛ́ ndɔ lɔ n'ɛkruhú Ɛnnɛ̀ncüì Agripa, de Zhüifɛ̀n-bɔ̀ ke ku mɛ̀n ankà ɛwú nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 27:12

Kɩ, ɛnhyàbri-hɛ̀-nɛnbàdù lɔ, ke sɩ̀ zrɔ̀a hɩ bɔa yɛ́ nanvrɛn ɛshɛ̀ vra lɔ nɔn; hɩ le kruhú de anwrɔn hɔ̀n léyi dú anhyàbri-hɛ̀ lɔ mɛ̀n nɔn, ɛcá wá le yɔ cɔhɔ́ nanvrɛn: yɔ ji, ke dú kɛ, kɛ lɛ krɔn hô, yɔ cɔ́ Feniksɛ̀n anmàn, Krɛtɛ̀n ɛnhyàbri-hɛ̀-nɛnbàdù tɔ̀n léyi crɛ ezì kɛ́n ovúemɛ̀n mán ecüemɛ̀n, ô yɔ yɛ́ nanvrɛn ɛshɛ̀ vra lɔ.

Rɔmɛ̀n-anmàn-bɔ̀ 11:14

Ɔkɔ̀hɔ̀n ndɔ lɔ n'ɛhán mɛ̀n lɔ, mɛ̀n ẅɛn esɛ́ le m'ɛmɛ̀n-bɔ̀ kɛ lɛ kɔ́n ecüì-hi, ô mɛ̀n bɩ́ ɛnjanbɔ̀ mɛ̀n die.

1 Korɛntɛ̀n anmàn-bɔ̀ 15:23

tɛ́n ɔwrɔnwrɔn ẅɛn nɛ́n dùku n'ɛyɛ́-yri: Krisì dú kpàkpà-wrɔn anwrɔnẅì lɔ fɛn mɛ̀n, zɛtɛn anwrɔn hɔ̀n léyi dú Krisì tɛ́n nɔn ɛnvra léyi nɛ lɛ và nɔn.

1 Korɛntɛ̀n anmàn-bɔ̀ 9:22

Ɛnvra léyi mɛ̀n mán anwrɔn hɔ̀n léyi ẅɛn ɛjɛ̀ ankaẅì-bùtan mɛ̀n mɛhi bɔ́ dù nɔn, mɛ́n mumù mán mɛ ẅɛn ɛjɛ̀ m'ɛwúvà lɔ mɛ̀n, ô mɛ̀n cɔ́ yɔ. Ɔmu lɔ, mɛ srɔ yɔ lɔ fɛn, yɔ tɛn, ô mɛ̀n cɔ́ ɛyri mɛ̀n bɩ́ ɛnjanbɔ̀ mɛ̀n die.

1 Korɛntɛ̀n anmàn-bɔ̀ 9:27

Mɛ hán m'edùwrú lɔ ɛgbàn ɛshishiemɛ̀n kɩ mɛ ẅɛn nɛ̀n ecüìemɛ̀n mɛ hɛ́n, ô mɛ́n dùku mán ye bɩ́ kɔ́n mɛ̀n ye ze hɛ, ɛnvra léyi mɛ lɛ dɔ́ anwrɔn ankà kɛ̀ trɔ nɔn.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

1 Tesalonikɛ̀n anmàn-bɔ̀ 3:5

Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.

2 Tesalonikɛ̀n anmàn-bɔ̀ 2:3

Eci zriɛmɛ́n mán mɛ̀n, nyɛ́n bɩ́ teze ɔwrɔn zriɛmɛ́n kɛ frɛ́n nyɛ̀n. Ɔmuhi ɛnbì ndɔ lɔ ke sɩ̀ và ke dú kɛ Ɛmɛẅitrɔ zìkɛ̀n ankà lɔ mán anbɔrɛ ci-hán-wrɔn kɛ vá srɔ, nɛ́n léyi nɛ́n dú ɛjrɛ́ tɛn nɔn.

Anhyrɛmɛ̀n timote 4:8

Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.

Ebre-bɔ̀ 11:35

Ankaẅìbùtan mɛ̀n de wúyɔ̀ hɔ̀n kán y'owú-bɔ̀ tohú nyɔn, kɩ ye bɩ́ yɔ yɛ tán yɔ nɔn. Anwrɔn janbɔ̀ yɛ hán ɛgbàn hán mán owúemɛ̀n, yɔ krɔ, yɔ sɩ́ ji ye teze yɔ, yɔ ji yɔ dú owúbɔ̀ mɛ̀n yɔ frɔ́, ô yɔ cɔ́ ɛwúvà anvrɛnvrɛn tɔ̀n.

Ɔwɔ-mɛ̀n-yrikàn 20:5

Owú-bɔ̀ nyàntɛn hɔ̀n lɔ ke sɩ̀ vru wɔrɛ̀ vá ɔkɔrɛ̀-bɔ̀ mɛ̀n, ke dú kɛ ɛnnànwàn tɛ̀buri kɛ vá cɔ̀. Ndɔ lɔ dú ɛnvrakpà wuemɛ̀n-dúfrɔ́.