Filipɛ̀n anmàn-bɔ̀ 3:10 - Ɛmɛẅi ankà ankrànkràn 2003

¹⁰ Eci lɔ fɛn léyi me ji nɔn, dú hɩ le me le nyri Krisì mán n'owúemɛ̀n-dùfrɔ́ kɔrɛ̀srɔn lɔ, mɛ̀n dú m'ɛgbànkàn hɔ̀n lɔ mɛ̀n, ô mɛ̀n dù mɛ̀n cá nɛ̀n, n'owù lɔ mɛ̀n,

Filipɛ̀n anmàn-bɔ̀ 3:10 Cross References

Matie 20:23

Zhezü mrɛ́n yɔ ɔmùan le: “Annanwɔrɛ mɛ̀n lɔ, nye le mi m'ɛntàn glashɛ̀n lɔ. Tɛ́n kè sɩ̀ dù mɛ̀n de mɛ̀n ẅɛ̀n ezì-kɔrɛ̀ mán ebrì yɛ́-yri lɔ nɔn; ɛyɛ́-yri ndɔ hɔ̀n lɔ dú anwrɔn léyi Dade wá ɔmùan nɔn tɛn.”

Zhan 10:18

Ɔwrɔn zriɛmɛ́n ke sɩ̀ bɩ́ m'ɛwúvà lɔ kɛ sɔhɔ́, tɛ́n m'ɛnbɔrɛ ankrànkràn mɛ̀n de mɛ tán nɛ̀n nɔn. Mɛ̀n ẅɛn ɛkɔrɛ̀srɔn mɛ lɛ tán nɛ̀n, kɩ mɛ̀n vru mɛ̀n ẅɛn ɛkɔrɛ̀srɔn me le vru mɛ̀n sàn cɔ́ nɛ̀n ewrù. Ndɔ lɔ de Dade wá tán mɛ̀n, ô mɛ̀n hán nɔn.”

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

Rɔmɛ̀n-anmàn-bɔ̀ 8:29

Ɔmuhi Ɔwɔ gɔ́ mrɛ́n yɔ nbɩ; nɛ̀n vru nɛ̀n wá, ô yɔ dù yɔ cá n'ɛnẅì hɔ́, ô n'ɛnẅì ndɔ lɔ kè dú ɛnvrakpà ẅì, nɛ́n muan-ẅì hɔ̀n bobrebe hɔ̀n lɔ mɛ̀n.

Rɔmɛ̀n-anmàn-bɔ̀ 8:36

Hán ɔmu le Owrú kɛ dɔ̀ nɔn: “V'ɛkruhú de yɛ hɛ́n bɔ̀ owù-wɔ̀n mɛ̀n ɛcɛ̀n mumù lɔ fɛn, yɛ hán bɔ̀ eci kɛ cá kɔkɔsɛ̀ hɔ̀n léyi ye sɩ́ owri-yri nɔn.”

2 Korɛntɛ̀n anmàn-bɔ̀ 1:10

Nɛ́n de nɛ̀n mrɛ́n bɔ̀ owù ndɔ ɔmu lɔ mɛ̀n nɛ̀n sɔhɔ́ nɔn, kɩ ne le vru nɛ̀n mrɛ́n bɔ̀ owù nyàntɛn mɛ̀n nɛ̀n sɔhɔ́. Hɛ̀ɛ̀, bɔ̀ ẅɛn esɛ́ ndɔ lɔ n'ɛwú le, ne le vru nɛ̀n mrɛ́n bɔ̀ owúemɛ̀n nɛ̀n sɔhɔ́,

2 Korɛntɛ̀n anmàn-bɔ̀ 1:5

Annanwɔrɛ mɛ̀n lɔ, ɔmu zri léyi bɔ̀ dú Krisì gbànkàn lɔ mɛ̀n nɔn, ɔmu zri lɔ mán de bɔ́ cɔ́ ɛnbɔrɛ-bi-wá vri Krisi mɛ̀n nɔn.

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Galasi anmàn-bɔ̀ 6:17

Ɛnbi nyantɛn, ke sɩ́ ji le ɔwrɔn zriɛmɛ́n ke vru kɛ̀ wá mɛ̀n ejüe; ɔmuhi annrɛ̀n hɔ̀n léyi cüe mɛ̀n edomɛ̀n nɔn, ke yé le mɛ̀n dú Zhezü tɛn.

Efɛzɛ̀n anmàn-bɔ̀ 4:13

Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn.

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

Kɔlɔsèn anmàn-bɔ̀ 2:13

Ɛnbiɛhɛ́n vra lɔ, nyɛ́n wú ɛnhɛ́n mɛ̀n ny'ɛgbàn hɔ̀n lɔ kruhú, ɔmuhi nyɛ́n dú anwrɔn hɔ̀n léyi kè sɩ̀ nyrì Ɔwɔ nɔn. Tɛ́n zɛtɛ̀ lɔ, Ɔwɔ tán nyɛ̀n ɛwúvà wrù Krisì mɛ̀n. Nɛ̀n bɩ́ bɔ́ ɛgbàn hɔ̀n lɔ fɛn nɛ̀n ce bɔ̀.

Kɔlɔsèn anmàn-bɔ̀ 3:1

Nyɛ́n mán Krisì mɛhi nyɛ́n dú owú-bɔ̀ mɛ̀n nyɛ́n vá ɔkɔrɛ-bɔ̀ mɛ̀n. Zɛtɛn, nyɛ́n ji ɛci hɔ̀n léyi dú anhobɩ́ ci, ɛyri léyi Krisì yɛ́ Ɔwɔ ezì-kɔrɛ̀a nɔn.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

2 Piɛrɛ̀n 1:13

Tɛ́n me tro le, dú eci léyi nyrɔn, me kro nyɛ̀n ankà ɛnvra ɔmu léyi mɛ̀n vru mɛ̀n dú ɛwúvà mɛ̀n nɔn.

1 Zhan 2:3

Ke dú kɛ bɔ́ ẅɛn Ɔwɔ nyanmàn wá, bɔ́ lɛ ẅɛn esɛ́ le bɔ̀ nyri Ɔwɔ.

1 Zhan 2:5

Tɛ́n ke dú kɛ ɔwrɔn tɔ̀n ke die n'ɔmùan ankà nukùɛ, Ɔwɔ cüɛ̀n dú nɛ̀n ɛmɛ̀n annanwɔrɛ mɛ̀n kokroho. Nyàn ɔmu le bɔ́ lɛ ẅɛn esɛ́ le bɔ́ mán Ɔwɔ mɛhi bɔ́ bɔsɔ̀ nɔn:

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.