Filipɛ̀n anmàn-bɔ̀ 3:1 - Ɛmɛẅi ankà ankrànkràn 2003

¹ Kɩ zɛtɛ̀ lɔ, anwrɔn-nɛ́n-muan-ẅì hɔ̀n, nyɛ́n dú pɔpüɛ̀ mɛ̀n, ɔmuhi nyɛ́n dú Ɛẅɛnwrɔn bɔ̀sɔ̀ lɔ mɛ̀n nɔn. Ankà léyi mɛ́n gɔ̀ dɔ́ nyɛ̀n nɔn, n'ɛsàn merɛ́n ke sɩ́ wá mɛ̀n ejüe, kɩ nyɛ tɛn ndɔ lɔ dú eci ankrankran.

Filipɛ̀n anmàn-bɔ̀ 3:1 Cross References

Matie 5:12

Pɔ̀püɛ̀ kɛ̀ brá nyɛ̀n, nyɛ́n dú ɛnbɔrɛbruemɛ̀n, ɔmuhi anjakpà vri dú anhobɩ́ kɛ vrá nyɛ̀n nɔn. Ɔmu lɔ de annànwɔrɛ mɛ̀n, yɛ hán Ɔwɔ-mùanwú-ankà-dɔ́-bɔ̀ lɔ di ejüe yakɛ cɔ́ ny'ɛnvra lɔ nɔn.”

Lükɛ̀n 1:47

Pɔpüɛ̀ yɩ́ m'ɛnbɔrɛ lɔ mɛ̀n Ɔwɔ, m'Ebɩ̀die-wrɔn kruhù;

Rɔmɛ̀n-anmàn-bɔ̀ 5:11

Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

Efɛzɛ̀n anmàn-bɔ̀ 6:10

Ɔtrɔmɛ̀n lɔ, nyɛ́n bɩ́ ecüì nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, n'ɛkɔrɛ̀srɔn vri lɔ mɛ̀n.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

Filipɛ̀n anmàn-bɔ̀ 4:4

Nyɛ́n dú ɛnvra lɔ fɛn pɔ̀püɛ̀ mɛ̀n, ô nyɛ́n dú Ɛẅɛnwrɔn tɛn. Mɛ sán dɔ̀: Nyɛ́n dú pɔ̀püɛ̀ mɛ̀n!

Filipɛ̀n anmàn-bɔ̀ 4:8

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, ny'esùva wá kè dú eci léyi zrɔ, hɩ ẅɛn vɔ̀nshɛ́ ɛmrɛ́n mɛ̀n nɔn wú: eci lɔ fɛn léyi dú annanwɔrɛ, dú ɔwá, dú ɛnyrɔnnan, dú ɛfifi, dú ɛzrɔ mɛ̀n mán ɛmrɛ́n mɛ̀n nɔn.

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

1 Tesalonikɛ̀n anmàn-bɔ̀ 5:16

Nyɛ́n dú ɛnvra lɔ fɛn pɔpüɛ̀ mɛ̀n,

Zhakɛ̀n 1:2

Anwrɔn-nɛ́n-muan-ẅì hɔ̀n nyɛ́n dú ɛnbɔrɛ-bruemɛ̀n ɛnvra léyi ejüedì mɛ̀ntɛ mɛ̀ntɛ kɛ lɛ srɔ́n nyɛ̀n ɛsù nɔn;

1 Piɛrɛ̀n 3:8

Ɔtrɔ mɛ̀n lɔ, nyɛ lɛ fɛn nyɛ́n ẅɛn eci wrolo-zri-hán mán ankàtro zri; nyɛ́n cüɛn ny'edomɛ̀n kɛ̀ hán anwrɔn nɛ́n muan-ẅì hɔ̀n hɔ́, nyɛ́n dú anvrɛnvrɛn mán sɔ̀hɔ̀ mɛ̀n nyɛ́n nyran hɔ̀n tɛ̀sɛ̀n.

1 Piɛrɛ̀n 4:13

Pɔpüɛ̀ kɛ̀ hɛ́ ezì kɛ̀ brá nyɛ̀n, ɔmuhi nyɛ́n cɔ́ Krisì gbànkàn lɔ nɔn, ô pɔpüɛ̀-brà vri ke vru ke yɩ́ ny'ɛnbɔrɛ hɔ̀n lɔ mɛ̀n, ɛnvra léyi ne le yé yɔ lɛ fɛn n'eci-zrɔ lɔ nɔn.

2 Piɛrɛ̀n 3:1

Annyran anvrɛn hɔ̀n, vru nyàn anhyrɛmɛ̀n wrú léyi me yüre nyɛ̀n nɔn. Kpàkpà mán anhyrɛmɛ̀n wrú lɔ mɛ̀n, mɛ̀n ji, ô mɛ̀n kro sɩ́ ny'ɛnhɛ́n mɛ̀n, ankàtro prɔnprɔn hɔ̀n léyi m'eci-yé mɛ̀n, mɛ̀n kro nyɛ̀n nɔn.