Filipɛ̀n anmàn-bɔ̀ 2:9 - Ɛmɛẅi ankà ankrànkràn 2003

⁹ Hɩ le kruhú de Ɔwɔ sɩ́ nɛ̀n ɛwú, hɛ́n nɛ̀n ɛyɛ́yri vri wú kɩ tán nɛ̀n ebɩ́ léyi dú ebɩ́ totɔtɔ̀n lɔ fɛn ɛwú nɔn.

Filipɛ̀n anmàn-bɔ̀ 2:9 Cross References

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Lükɛ̀n 10:22

Dade tán mɛ̀n ɛci hɔ̀n lɔ fɛn. Ɔwrɔnẅì zriɛmɛ̀n kè sì nyrì ɔwrɔn léyi dú Ɛnẅì nɔn, ke dú kɛ ke sɩ̀ dù Dade, kɩ ɔwrɔnẅì zriɛmɛ̀n kè sɩ̀ nyrì ɔwrɔn léyi dú Dade nɔn, ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ hán tán kè nyrì nɔn.”

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 17:11

Mɛ̀n sɩ̀ vrù dù ɛnhibù wúɛ, tɛ́n yɔ tɛn yɔ dú ɛnhibù wú; mɛ̀n, mɛ hɔ́n v'eyri. Dade Prɔnprɔn, ɛ̀ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn, ô yɔ dú eci zri kɛ̀ hán vɛ́n mán mɛ̀n mɛhi léyi bɔ̀ dú eci zri nɔn hɔ́.

Zhan 17:12

Ɛnvra léyi yɔ mɛhi bɔ́ dù nɔn, mɛ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn. Mɛ̀n wá yɔ esùva kɩ nzri mán kè sɩ̀ zrɛ̀n hàn, ke dú kɛ kè sɩ̀ dù nzri léyi dú ɛzrɛ́n tɛn nɔn, ô Ɔwrú Prɔnprɔn ankà-dɔ̀ lɔ kɛ̀ sá nmù nɔn.

Zhan 17:5

Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:31

Ɔwɔ bɩ́ nɛ̀n hɛ́n n'ezì-kɔrɛ̀ kɔrɛ̀a kɩ wá nɛ̀n ecüìcüì mán Ebɩ̀die-wrɔn, ô kɛ̀ tán Izraɛlɛ̀n fɛcüè kɛ̀ crɔn y'eci-hán-ci, ô kɛ̀ cɔ́ ɛgbàn-bɩce.

Efɛzɛ̀n anmàn-bɔ̀ 1:10

Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

2 Tesalonikɛ̀n anmàn-bɔ̀ 1:12

Ɔmu lɔ de, bɔ́ Ɛẅɛnwrɔn Zhezü bi lɔ ke le dú ny'ɛmrɛ́n ci, kɩ nɛ́n mán nɛ lɛ mrɛ́n nyɛ̀n. Ndɔ lɔ de ke le dú b'Ɔwɔ mán Ɛẅɛnwrɔn Zhezü Krisì boafɔ̀n-ci-hán nɔn.

Ebre-bɔ̀ 1:4

Ɛnẅì lɔ sevri ká Ɔwɔ kuyüre bɔ̀ kɩ Ɔwɔ tán nɛ̀n ebi tɔ̀n léyi sevri vrán yɔ tɛ́n lɔ nɔn.

Ebre-bɔ̀ 1:9

Ɛ cüɛn eci léyi nyrɔn nɔn, e sɩ́ ji eci gbàngbàn, hɩ le kruhú de Ɔwɔ, v'Ɔwɔ, mrɛ́n mɛ́n nbɩ, kɩ nɛ̀n wá mɛ́n ɔkoran zhì ɛnkru, kɩ nɛ̀n mrɛ́n mɛ́n nɛ̀n bɩ́ ɛnyran hɔ̀n wanzi.”

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 2:9

Tɛ́n bɔ́ kán ndɔ lɔ: ɛnvra cá mɛ̀n Zhezü dú Ɔwɔ kùyüre-bɔ̀ ɛnhi, ô Ɔwɔ nboafɔ̀n lɔ mɛ̀n, nɛ̀n wú anwrɔnẅì lɔ fɛn kruhú; kɩ bɔ́ kán nɛ̀n zɛtɛ̀ lɔ eci-zrɔ mán ɛmrɛ́n dú nɛ tɛn, owú-gbàn léyi nɛ́n kàn nɔn hɩ kruhú.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.

2 Piɛrɛ̀n 1:17

Annanwɔrɛ mɛ̀n lɔ, nɛ̀n cɔ́ Ɔwɔ Zi yri, ɛmrɛ́n mán eci-zrɔ; kɩ Ɔwɔ léyi dú eci-zrɔ vri nɔn, zɛtɛn hán nɛ̀n nɛ̀n yá n'esùva, kɩ nɛ dɔ̀ le: “Ɔwrɔn ndɔ lɔ dú m'ɛcüɛn-ẅì léyi mɛ́n pɔpüɛ̀-brà lɔ fɛn dú ɛwú nɔn.”

3 Zhan 1:7

Annanwɔrɛ mɛ̀n lɔ, yɔ bru ɛnlevri yɔ hɔ́n Krisì ci-bìtan-kɔ̀hɔ́n mɛ̀n, kɩ yɔ sɩ̀ bɩ anwrɔn hɔ̀n léyi kè sɩ̀ nyrì Ɔwɔ nɔn, y'ɛkɔrɛ̀-wá-ci zriɛmɛ́n.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”