Filipɛ̀n anmàn-bɔ̀ 2:7 - Ɛmɛẅi ankà ankrànkràn 2003

⁷ Tɛ́n nɛ́n dùku nɛ́n krɔ eci lɔ fɛn léyi nɛ́n ẅɛ̀n, kɩ nɛ̀n srɔ n'edomɛ̀n eci-bɩ̀tan-wrɔn. Nɛ̀n srɔ ɔwrɔnẅì anwrɔnẅiemɛ̀n, ye nyri nɛ̀n, nɛ́n dù nɛ̀n hán ɔwrɔnẅì hɔ́;

Filipɛ̀n anmàn-bɔ̀ 2:7 Cross References

Matie 12:18

“Ɔwɔ dɔ̀ le: nyàn m'eci-bɩtan-wrɔn léyi mɛ̀n mrɛ́n mɛ́n bɩ nɔn, m'ɛcüɛn-wrɔn léyi mɛ́n pɔ̀püɛ̀ lɔ fɛn dú ɛwú nɔn. Mɛ lɛ hán m'Ɛnhɛ́n kè dú nɛ̀n ɛwú kɩ nɛ lɛ dɔ́ ɛnhi wú anmàn hɔ̀n m'ɛnyrɔnnan ankà.

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Markɛ̀n 9:12

Zhezü mrɛ́n yɔ ɔmùan le: “Annànwɔrɛ mɛ̀n ke ji le Eli kɛ̀ và yakɛ, ô kɛ̀ wá ɛci hɔ̀n lɔ fɛn esùva. Tɛ́n cɛci kruhú kɛ Owrú Prɔnprɔn kɛ dɔ̀ le ɔwrɔnẅì Ẅì kɛ lɛ kán ɛgbàn bobrebe kɩ yɛ lɛ ẅɛn n'egbrìɛ?

Lükɛ̀n 22:27

Kɛ̂, antɔn de ẅɛn vɔ̀nshɛ́, nɛ́n léyi nɛ̀n yɛ́ tɛbrɛ̀ wúɛ, kale nɛ́n léyi, nɛ̀n dú eci-bɩ̀tan-wrɔn nɛ́n? Ɔwrɔn léyi yɛ́ tɛbrɛ̀ wú nɔn kè sɩ̀ dù hiɛ. Zɛtɛn mɛ tɛn, mɛ̀n dú nyɛ̀n ɛmɛ̀n hán le eci-bɩtan-wrɔn hɔ́!

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 15:3

Annanwɔrɛ mɛ̀n lɔ, Krisì kè sɩ̀ jì eci léyi dú n'ɛcüɛn-ci nɔn. Tɛ́n hán ɔmu le Owrú kɛ dɔ̀ nɔn: “Ɔwrá ankà hɔ̀n lɔ fɛn léyi yɛ dɔ́ ku mɛ́n ɛwú nɔn, vá ku mɛ̀n ɛwú.”

Rɔmɛ̀n-anmàn-bɔ̀ 15:8

Ananwɔrɛ mɛ̀n lɔ, mɛ dɔ́ nyɛ̀n ankaẅì-bùtan mɛ̀n le, Krisì srɔ Zhüifɛ̀n-bɔ̀ ci-bɩ̀tan-wrɔn, ô ɔmùan léyi Ɔwɔ wá yɔ nancüì hɔ̀n nɔn kɛ̀ sá nmù, ô ɔmu lɔ, kè yé Ɔwɔ-mùan-zri-dì lɔ.

Rɔmɛ̀n-anmàn-bɔ̀ 8:3

Ɔwɔ hán eci léyi Mohizì nyànmàn kè sɩ̀ hàn rɔ̀a nɔn sá nmù, ɔmuhi ɔwrɔnẅì jɛ̀ ke sɩ̀ tán nɛ̀n ɛkɔrɛ̀srɔn: ɛgbàn léyi nɛ lɛ mrɛ́n nɛ̀n sɔhɔ́ nɔn, nɛ̀n bó ɔwrɔnẅì nwù n'edùwrú-ẅia lɔ mɛ̀n, kɩ nɛ̀n hán nɛ́n dùku n'ɛnẅì vá dú ɔwrɔnẅì wúvà gbànkàn lɔ mɛ̀n.

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

Filipɛ̀n anmàn-bɔ̀ 2:6

Ɛnkrubɔmɛ̀n hàn hɛ́n, nɛ̀n dú Ɔwɔ, tɛ́n nɛ̀n sɩ̀ jì ɔmu le, nɛ́n mán Ɔwɔ mɛhi ɛkɔrɛ̀ kɛ̀ krɔn yɔ.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 13:3

Nyɛ́n tro anwrɔn hɔ̀n léyi dú anwɔn-mɛ̀n-wá-wɔn mɛ̀n nɔn y'ankà, kɛ hán le yɔ mɛhi de nyɛ́n dú anwɔn-mɛ̀n-wá-wɔn mɛ̀n. Nyɛ́n tro anwrɔn hɔ̀n léyi yɛ hán ɛgbàn, ɔmuhɩ nyɛ́n mán ny'edùwru lɔ dú ɛgbànkan ci nɔn.

Ebre-bɔ̀ 4:15

Bɔ̀ sɩ̀ ẅɛ̀n Ɔwɔ-cice-wrɔn cüìcüì léyi ke sɩ̀ ẅɛn ecüì kè cɔ́ bɔ̀ mɛhi, bɔ̀ kán ɛgbàn, bɔ́ ɛjɛ̀ hɔ̀n lɔ mɛ̀n nɔn. Tɛ́n b'Ɔwɔ-cice-wrɔn cüìcüì lɔ srɔ́n ɛwɔ̀ɛn-nyan ɛsù eci lɔ fɛn mɛ̀n hán bɔ́ hɔ́, tɛ́n nɛ̀n sɩ̀ hán ɛgbàn zriɛmɛ́n.