Filipɛ̀n anmàn-bɔ̀ 2:6 - Ɛmɛẅi ankà ankrànkràn 2003

⁶ Ɛnkrubɔmɛ̀n hàn hɛ́n, nɛ̀n dú Ɔwɔ, tɛ́n nɛ̀n sɩ̀ jì ɔmu le, nɛ́n mán Ɔwɔ mɛhi ɛkɔrɛ̀ kɛ̀ krɔn yɔ.

Filipɛ̀n anmàn-bɔ̀ 2:6 Cross References

Matie 1:23

“Ɛnnyɔnwrɔn léyi kè sɩ̀ nyrì ɛncɔnwrɔn ankà nɔn ke le sî ɛmɛ̀ntɛ̀ kɩ ke le bî ɛncɔnwrɔn-ẅì tɔ̀n, ye le bi nɛ̀n Emanüɛlɛ̀n.” (N'ɛmɛ̀n kɛ dɔ̀ le “Ɔwɔ mɛhi bɔ́ dù”.)

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 10:30

Mɛ̀n mán Dade mɛhi bɔ́ dú eci zri.”

Zhan 10:33

Zhüifɛ̀n-bɔ̀ mrɛ́n nɛ̀n ɔmùan le: “Bɔ́ sɩ́ ji bɔ̀ wri mɛ́n ebùemɛ̀n ɔkɔ̀hɔ̀n ankrankran kruhú, tɛ́n ɔmuhi ɛ dɔ́ ankà gbangbàn ku Ɔwɔ ɛwú nɔn: ɔwrɔnẅì kɩ dú mɛ́n, kɩ e ji è bɩ́ v'edomɛ̀n ɛ̀ srɔ Ɔwɔ!”

Zhan 10:38

Tɛ́n ke dú kɛ mɛ hán ɔkɔhɔ̀n lɔ, ɔmu tɛ̀kɩ nyɛ́n sɩ́ bú m'ankà nyɛ́n tán ankaẅì, hɩ mán hô, m'ɔkɔ̀hɔ̀n léyi mɛ̀n hán nɔn, nyɛ́n bùtan ankaẅì, ô nyɛ́n nyrí ɛnvra lɔ fɛn le, Dade dú mɛ̀n ɛmɛ̀n kɩ mɛ̀n mán mɛ̀n dú Dade ɛmɛ̀n.”

Zhan 14:28

Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.

Zhan 14:9

Zhezü mrɛ́n nɛ̀n ɔmùan le: “Ɛnvra sheshemɛ̀n de mɛ̀n dú nyɛ̀n ɛmɛ̀n nɔn, kɩ ɛ vá nyri mɛ̀n hàn Filipɛ̀n? Ɔwrɔn léyi kán mɛ̀n nɔn, kán Dade. Cɛci kruhú kɛ ɛ dɔ̀ le: ‘Yé bɔ̀ Ɔwɔ Ziɛ?’

Zhan 17:5

Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Zhan 20:28

Toma mrɛ́n nɛ̀n ɔmùan le: “M'Ɛẅɛnwrɔn mán m'Ɔwɔ!”

Zhan 5:18

Zhezü ankà-dɔ̀ ndɔ lɔ kruhú de Zhüifɛ̀n-bɔ̀ cüìcüì hɔ̀n vru ke ji ɛyri kè wri nɛ̀n nɔn; ɔmuhi nɛ̀n hán eci léyi ɛnyanmán-bì ke sɩ́ nɔn, tɛ́n nɛ̀n vru nɛ́n dɔ̀ le Ɔwɔ dú nɛ́n zi ebî-wrɔn, kɩ ne bɩ́ n'edomɛ̀n nɛ krɔn Ɔwɔ.

Zhan 5:23

ô anwrɔn lɔ fɛn kɛ ẅɛn Ɛnẅì wá kɛ hán ɔmu le yɛ wá Ɛnẅì-nɛ́n-zi nɔn hɔ́. Ɔwrɔn léyi ke sɩ́ wá Ɛnẅì lɔ nɔn, nɛ́n sɩ́ wá Ɛnẅì-nɛ́n-zi léyi wá Ɛnẅì ɔkɔ̀hɔ̀n nɔn.”

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 1:6

Tɛ́n ɛnvra léyi Ɔwɔ kɛ lɛ wá nɛ́n kpàkpà bî-Ẅì ɔkɔ̀hɔ̀n ɛnhibù wú nɔn, nɛ́n dɔ̀ le: “Ke ji le Ɔwɔ kùyüre-bɔ̀ lɔ fɛn kè cüe nɛ̀n ankɔrɛ̀ ezìwúɛ.”

Ebre-bɔ̀ 1:8

Tɛ́n Ɛnẅì lɔ wú, nɛ́n dɔ̀ le: “V'ɛgbú-tòbù, ô Ɔwɔ, yɛ hán dú ɛnvra lɔ fɛn. Ɛnyrɔnnan mɛ̀n de ɛ̀ ẅɛn ɛyri v'ɛnnɛ̀ncüì-dúyri lɔ nɔn.

Ebre-bɔ̀ 13:8

Zhezü Krisì dú ɔwrɔn léyi dú ɛnɛ́n, ɛnyɔnci mán ɛnvra lɔ fɛn nɔn.

Ɔwɔ-mɛ̀n-yrikàn 21:6

Kɩ nɛ dɔ̀ le: “Ɔmu lɔ de ndù nɔn! Mɛ̀n dú ɛnkrubɔmɛ̀n mán ɔtrɔmɛ̀n. Ɔwrɔn léyi ɛnshi-mùanwù kɛ ẅɛ̀n nɔn, mɛ lɛ tán nɛ̀n ɛnshi ne le mi ankora ɛwúvà-shi-bɛ́ mɛ̀n.