Filipɛ̀n anmàn-bɔ̀ 2:30 - Ɛmɛẅi ankà ankrànkràn 2003

³⁰ ɔmuhi nɛ̀n bá owú tɛ̀sɛ̀n Krisì kɔhɔ̀n lɔ kruhú nɔn: nɛ̀n vá owú yri ɛnvra léyi nɛ̀n bɩ́ ny'ɛkɔrɛ̀-wá-ci léyi nyɛ́n dùku nyɛ́n sɩ̀ sɩ̀ɛ, hɩ nɛ́n bɩ̀ nɛ́n và sɩ́ mɛ̀n nɔn.

Filipɛ̀n anmàn-bɔ̀ 2:30 Cross References

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Rɔmɛ̀n-anmàn-bɔ̀ 16:4

Yɔ vá y'ɛwúvà zrɛ́n yri, ô yɔ bɩ́ m'ɛwúvà lɔ yɔ die. Kè sɩ̀ dù mɛ́n zri kɩ mɛ̀n ẅɛ̀n y'ɔkùɛn tán, Ɔwɔ fɛcüè hɔ̀n lɔ fɛn dú ɛnhibù wú, hɩ kè sɩ̀ dù Zhüifɛ̀n-bɔ̀ mán nɔn, yɔ mán yɔ dú ɛmɛ̀n.

1 Korɛntɛ̀n anmàn-bɔ̀ 15:53

Annanwɔrɛ mɛ̀n lɔ, eci léyi dú ɛjrɛ́-ci nɔn, kè bɩ́ eci léyi ke sɩ́ jrɛ́a nɔn kɛ̀ vá edomɛ̀n; eci léyi ke wù nɔn, kè bɩ́ eci léyi kè sɩ̀ dù owú ci nɔn, kɛ̀ vá edòmɛ̀n.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

1 Korɛntɛ̀n anmàn-bɔ̀ 16:17

Mɛ̀n dú ɛnbɔrɛ-bruemɛ̀n, ɔmuhi stefanasɛ̀n, Fortünatüsɛ̀n mán Akahiküsɛ̀n kɛ và nɔn. Yɔ tán mɛ̀n eci léyi kɛ ẅɛn mɛ̀n ɛmìan ɛnvra léyi mɛ̀n sɩ̀ cɔ́ nyɛ̀n ɛkán yri nɔn,

2 Korɛntɛ̀n anmàn-bɔ̀ 12:15

Mɛ tɛn tɛ́n, me le dú ɛnbɔrɛ-bruemɛ̀n ke dú kɛ mɛ jrɛ́ eci lɔ fɛn léyi mɛ́n ẅɛ̀n mán mɛ́n mumù mɛhi ny'ɛkruhú. Nyɛ lɛ cüɛn mɛ̀n ɛẅiɛ tɛ̀kɩ, ke dú kɛ mɛ ẅɛn ny'ɛcüɛ̀n vri ɔmu lɔa?

2 Korɛntɛ̀n anmàn-bɔ̀ 4:12

Ɔmu lɔ de owù dú bɔ̀ edomɛ̀n, ô ɛwúvà kè dú nyɛ̀n ɛmɛ̀n.

Filipɛ̀n anmàn-bɔ̀ 2:17

Me bú tán le m'ɛnkrɛ̀ lɔ ke le cüe, ke le dù kɛ lɛ hán ecice-ci léyi ny'ankàẅì-bùtan kɛ tán Ɔwɔ nɔn. Ke dú kɛ ndɔ lɔ dú eci-hán-ci, mɛ̀n dú ɛnbɔrɛ-bruemɛ̀n, kɩ nyɛ lɛ fɛn lɔ mɛ wá nyɛ̀n mɛ́n pɔpüɛ̀-brà lɔ mɛ̀n.

Filipɛ̀n anmàn-bɔ̀ 2:27

Ɛnlɔẅiɛ dá nɛ̀n, annanwɔrɛ mɛ̀n lɔ, nɛ̀n bá ɔwú tɛ̀sɛ̀n; tɛ́n Ɔwɔ nyri nɛ̀n ɛnhyɔ̀bɔ̀, kɩ kè sɩ̀ dù nɛ́n zri kɩ, tɛ́n mɛ̀n mán, ô mɛ́n bɩ́ cɔ́ obòtò ke vru ke sevri.

Filipɛ̀n anmàn-bɔ̀ 4:10

Mɛ̀n cɔ́ pɔpüɛ̀-bra vri m'ɛwúvà lɔ mɛ̀n, mɛ̀n mán Ɛẅɛnwrɔn mɛhi: ɔtrɔmɛ̀n lɔ, nyɛ́n vru nyɛ́n yé mɛ̀n ny'ɛcüɛ̀n. Ɛcüɛ̀n ndɔ lɔ dú nyɛ̀n edomɛ̀n, tɛ́n nyɛ vá cɔ́ ɛnvra ô nyɛ́n yé mɛ̀n nɛ́n.

Filipɛ̀n anmàn-bɔ̀ 4:18

Mɛ dɔ́ nyɛ̀n annanwɔrɛ mɛ̀n le, mɛ̀n cɔ́ eci lɔ fɛn léyi nyɛ́n yüre mɛ̀n nɔn; ɛncüɛn ká ankɔrɛ̀. Zɛtɛ̀ léyi Epafroditɛ̀n bɩ́ ny'ɛkɔrɛ̀-wá vá sɩ́ mɛ̀n nɔn, mɛ̀n ẅɛn eci lɔ fɛn léyi me ji nɔn. Ɛkɔrɛ̀-wá-ci ndɔ hɔ̀n lɔ, ndù hán ecice-ci tɔ̀n léyi nɛ́n ndɔ̀ kɛ ẅɛn ɛnniɛ̀n anvrɛnvrɛn nɔn, ecice tɔ̀n léyi Ɔwɔ ke bɩ hɩ kɛ zrɔ nɛ̀n nɔn.

Filemɔn 1:13

Mɛ cüɛn ɔmu le, mɛ̀n bɩ́ nɛ̀n mɛ̀n hɛ́n m'ɛtɛ̀sɛ̀n ɛnvra ɔmu léyi mɛ̀n dú anwɔn-mɛ̀n-wá-wɔn mɛ̀n Ɛmɛẅi ankà Ankrankran lɔ kruhú, ô nɛ̀n wá mɛ̀n ɛkɔrɛ̀ léyi, vɛ́n ɛ lɛ wá mɛ̀n nɔn.

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.