Filipɛ̀n anmàn-bɔ̀ 2:29 - Ɛmɛẅi ankà ankrànkràn 2003

²⁹ Ɔmu lɔ, nyɛ́n ẅɛn nɛ̀n pɔpüɛ̀ vri mɛ̀n, kè dù kɛ̀ hán ɔwrɔn-nɛ́n-muan-ẅì tɔ̀n Ɛẅɛnwrɔn bɩ́mɛ̀n. Ke ji le nyɛ́n ẅɛn ɛcüɛ̀n nyɛ́n tán anwrɔn hɔ̀n léyi ndù hán nɛ́n hɔ́ nɔn,

Filipɛ̀n anmàn-bɔ̀ 2:29 Cross References

Lükɛ̀n 9:5

Ɛyri lɔ fɛn léyi ye sɩ́ ji ye bɩ́ nyɛ̀n nɔn, nyɛ́n cɔhɔ́ anmàn lɔ, ô nyɛ́n korɛ ny'annan-hi nyɛ́n cüe, hɩ lɔ de ke le dú y'eci gbangbàn hán dalɛfuɛ-dì nɔn.”

Zhan 13:20

Mɛ dɔ́ nyɛ̀n annanwɔrɛ mɛ̀n le: ɔwrɔn léyi ke bɩ́ m'ɔkɔhɔ̀n-wá-wrɔn, ne bɩ́ mɛ̀n mán; kɩ ɔwrɔn léyi ke bɩ́ mɛ̀n nɔn, ne bɩ́ ɔwrɔn léyi wá mɛ̀n ɔkɔhɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:46

Ɛnbì lɔ fɛn, ɛnvra zri lɔ mɛ̀n, yɔ borɛkru Ɔwɔ-cice-wɔn lɔ mɛ̀n, yɔ zî ɛci ɛyri zri y'anwɔn hɔ̀n lɔ mɛ̀n, kɩ y'ɛci-zî lɔ ke dú pɔpüɛ mɛ̀n mán ɛnbɔrɛ cɛ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 28:10

Yɔ yé bɔ̀ anhyɛ-yì mɛ̀ntɛ mɛ̀ntɛ kɩ, ɛnvra léyi bɔ́ vá ɛhɔ́n-yri nɔn, yɔ tán bɔ̀ ɛci hɔ̀n lɔ fɛn léyi dú bɔ́ ɛyri-hɔ́n-ci nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:8

Ɔmu lɔ de pɔpüɛ̀-brà ndù sevri anmàn ndɔ lɔ mɛ̀n nɔn.

Rɔmɛ̀n-anmàn-bɔ̀ 10:15

Kɩ anwɔntan de yɔ lɛ hán yɔ dɔ́ n'ankà ke dú kɛ ye sɩ̀ wá anwrɔn ɔkɔ̀hɔ̀n n'ankà-dɔ́ mɛ̀n nɛ́n? Hán ɔmu le Owrú kɛ dɔ̀ nɔn: “Ɛnfì zrɔ, ɛnvra léyi yɛ kán ɛmɛẅi ankà ankrànkràn dɔ́-bɔ̀ kɛ và nɔn!”

Rɔmɛ̀n-anmàn-bɔ̀ 16:2

Nyɛ́n ẅɛn nɛ̀n anvrɛnvrɛn Ɛẅɛnwrɔn bɩmɛ̀n, kɛ hán ɔmu le ke ji le yɛ hán ankaẅì-bùtan-ẅɛn-bɔ̀ granmɛ̀n, ô nyɛ́n wá nɛ̀n ɛkɔrɛ̀ eci lɔ fɛn mɛ̀n léyi ne ji ny'ɛkɔrɛ̀-wá nɔn. Ɔmuhi nɛ́n mumù mán, nɛ̀n wá anwrɔn bobrebe ɛkɔrɛ̀, annannan le mɛ̀n mán.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

1 Korɛntɛ̀n anmàn-bɔ̀ 16:18

kɩ yɔ tán mɛ̀n ɛnbɔrɛ-bi-wá, hán ɔmu le yɔ hán yɔ tán nyɛ̀n nɔn. Nyɛ́n nyrì mrɛ́n anwrɔn ɔmu hɔ̀n lɔ!

2 Korɛntɛ̀n anmàn-bɔ̀ 10:18

Annanwɔrɛ mɛ̀n lɔ, kè sɩ̀ dù ɔwrɔn léyi ẅɛn ankà-tro vri nɛ́n mumù n'ɛwú nɔn, de yɛ mrɛ́n nɔn, tɛ́n ɔwrɔn léyi Ɛẅɛnwrɔn kɛ mrɛ́n nɔn.

2 Korɛntɛ̀n anmàn-bɔ̀ 7:2

Nyɛ́n tán bɔ̀ ɛyri tɔ̀n ny'ɛnbɔrɛ lɔ mɛ̀n! Bɔ́ sɩ̀ hàn ɔwrɔn zriɛmɛ́n ɛgbàn, bɔ́ sɩ̀ jrɛ̀ ɔwrɔn zriɛmɛ́n eci, bɔ́ sɩ̀ frɛ̀n ɔwrɔn zriɛmɛ́n.

Filipɛ̀n anmàn-bɔ̀ 2:28

Mɛ̀n dú edù cüìcüìemɛ̀n, ô mɛ̀n yüre nyɛ̀n nɛ́n, nyɛ́n brá pɔpüɛ̀ n'ɛkán mɛ̀n, ô m'obòtò lɔ kɛ̀ zrɛ́n.

Kɔlɔsèn anmàn-bɔ̀ 4:10

Aristarkɛ̀n léyi nɛ́n mɛhi bɔ́ dú anwɔn-mɛ̀n-wá-wɔn mɛ̀n nɔn, ke bi nyɛ̀n nyan, kɩ Markɛ̀n léyi dú Barnabasɛ̀n nɛ́n muan-ẅì nɔn mán ke bi nyɛ̀n nyan. Nyɛ́n gɔ̀ cɔ́ Markɛ̀n ankà nyɛ́n yá: ke dú kɛ nɛ vá ny'eyri hô, nyɛ́n ẅɛn nɛ̀n anvrɛnvrɛn.

1 Tesalonikɛ̀n anmàn-bɔ̀ 5:12

Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn.

Kpàkpà timote 5:17

Ɛcüìcüì-bɔ̀ léyi kɛ nyrɔn Ɔwɔ-fɛcüè lɔ nɔn, zrɔ tán le y'ɔwɔ̀ɛn-dì lɔ kɛ̀ hɔ́n ɛwú, anannan le yɔ hɔ̀n léyi kɛ dɔ̀, kɩ ke yé Ɔwɔ ankà nɔn.

Ebre-bɔ̀ 13:17

Nyɛ́n die ny'ɛnyrɔnnan-bɔ̀ nukùɛ, ô nyɛ́n sɩ́ ny'edomɛ̀n ɛnhi nyɛ́n tán yɔ. Annanwɔrɛ mɛ̀n lɔ, yɔ dú bɔ́ ɛnán mɛ̀n ɛnbì lɔ fɛn, ɔmuhi yɔ ẅɛn eci-krɛ̀ yɔ mán Ɔwɔ mɛhi nɔn. Nyɛ́n hán tán, ô yɔ cɔ́ y'ɔkɔ̀hɔ̀n lɔ n'ɛhán-yri pɔpüɛ̀ mɛ̀n, kɩ ke bɩ́ dú obòto mɛ̀n, eci-hán ndɔ lɔ ke sɩ̀ sɩ́ nyɛ̀n vɔ̀nshɛ́ zriɛmɛ́n.

3 Zhan 1:10

Hɩ le kruhú de, ɛnvra léyi mɛ lɛ và nɔn, mɛ lɛ dɔ́ eci gbàngbàn léyi nɛ hán nɔn yi ankà, nɛ́n léyi nɛ dɔ́ ankà gbàngbàn mán ɛyɔ̀n ankà ku bɔ̀ ɛwú nɔn. Tɛ́n ke sɩ̀ dù fɛn: nɛ́n sɩ́ ji nɛ̀n ẅɛn anwrɔn-nɛ́n-muan-ẅì hɔ̀n léyi dú eciemɛ̀n nɔn nɛ̀nnyàn-bɔ̀, kɩ nɛ́n sɩ́ ji anwrɔn ke bɩ́ yɔ kè sɩ́ ɛbemɛ̀n, ne sî yɔ ndɔ lɔ n'ɛhán mɛ̀n, kɩ nɛ wá yɔ ɛnjansù le, nɛ lɛ wrɔ́ yɔ Ɔwɔ fɛcüè mɛ̀n.