Filipɛ̀n anmàn-bɔ̀ 2:25 - Ɛmɛẅi ankà ankrànkràn 2003

²⁵ Mɛ̀n tro le dú eci anvrɛnvrɛn ke dú kɛ me yüre nyɛ̀n bɔ́ muan-ẅì Epafroditɛ̀n m'ɔkɔhɔ̀n mán m'ɛgbànkàn kɔrɛ̀-wá-wrɔn, nɛ́n léyi nyɛ́n wá nɛ̀n ɔkɔ̀hɔ̀n nɛ̀n bɩ́ ny'ɛkɔrɛ̀-wá-ci lɔ nɛ̀n và sɩ́ mɛ̀n nɔn.

Filipɛ̀n anmàn-bɔ̀ 2:25 Cross References

Zhan 13:16

Mɛ dɔ́ nyɛ̀n annanwɔrɛ mɛ̀n le: eci-bɩ̀tan-wrɔn zriɛmɛ́n ke sɩ̀ sevri kɛ̀ vrán n'ɛẅɛnwrɔn, kɩ ɔkɔhɔ̀n-wá-wrɔn zriɛmɛ́n ke sɩ̀ vrán ɔwrɔn léyi wá nɛ̀n ɔkɔhɔ̀n nɔn.

Zhan 17:18

Mɛ̀n wá yɔ ɔkɔhɔ̀n ɛnhibù wú hán ɔmu le ɛ̀ wá mɛ̀n ɔkɔhɔ̀n ɛnhibù wú nɔn hɔ́.

Rɔmɛ̀n-anmàn-bɔ̀ 16:3

Nyɛ́n tán Prisilɛ̀n mán Akilasɛ̀n m'ebinyan, yɔ léyi yɔ dú m'annyran anvrɛn hɔ̀n Zhezü Krisì ci-bɩtan-kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 16:9

Nyɛ́n bi Urbɛ́n nyɛ́n nyan, nɛ́n léyi nɛ̀n dú bɔ́ nyran anvrɛn Krisì ci-bɩ̀tan-kɔ̀hɔ́n mɛ̀n, kɩ ebinyan zri lɔ kè dú m'annyran anvrɛn Stashisɛ̀n tɛn.

1 Korɛntɛ̀n anmàn-bɔ̀ 3:9

Ɔmuhi bɔ̀ dú Ɔwɔ kɔrɛ̀-wá-bɔ̀, kɩ nyɛ́n dú Ɔwɔ kɛ̀tɛ̀ nɔn. Nyɛ́n vru nyɛ́n dú ɔwɔn léyi Ɔwɔ kù nɔn.

2 Korɛntɛ̀n anmàn-bɔ̀ 2:13

Tɛ́n mɛ̀n dú ɛnkrɛ̀ta-kù vriemɛ̀n ɔmuhi, mɛ̀n sɩ̀ cɔ̀ bɔ́ muan-ẅì Titɛ̀n nɔn. Hɩ le kruhú de mɛ̀n tán Troasɛ̀n anmàn-bɔ̀ ɛyri-hɔ́n-mùan-bɔ̀ kɩ mɛ̀n hɔ́n Masedùhanɛ̀n kpɔsɔ wú.

Filipɛ̀n anmàn-bɔ̀ 2:26

Nɛ wá kpankpan nɛ̀n vru nɛ̀n và kán nyɛ lɛ fɛn, kɩ nɛ̀n dú ankàtro mɛ̀n, ɔmuhi nyɛ́n yá n'ɛnlɔẅiɛ mùan nɔn.

Filipɛ̀n anmàn-bɔ̀ 4:18

Mɛ dɔ́ nyɛ̀n annanwɔrɛ mɛ̀n le, mɛ̀n cɔ́ eci lɔ fɛn léyi nyɛ́n yüre mɛ̀n nɔn; ɛncüɛn ká ankɔrɛ̀. Zɛtɛ̀ léyi Epafroditɛ̀n bɩ́ ny'ɛkɔrɛ̀-wá vá sɩ́ mɛ̀n nɔn, mɛ̀n ẅɛn eci lɔ fɛn léyi me ji nɔn. Ɛkɔrɛ̀-wá-ci ndɔ hɔ̀n lɔ, ndù hán ecice-ci tɔ̀n léyi nɛ́n ndɔ̀ kɛ ẅɛn ɛnniɛ̀n anvrɛnvrɛn nɔn, ecice tɔ̀n léyi Ɔwɔ ke bɩ hɩ kɛ zrɔ nɛ̀n nɔn.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Kɔlɔsèn anmàn-bɔ̀ 1:7

Epafrasɛ̀n léyi dú bɔ́ nyran anvrɛn, bɔ́ eci-bɩtan-kɔ̀hɔ̀n-hán lɔ mɛ̀n nɔn de tán nyɛ̀n ankà-yé ndɔ lɔ nɔn; nɛ hán ɔkɔ̀hɔ̀n tán nyɛ̀n kɛ hán Krisì ci-bɩ̀tan-wrɔn léyi ke di ɔmùan-zri nɔn.

Kɔlɔsèn anmàn-bɔ̀ 4:11

Zhezü léyi ye bi Zhüstüsɛ̀n nɔn, mán ke bi nyɛ̀n nyán. Anwrɔn anhɔ̀n ndɔ hɔ̀n lɔ, yɔ kɩ yɔ dú Zhüifɛn-bɔ̀ léyi yɔ mɛhi bɔ́ hán Anhobɩ́ Nɛ̀ncüì-dúyri kɔ̀hɔ̀n; yɔ dú m'ɛnbɔrɛ-bi-wá-bɔ̀ vri.

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

Filemɔn 1:24

ɔmu zri lɔ de dú Markɛ̀n, Aristarkɛ̀n, Demasɛ̀n; mán Lükɛ̀n léyi dú anyran hɔ̀n ɔkɔ̀hɔ̀n-hán mɛ̀n nɔn.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.