Filipɛ̀n anmàn-bɔ̀ 2:22 - Ɛmɛẅi ankà ankrànkràn 2003

²² Nyɛ́n dùku nyɛ́n nyri ɔmu le, Timote yé n'ɔmùan-zri-dì lɔ: hán ɛnẅì mán nɛ́n zi mɛhi, nɛ̀n yɩ́ edù nɛ́n mán mɛ̀n mɛhi Ɛmɛẅi ankà Ankrankran ci-bɩ̀tan-kɔ̀hɔ̀n lɔ mɛ̀n.

Filipɛ̀n anmàn-bɔ̀ 2:22 Cross References

Ɔkɔ̀hɔ̀n-wá-bɔ̀ kɔ̀hɔ̀n hán 16:2

Anwrɔn-nɛ́n-muan-ẅì hɔ̀n léyi dú Listrɛ̀n mán Ikoniɔmɛ̀n anmàn nɔn, kɛ dɔ́ Timote ankà ankrankran.

Rɔmɛ̀n-anmàn-bɔ̀ 5:4

ɛnbɔrɛ-ẅɛ̀n-hɛ́n kɛ tán bìakpa-ẅɛ̀n ɔwɔɛ̀n-nyan mɛ̀n, kɩ bìakpa-ẅɛ̀n kɛ tán esɛ́.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

2 Korɛntɛ̀n anmàn-bɔ̀ 2:9

Annanwɔrɛ mɛ̀n lɔ, nyàn eci le kruhú léyi mɛ̀n merɛ́n nyɛ̀n owrú nɔn: me ji mɛ̀n wɔɛn nyɛ̀n mɛ̀n nyan, ô mɛ̀n kán ɔmu le ɛnvra lɔ fɛn, nyɛ́n krɔn kpehɛ́n nyɛ́n ẅɛn m'ankà-yé lɔ nyɛ́n hɛ́n nɔn.

2 Korɛntɛ̀n anmàn-bɔ̀ 8:22

Bɔ̀ hán yɔ, yɔ hɔ̀n, yɔ mán bɔ́ muan-ẅì mɛhi; bɔ̀ ci eci-hán bobrebe mɛ̀n, bɔ̀ wɔɛn nɛ̀n bɔ̀ nyan, kɩ nɛ̀n yé ɛnvra lɔ fɛn n'edùyì ci-hán ɔwɔ̀ɛn-nyan lɔ mɛ̀n. Tɛ́n zɛtɛ̀ lɔ, nɛ̀n vru nɛ̀n dú edùyiemɛ̀n, esɛ́ vri léyi nɛ̀n ẅɛn ny'ɛwú nɔn hɩ kruhú.

2 Korɛntɛ̀n anmàn-bɔ̀ 8:24

Nyɛ́n yé yɔ le, nyɛ cüɛn yɔ annanwɔrɛ mɛ̀n, ô Ɔwɔ-fɛcüè-bɔ̀ kɛ̀ ẅɛn esɛ́, ô kè nyrì le bɔ̀ dú ankà zrɔ mɛ̀n, ke dú kɛ bɔ́ gbú ɔmùan ny'ɛwú.

2 Korɛntɛ̀n anmàn-bɔ̀ 8:8

Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ.

Filipɛ̀n anmàn-bɔ̀ 1:12

Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Filipɛ̀n anmàn-bɔ̀ 1:16

Anwrɔn ndɔ hɔ̀n lɔ kɛ hán eci ɛcüɛn mɛ̀n, ɔmuhi yɔ nyri ɔmu le m'ɔkɔhɔ̀n-hán ɛnu lɔ, dú Ɛmɛẅi ankà Ankrankran lɔ, n'ɛnan mán n'esùva-wá.

Filipɛ̀n anmàn-bɔ̀ 1:5

ɛkɔrɛ̀-wá léyi mɛ̀n cɔ́ ny'eyri Ɛmɛẅi ankà Ankrankran lɔ n'ɛdɔ́ mɛ̀n, bukru kpàkpà bì lɔ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 2:20

Nɛ̀n dú ɔwrɔn zri léyi ke dú m'ɛci-hán hɔ̀n lɔ fɛn mɛ̀n, kɩ annanwɔrɛ mɛ̀n lɔ, kɛ ẅɛn ny'ankà-tro nɔn.

Kpàkpà timote 1:18

Timote, m'ɛnẅì, mɛ tán mɛ́n eci-wá-tán ndɔ léyi dú Ɔwɔ-mùan-wú ankà-dɔ̀, hɩ yɛ dɔ́ ɛnbìɛhɛ́n vra ku mɛ́n ɛwú nɔn. Ke ji le ankà-dɔ̀ ndɔ hɔ̀n lɔ kè dú v'ecüì anhà ankrankran kɔ̀n léyi è dú ɛmɛ̀n nɔn,

Kpàkpà timote 1:2

Ebinyan ndɔ lɔ dú Timote tɛn, nɛ́n léyi nɛ̀n dú m'ɛnẅì annanwɔrɛ ankaẅìbùtan mɛ̀n nɔn: Ɔwɔ léyi dú bɔ́ Zi mán Zhezü Krisì, bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbán-bɩ-ce mán anwɔwɔ.

Kpàkpà timote 4:6

Ke dú kɛ e yé anwrɔn nɛ́n muan-ẅì hɔ̀n ankà ndɔ hɔ̀n lɔ hô, e le dú Zhezü Krisì ci-bɩ̀tan-wrɔn ankrankran tɔ̀n, e le yé tán le ankaẅìbùtan ankà-dɔ̀ mán ankà-yé annanwɔrɛ léyi ɛ kɛ́n ɛsɛ̀n nɔn, dú v'ɛcizî.

Anhyrɛmɛ̀n timote 1:2

Timote, m'ɛnẅì anvrɛn: Ɔwɔ léyi dú bo Zi mán Zhezü Krisì bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbàn-bɩce mán anwɔwɔ.

Anhyrɛmɛ̀n timote 3:10

Tɛ́n vɛ́n, ɛ̀ kɛ́n mɛ̀n ɛsɛ̀n m'ankà-yé kɔ̀hɔ̀n lɔ mɛ̀n, m'esùnàn, m'ankà-tro hɔ̀n, m'ankaẅìbùtan, m'ɛnbɔrɛ-ẅɛ̀n-hɛ́n, m'ɛcüɛ̀n, m'ɛnbɔrɛ-zri ci-hán,

Titɛ̀n 1:4

Titɛ̀n me yüre mɛ́n owrú ndɔ lɔ, vɛ́n léyi è dú m'ɛnẅì annanwɔrɛ ankaẅì-bùtan zri léyi kɛ bɔ̀sɔ bɔ̀ nɔn n'ɛmɛ̀n. Ɔwɔ bɔ́ Zi mán Zhezü Krisì bɔ́ Ebɩdie-wrɔn kɛ̀ tán mɛ́n nboafɔ̀n mán anwɔwɔ.