Filipɛ̀n anmàn-bɔ̀ 2:21 - Ɛmɛẅi ankà ankrànkràn 2003

²¹ Anwrɔn ndɔ hɔ̀n lɔ fɛn kɛ nyan y'ɔkɔ̀hɔ̀n ankà kɩ, kè sɩ̀ dù Zhezü Krisì ankà ke bru yɔ.

Filipɛ̀n anmàn-bɔ̀ 2:21 Cross References

Matie 16:24

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Ke dú kɛ ɔwrɔn ke ji kɛ và cɔ́ mɛ̀n hô, nɛ́n bɩ́ vru tro n'edomɛ̀n ankà, nɛ̀n shri n'ɛgbànkàn nɛ̀n bɩ, ô nɛ̀n kɛ́n mɛ̀n ɛsɛ̀n.

Lükɛ̀n 14:26

“Ɔwrɔn léyi kɛ vá m'eyri nɔn, ke ji le nɛ̀n cüɛn mɛ̀n kɛ̀ vrán nɛ́n zi, nɛ́n muan, nɛ́n muan-ẅì hɔ̀n wúcɔ̀ mán wúyɔ̀ mán nɛ́n mumù. Ke sɩ̀ dù ɔmu lɔ hô, nɛ́n sɩ̀ dú m'ɛsɛnkɛn-wrɔn rɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 13:13

Pɔlɛ̀n mán nɛ́n nyran hɔ̀n bɩ́ ɛhɛ̀ Pafɔsɛ̀n anmàn kɩ hɔ́n Perzhe anmàn, Panfili Kpɔsɔ wú. Zhan-Markɛ̀n teze yɔ nanvrɛn anmàn kɩ vru ɛmɛẅi hɔ́n Zherüzalɛmɛ̀n anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 15:38

tɛ́n Pɔlɛ̀n kè sɩ̀ shrìɛ, ɔmuhi Markɛ̀n teze yɔ Panfili kpɔsɔ wú, kɩ nɛ̀n sɩ̀ vrù hɔ̀n sɩ̀ yɔ y'ɔkɔ̀hɔ̀n hán lɔ mɛ̀n nɔn.

1 Korɛntɛ̀n anmàn-bɔ̀ 10:24

Ɔwrɔn zriɛmɛ́n ke bɩ́ ji nɛ́n dùku nɛ́n vɔ̀nshɛ́, tɛ́n nɛ̀n ji anwrɔn nyàntɛn hɔ̀n tɛn.

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

1 Korɛntɛ̀n anmàn-bɔ̀ 13:5

Ɔwrɔn léyi ẅɛn ɛcüɛ̀n nɔn, nɛ́n sɩ́ hán anvɛvrà-ci, nɛ̀n sɩ̀ ẅɛ̀n kɔtɛ̀, nɛ́n sɩ́ bɩ́ ɛmɛ̀nhyì kɩ nɛ́n sɩ́ wá ankà ɛmɛ̀ntɛ̀ mɛ̀n;

2 Korɛntɛ̀n anmàn-bɔ̀ 1:5

Annanwɔrɛ mɛ̀n lɔ, ɔmu zri léyi bɔ̀ dú Krisì gbànkàn lɔ mɛ̀n nɔn, ɔmu zri lɔ mán de bɔ́ cɔ́ ɛnbɔrɛ-bi-wá vri Krisi mɛ̀n nɔn.

Filipɛ̀n anmàn-bɔ̀ 2:4

Ɔwrɔn zriɛmɛ́n ke bɩ́ ji nɛ́n dùku nɛ́n vɔ̀nshɛ́, tɛ́n ɔwrɔn zrizri kè tro nɛ́n nyran hɔ̀n vɔ̀nshɛ́ ankà.

Anhyrɛmɛ̀n timote 1:15

Hán ɔmu le e nyrì nɔn, yɔ lɛ fɛn léyi yɔ dú Azi kpɔsɔ wú nɔn, yɔ teze mɛ̀n, y'ɛmɛ̀n lɔ, mɛ krɛ́ Fizhɛlɛ̀n mán Ɛrmozhɛnɛ̀n.

Anhyrɛmɛ̀n timote 3:2

Annànwɔrɛ mɛ̀n lɔ, anwrɔnẅì kɛ lɛ ẅɛn kɔ̀tɛ́, yɔ lɛ srɔ ɔkùa nɛ́n nyran anvrɛn hɔ̀n, yɔ lɛ dú ɔmùan-gbú-bɔ̀ mán tùtre-bɔ̀; yɔ lɛ wɔra Ɔwɔ kɩ yɔ lɛ kɛ́n yɔ zi mán yɔ muan hɔ̀n ezì, yɔ sɩ̀ nyri anvrɛn, kɩ yɔ sɩ̀ ẅɛn eci prɔnprɔn wá;

Anhyrɛmɛ̀n timote 4:10

Ɔmuhi Demasɛ̀n teze mɛ̀n, kɩ nɛ̀n zeze nɛ̀n ẅɛn ɛnhibù ndɔ lɔ ci hɔ̀n cüɛ̀n; nɛ́n hɔ́n Tɛsalonikɛ̀n anmàn. Krɛsàn hɔ́n Galasi kpɔsɔ wú kɩ Titɛ̀n tɛn hɔ́n Dalmasi kpɔsɔ wú.

Anhyrɛmɛ̀n timote 4:16

Ɔwrɔn zriɛmɛ́n kè sɩ̀ dú mɛ̀n ɛmɛẅi kpàkpà bì léyi mɛ dɔ́ ankà tán m'edomɛ̀n nɔn; yɔ lɛ fɛn, yɔ teze mɛ̀n. Ɔwɔ ke bɩ́ hán yɔ ɛgbàn hɩ wú lɔ!