Filipɛ̀n anmàn-bɔ̀ 2:2 - Ɛmɛẅi ankà ankrànkràn 2003

² Zɛtɛn, nyɛ́n hán mɛ̀n, mɛ̀n dú ɛnbɔrɛ-bruemɛ̀n kokroho ny'ɔmùan-krɔn mɛ̀n, ny'ɛcüɛ̀n-zri-ẅɛn mɛ̀n, nyɛ́n dú ɔbɔ̀sɔ mɛ̀n ɛnbɔrɛ mɛ̀n mán ankà-tro mɛ̀n.

Filipɛ̀n anmàn-bɔ̀ 2:2 Cross References

Zhan 3:29

Ɛnnyɔnwrɔn-nɛ́n-cüì lɔ, nɛ́n de eyri-hi lɔ dú nɛ tɛn nɔn; tɛ́n ɛnnyɔnwrɔn-nɛ́n-cüì nɛ́n nyran anvrɛn kɛ nyɔn nɛ̀n ɛtɛ̀sɛ̀n kɩ ke die nɛ̀n nukùɛ, kɩ ke dú pɔpüɛ̀-brá mɛ̀n ɛnvra léyi nɛ yá ɛnnyɔnwrɔn-nɛ́n-cüì sùva lɔ nɔn. Pɔpüɛ̀-brà ndɔ lɔ dú mɛ tɛn, kɩ zɛtɛ̀ lɔ nɛ̀n sá nmùɛn.

Ɔkɔ̀hɔ̀n-wá-bɔ̀ kɔ̀hɔ̀n hán 1:14

Yɔ lɔ fɛn yɔ borɛkru frɛfrɛ, yɔ sɛ́n Ɔwɔ, yɔ mán wúyɔ̀ hɔ̀n, mán Mari Zhezü nɛ́n muan mán Zhezü nɛ́n muan-ẅì hɔ̀n mɛhi.

Ɔkɔ̀hɔ̀n-wá-bɔ̀ kɔ̀hɔ̀n hán 2:1

Ɛnvra léyi Pantekɔtɛ̀n bì lɔ cɔ̀ nɔn, ankaẅì-bùtan-ẅɛn-bɔ̀ lɔ fɛn borɛkru ɛyri zri.

Ɔkɔ̀hɔ̀n-wá-bɔ̀ kɔ̀hɔ̀n hán 2:46

Ɛnbì lɔ fɛn, ɛnvra zri lɔ mɛ̀n, yɔ borɛkru Ɔwɔ-cice-wɔn lɔ mɛ̀n, yɔ zî ɛci ɛyri zri y'anwɔn hɔ̀n lɔ mɛ̀n, kɩ y'ɛci-zî lɔ ke dú pɔpüɛ mɛ̀n mán ɛnbɔrɛ cɛ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:12

Anvɛmɛ̀n-frɛ́n-ci bobrebe mán eci-woroan-ci hɔ̀n dú eci léyi ɔkɔ̀hɔ̀n-wá-bɔ̀ lɔ kɛ hán fɛcüè wanzi nɔn. Ankaẅì-bùtan-ẅɛn-bɔ̀ lɔ kɛ nyɔn ɛyri zri, ɔwɔn-bù-nan tɛ̀sɛ̀n, ɛyri léyi ye bi Salomɔn levri nɔn.

Rɔmɛ̀n-anmàn-bɔ̀ 12:16

Ny'ɛwúvà kè dú ɔmùan-krɔn mɛ̀n nyɛ́n mán nyɛ́n nyran hɔ̀n mɛhi. Nyɛ́n bɩ́ ji nmù-ci ɛvrivri hán, tɛ́n nyɛ́n cüɛn eci-hán léyi vɛ́n nyɛ̀n nɔn. Nyɛ́n bɩ́ bɩ́ ny'edomɛ̀n nyɛ́n hán ankà-nyri-bɔ̀.

1 Korɛntɛ̀n anmàn-bɔ̀ 1:10

Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

2 Korɛntɛ̀n anmàn-bɔ̀ 2:3

Nyàn eci le kruhú léyi mɛ̀n merɛ́n owrú hán ɔmu le mɛ̀n hán nɔn hɔ́: mɛ́n sɩ́ ji le mɛ vá ny'edúyri hô, anwrɔn dùku léyi kɛ lɛ tán mɛ̀n pɔpüɛ̀-brà nɔn, kɛ̀ hán mɛ̀n, mɛ̀n dú obòto mɛ̀n. Mɛ̀n nyri annanwɔrɛ mɛ̀n le: ɛnvra léyi me dú pɔ̀püɛ̀-bra mɛ̀n nɔn, nyɛ́n mán nyɛ́n dú ɛnbɔrɛbruemɛ̀n nyɛ lɛ fɛn.

2 Korɛntɛ̀n anmàn-bɔ̀ 7:7

Kɩ kè sɩ̀ dù n'ɛvà lɔ tɛ̀kɩ de kɛ̀ tán bɔ̀ ecüì ndɔ lɔ nɔn, tɛ́n vru dú ɔmu le nyɛ́n hán nyɛ́n tán nɛ́n dùku ɛnbɔrɛ-bi-wá nɔn. Nɛ́n dɔ́ bɔ̀ ɛkàn léyi nyɛ́n vru nye ji nyɛ́n kán mɛ̀n, ny'obòto ankà, ny'edùyì léyi nyɛ́n ẅɛn m'ankà-dɔ̀ tán ci-hán mɛ̀n nɔn yi ankà. Kɩ nyàn eci le kruhú léyi mɛ́n pɔpüɛ̀-brà vru dú evrisiemɛ̀n nɔn.

Filipɛ̀n anmàn-bɔ̀ 1:4

Ɛnvra hɔ̀n lɔ fɛn léyi mɛ sɛ́n tán nyɛ̀n nɔn, mɛ hán nɛ̀n pɔpüɛ̀ mɛ̀n,

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

Filipɛ̀n anmàn-bɔ̀ 2:20

Nɛ̀n dú ɔwrɔn zri léyi ke dú m'ɛci-hán hɔ̀n lɔ fɛn mɛ̀n, kɩ annanwɔrɛ mɛ̀n lɔ, kɛ ẅɛn ny'ankà-tro nɔn.

Filipɛ̀n anmàn-bɔ̀ 4:2

Evodi mán Sɛntishɛ̀n, mɛ sɛ́n nyɛ̀n, me wú bi nyɛ̀n, ɛwúvà mùan kɛ̀ krɔn nyɛ̀n, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 2:5

Hɩ mán, ke dú kɛ, mɛ̀n sɩ̀ dú nyɛ̀n ɛmɛ̀n antà-dùwrúemɛ̀n hô, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n, kɩ mɛ̀n dú ɛnbɔrɛ-bruemɛ̀n, hɩ le mɛ kán nyɛ̀n nyɛ nyɔn ɛshishiemɛ̀n ny'ankaẅì-bùtan-ẅɛ̀n Krisì mɛ̀n nɔn.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Anhyrɛmɛ̀n timote 1:4

V'anvɛshi ankà ke bru mɛ̀n kɩ mɛ ẅɛn esɛ́ bobrebe le, mɛ̀n vru mɛ̀n kán mɛ́n, ô pɔpüɛ̀ kɛ̀ yɩ́ mɛ̀n edomɛ̀n.

Filemɔn 1:20

Hɛ̀ɛ̀, ɔwrɔn-nɛ́n-muanẅì, mɛ sɛ́n mɛ́n, ɛ̀ tán mɛ̀n eci-sán ndɔ lɔ Ɛẅɛnwrɔn cüɛ̀n lɔ mɛ̀n: ɛ̀ bi ɛnbɔrɛ ɛ̀ wá mɛ̀n, Krisì mɛhi b'ɔbɔ̀sɔ̀ lɔ, n'ebɩ́mɛ̀n.

2 Zhan 1:4

Mɛ̀n dú ɛnbɔrɛ-bruemɛ̀n ɛnvra léyi mɛ́n cɔ̀ mɛ́n nyrì le v'ɛẅì hɔ̀n janbɔ̀ dú ɛwúvà annanwɔrɛ mɛ̀n hán ɔmu le Ɔwɔ Zi wá tán nɔn.

3 Zhan 1:4

Eci zriɛmɛ́n ke sɩ̀ tán mɛ̀n ɛnbɔrɛbru kɛ̀ vrán m'ɛẅì hɔ̀n wúvà léyi dú annanwɔrɛ ci-hán mɛ̀n nɔn.