Filipɛ̀n anmàn-bɔ̀ 2:15 - Ɛmɛẅi ankà ankrànkràn 2003

¹⁵ ô nyɛ́n dú ɛnyrɔnnanmɛ̀n mán ɛfifiemɛ̀n, nyɛ́n dú Ɔwɔ-ẅì hɔ̀n léyi ɛgbàn zriɛmɛ́n bàdà edomɛ̀n ɛnu ɛnhibù ndɔ lɔ wú, ɛyɔ̀n-bɔ̀ mán anwrɔn gbàngbàn hɔ̀n wanzi. Ke ji le nyɛ́n dú y'ɛmɛ̀n nyɛ́n gbrɛ́n kɛ̀ hán anhobɩ́ kùcànkrò hɔ́,

Filipɛ̀n anmàn-bɔ̀ 2:15 Cross References

Matie 10:16

“Nyɛ́n die nukùɛ! Mɛ wá nyɛ̀n ɔkɔ̀hɔ̀n, kɩ nyɛ́n dù nyɛ́n hán kɔ̀kɔ̀sɛ̀ hɔ̀n léyi dú ovú lɛ̀tù hɔ̀n wanzi nɔn hɔ́. Nyɛ́n wá ny'edomɛ̀n esùva kɛ̀ hán ɛnlɛ̀brì hɔ̀n hɔ́, nyɛ́n dù nyɛ́n hán brɛndre hɔ̀n hɔ́, ô nyɛ́n bɩ́ di ankà mɛ̀n ebɩ́.

Matie 17:17

Zhezü sɩ́ ɔmùan ɛwú kɛ dɔ̀ le: “Anwrɔn gbàngbàn, ankàẅì-bùtan woro bɔ̀ léyi dú nyɛ̀n nɔn! Ɛnvra ɛ̀bɛ de ke ji le mɛ̀n cɔ́ nyɛ̀n mɛhi bɔ̀ yɛ́ nɛ́n? Ɛnvra ɛ̀bɛ de ke ji le mɛ̀n shrì mɛ̀n bɩ́ nyɛ̀n nɛ́n? Nyɛ́n bɩ́ ɛnẅì lɔ nyɛ́n và sɩ́ mɛ̀n ɛnu lɔ.”

Matie 5:45

ô nyɛ́n srɔ nyɛ́n Zi léyi dú anhobɩ́ nɔn n'ɛẅì hɔ̀n. Ɔmuhi nɛ hán n'ɛnbri ke di ku anwrɔn gbàngbàn mán ankrànkràn ɛwú nɔn, nɛ hán ɛnshi kɛ nán ku angbàngbàn mán ankrànkràn ɛwú nɔn.

Matie 5:48

Nyɛ́n krɔn kpehɛ́n kɛ hán nyɛ́n Zi léyi dú anhobɩ́ nɔn hɔ́.”

Lükɛ̀n 1:6

Zakari mán nɛ́n hi dú ɛnyrɔnnanmɛ̀n Ɔwɔ Zìwú, kɩ yɛ wá Ɛẅɛnwrɔn nyanmàn lɔ fɛn esùva anvrɛnvrɛn.

Lükɛ̀n 6:35

Tɛ́n mɛ dɔ́ nyɛ̀n le, nyɛ́n cüɛ́n ny'egbri-bɔ̀, nyɛ́n hán yɔ anvrɛn, nyɛ́n vɛ́n eci, ô nyɛ́n bɩ́ vrá ɔwɔrɛ̀tan. Nyɛ lɛ cɔ́ anjakpà vri, kɩ nye le dú Ɔwɔ léyi dú anhobɩ́ nɔn, n'ɛẅì hɔ̀n, ɔmuhi nɛ cüɛ́n anwrɔn hɔ̀n léyi kè sɩ̀ nyrì anvrɛn mán anbɔrɛ-bɔ̀ nɔn.

Zhan 5:35

Zhan dù hán kɛniɛn léyi yɛ dɔ̀n hɩ kɛ kán ɛyri, kɩ nyɛ́n cüɛ̀n le, nyɛ́n brá pɔpüɛ̀ ɛnvra cá, n'ɛyri-kàn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 2:40

Piɛrɛ̀n vru dɔ́ yɔ ankà brobebe nyàntɛn hɔ̀n ô kɛ̀ tán yɔ ɛsɛ́ mán edùyì, kɩ nɛ dɔ̀ le: “Nyɛ́n shri ɛnkru-kɔrɛ̀ nyɛ́n bɩ, ô nyɛ́n bɩ́ dú kɛ hán ɛzrɛ́n-bɔ̀ ndɔ lɔ hɔ́!”

Ɔkɔ̀hɔ̀n-wá-bɔ̀ kɔ̀hɔ̀n hán 20:30

Kɩ nyɛ́n dùku ny'ɛmɛ̀n lɔ, anwrɔn ndɔ hɔ̀n ke le bukru kɛ dɔ́ ɛyɔ̀n ankà ô kɛ̀ hán ankaẅì-bùtan-ẅɛn-bɔ̀ kè dú yɔ ɛmɛẅi.

Rɔmɛ̀n-anmàn-bɔ̀ 16:19

Anwrɔnẅì lɔ fɛn nyri ny'Ɛẅɛnwrɔn wá. Mɛ brá pɔpüɛ̀ ny'ɛwú, tɛ́n mɛ cüɛ̀n le, nyɛ́n dú ankà-nyri-bɔ̀, ô nyɛ́n hán anvrɛn nyɛ́n dú ɛfifi, ô nyɛ́n yrá ɛgbàn.

1 Korɛntɛ̀n anmàn-bɔ̀ 1:8

Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra.

2 Korɛntɛ̀n anmàn-bɔ̀ 6:17

Hɩ le kruhú de, Ɛẅɛnwrɔn kɛ dɔ̀ le: “Ke ji le nyɛ́n teze yɔ, ô nyɛ́n cɔhɔ́ y'anwanzi. Nyɛ́n bɩ́ tɛ́ ɛnbrá mɛ̀n ci zriɛmɛ́n ɛkɔrɛ̀, kɩ mɛ̀n, me le bɩ́ nyɛ̀n.

Efɛzɛ̀n anmàn-bɔ̀ 5:27

nɛ̀n ji nɛ̀n bɩ́, nɛ́n dúku n'edòmɛ̀n fì lɔ nɛ̀n yé Ɔwɔ-fɛcüè, efi léyi ɛnbrá-ci mán eci-fɔ́n-ci zriɛmɛ́n bàda nɛ́n nmù sá lɔ mɛ̀n.

Filipɛ̀n anmàn-bɔ̀ 1:10

ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 3:6

kɩ mɛ̀n dú ankà-tro-zri-wrɔn ɛnyànmàn ci-hán mɛ̀n, kɩ mɛ hán Ɔwɔ-fɛcüè-bɔ̀ ɛgbàn. Eci léyi dú ɛwúvà nyrɔnnan-ci, hɩ ɛnyànmàn wá nɔn, mɛ̀n dú n'ɛẅɛnmɛ̀n ɛshishiemɛ̀n.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

Kpàkpà timote 3:10

Ke ji le yɛ wɔɛn yɔ yɛ nyan; zɛtɛn, ke dú kɛ ye sɩ̀ cɔ̀ eci gbàngbàn zriɛmɛ́n y'ɛwú, ɛkɔrɛ̀levri dù yɔ lɛ hán Ɔwɔ-fɛcüè ci-dɛ́-bɔ̀ kɔ̀hɔ̀n.

Kpàkpà timote 3:2

Ke ji le Ɔwɔ-fɛcüè-wrɔn cüìcüì kè dú ɛnyrɔnnanwrɔn anvrɛnvrɛn, ɛnnyɔnwrɔn zri nɛ́n cüì, nɛ́n bɩ́ dú ɛntàn-kɔ́n-wrɔn, nɛ̀n ẅɛn ɛnkruemɛ̀n mán ɛwá, nɛ̀n nyrì ẅɛn nɛ̀nnyànwrɔn, ô nɛ̀n nyrì yé eci;

Kpàkpà timote 5:14

Hɩ le kruhú de me ji le ɛngrɔn-wúyɔ̀ léyi dú sùgban wúyɔ̀ nɔn, kè vru kè yiri wúcɔ̀, yɔ bî ɛẅì, ô yɔ nyrì ẅɛn y'eyiri-bɩ́, ô yɔ bɩ́ tán bɔ́ ɛgbri-bɔ̀ ɛkɔrɛ̀levri kɛ dɔ́ ankà-gbàn ke kú bɔ̀ ɛwú.

Kpàkpà timote 5:20

Ke dú kɛ ɔwrɔn tɔ̀n kɛ hán eci-gbàngbàn tɔ̀n, ɛ dɔ́ nɛ̀n ankà anwrɔn mɛ̀n, ô anwrɔn ndɔ lɔ mán kɛ ẅɛn ɛnjansù.

Kpàkpà timote 5:7

Nyàn ankà léyi ke ji le è kore yɔ, ô ye bɩ́ cɔ́ eci-gbàngbàn zriɛmɛ́n y'ɔwú.

Titɛ̀n 1:6

Ɔwɔ-wrɔn cüìcüì dú ɔwrɔn léyi eci-hán gbàngbàn bàdà edomɛ̀n, ke ji le nɛ̀n yiri ɛnnyɔnwrɔn zri, ô n'ɛẅì hɔ̀n lɔ kɛ̀ ẅɛn ankàẅì-bùtan, ô ke bɩ́ hán eci gbàngbàn zriɛmɛ́n.

Titɛ̀n 2:10

ô yɔ yerɛ yɔ ɛci. Yɔ yé y'edomɛ̀n ɛnvra lɔ fɛn anwrɔn ankrankràn, yɔ di ɔmùan-zri, ô kè dú Ɔwɔ, bɔ́ Ebɩdie-wrɔn ankà-yé lɔ n'ezìwú gbà.

Titɛ̀n 2:15

Nyàn eci léyi ke ji le è yé, ô è bɩ́ v'ecüì kɔrɛ̀levri lɔ fɛn è yɩ́ vɛ́n nukù-die-bɔ̀ edù, kɛ wá tán hô, è di yɔ ebrè. E bɩ́ teze ɔwrɔn zriɛmɛ́n y'ɛmɛ̀n lɔ kɛ ẅɛn v'egbrì.

Ebre-bɔ̀ 7:26

Zhezü dú Ɔwɔ cice-wrɔn cüìcüì léyi ke ji le bɔ̀ ẅɛ̀n nɔn. Nɛ̀n dú prɔnprɔn, nɛ̀n sɩ̀ dù ɛnbramɛ̀n, ɛgbàn bàdá nɛ̀n edomɛ̀n; yɛ mrɛ́n nɛ̀n ɛgbàn-hán-bɔ̀ mɛ̀n yɛ sɔhɔ́ kɩ ye sɩ́ nɛ̀n anhobɩ́ ɛwúhɛ́n;

1 Piɛrɛ̀n 2:12

Nyɛ́n ẅɛn esunàn ankrankran anwrɔn hɔ̀n léyi kè sɩ̀ nyrì Ɔwɔ nɔn y'ɛtɛ̀sɛ̀n; ɔmu lɔ de, ke dú kɛ yɔ ẅɛn ɛyɔ̀n yɔ ku nyɛ̀n ɛwú, yɔ dɔ̀ le nyɛ́n dú eci-gbàngbàn hán-bɔ̀, ô ɔtrɔ mɛ̀n lɔ, yɔ le nyri ɛci ankrankran hɔ̀n léyi nyɛ́n hán nɔn, kɩ yɔ lɛ mrɛ́n Ɔwɔ, ɛnbì léyi dú n'ɛvá bì nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.

Ɔwɔ-mɛ̀n-yrikàn 2:5

E nyri ɛyri léyi e dù è bore nɔn, n'ɛwú ciemɛ̀n! Yi ankà kè bru mɛ̀n, ɛ̀ crɔn v'eci-hán-ci, ô ɛ̀ hán eci kɛ̀ hán ɛnkrubɔmɛ̀n hɔ́. Ke dú kɛ e sɩ́ ji ɛ̀ crɔn, mɛ lɛ và cɔ́ mɛ́n, kɩ me le bɩ́ vɛ́n kɛ̀niɛn lɔ mɛ̀n sɔhɔ́ n'ɛhɛ́n-yriɛ.

Ɔwɔ-mɛ̀n-yrikàn 3:9

Nyàn eci léyi mɛ lɛ hán Anwa-wrɔn fɛcüè-bɔ̀ cüìcüì, anhyɔ̀n-bɔ̀ ndɔ hɔ̀n léyi ke bú y'edomɛ̀n kɛ hán Zhüifɛ̀n-bɔ̀, tɛ́n yɔ sɩ̀ dù Zhüifɛ̀n-bɔ̀: mɛ lɛ ẅɛn yɔ kèkrèmɛ̀n yɔ lɛ và shɛ́n mɛ́n annankru zìwú, ô yɔ mrɛ́n mɛ́n. Yɔ le nyri ɔmu le mɛ cüɛn mɛ́n.