Filipɛ̀n anmàn-bɔ̀ 2:14 - Ɛmɛẅi ankà ankrànkràn 2003

¹⁴ Nyɛ́n hán eci lɔ fɛn, anẅìɛ-vrá mán ecüì-wrɔn ke bɩ́ dú ɛmɛ̀n,

Filipɛ̀n anmàn-bɔ̀ 2:14 Cross References

Matie 20:11

Ɛnvra léyi yɔ cɔ́ ɔkùa lɔ nɔn, yɔ dɔ́ ankà gbàngbàn tán ɛkɛ̀tɛ̀-nɛ́n-zi lɔ,

Markɛ̀n 14:5

Ɛnshi-bán ndɔ lɔ yɛ lɛ hɛ́ nɛ̀n koprɛ̀ ɛkoẅi-ɛvà-ɛnrì, ô ye bɩ́ n'ɔkùa lɔ yɛ tán ɛmian-bɔ̀!” Kɩ yɔ lɔ fɛn yɛ dɔ́ ankà gbàngbàn ku ɛnnyɔnwrɔn lɔ ɛwú.

Markɛ̀n 9:14

Ɛnvra léyi yɔ cɔ́ ɛsɛ̀nkɛn-bɔ̀ ndɔ hɔ̀n lɔ ɛtɛ̀sɛ̀n nɔn, yɔ kán fɛcüè vri tɔ̀n gbrɛnkɛn yɔ ɔmùan kɩ ɛnyànmàn-gbànvri-ankà-yé-bɔ̀ mɛhi yɔ wrɔ́n ecüì.

Lükɛ̀n 5:30

Ɔwɔ-nynanmàn-sùva-wá-bɔ̀ mán ɛnyanmàn-gbànvri-ankà-yé-bɔ̀ léyi dú yɔ ɛmɛ̀n nɔn, ke sɩ́ cüɛn eci ndɔ lɔ kɩ kɛ dɔ́ Zhezü sɛnkɛn-bɔ̀ le: “Cɛci kruhú kɛ anmàn-wɔɛ̀n-yrɛ-bɔ̀ mán anwrɔn hɔ̀n léyi yɛ krɛ́, ɛci-gbangbàn-hán-bɔ̀ nɔn, mɛhi nye zî ɛci kɩ nye mi ɛnshi ɛyri zriɛ?”

Ɔkɔ̀hɔ̀n-wá-bɔ̀ kɔ̀hɔ̀n hán 15:2

Pɔlɛ̀n mán Barnabasɛ̀n mɛhi kè sɩ̀ shrìɛ kè bɩ̀ ankà ndɔ lɔ kɩ ɛcüìwrɔn vri tɔ̀n bru yɔ angranmɛ̀n ankà ndɔ lɔ kruhú. Zɛtɛn yɛ wá le Pɔlɛ̀n, Barnabasɛ̀n mán Antiɔshɛ̀n anmàn-bɔ̀ jan kɛ lɛ hɔ́n Zherüzalɛmɛ̀n anmàn, ô yɔ cɔ́ ɔkɔ̀hɔ̀n-wá-bɔ̀ mán ɛcüìcüì-bɔ̀ yɔ dɔ́ ankà ndɔ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 15:39

Yɔ ẅɛn ecüìwrɔn vri tɔ̀n, hán tán kɩ yɔ gbɛ́ angranmɛ̀n ɔmùan. Barnabasɛ̀n bɩ́ Markɛ̀n, kɩ yɔ bɩ́ ɛhɛ̀ yɔ hɔ́n Shiprɛ̀n hi wú,

Ɔkɔ̀hɔ̀n-wá-bɔ̀ kɔ̀hɔ̀n hán 15:7

Ɛnvra léyi yɔ wrɔ́n ecüì sheshe trɔ nɔn, Piɛrɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n nyri ɔmu le ɛnvra sheshemɛ̀n de ny'ɛmɛ̀n lɔ, Ɔwɔ mrɛ́n mɛ̀n bɩ, ô mɛ̀n dɔ́ anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, ô yɔ cɔ̀ yɔ yá, ô yɔ ẅɛn ankaẅì-bùtan.

Ɔkɔ̀hɔ̀n-wá-bɔ̀ kɔ̀hɔ̀n hán 6:1

Zɛtɛn hɩ vra lɔ mɛ̀n, ɛsɛ̀nkɛn-bɔ̀ bukru kɛ cüɛn, ankaẅì-bùtan-ẅɛn-bɔ̀ léyi dú grɛkɛ̀n-bɔ̀ nɔn, ke bɩ́ ɛmɛ̀nhyì ku anwrɔn hɔ̀n léyi kɛ vra ebre nɔn ɛwú: yɔ dɔ̀ le ɔngrɔn-wúyɔ hɔ̀n léyi dú grɛkɛ̀n-bɔ̀ fɛcüè lɔ mɛ̀n nɔn, ye sɩ́ wá yɔ esùva ɛnvra léyi, ɛnbɩ̀ lɔ fɛn, yɛ dɛ́ ɛci-zî-ci nɔn.

Rɔmɛ̀n-anmàn-bɔ̀ 12:18

Ke dú kɛ kɛ lɛ krɔn tɛ̀, kɩ ndɔ lɔ kɛ crɛnyan nyɛ́n kɩ, nyɛ́n dú anwɔwɔ mɛ̀n nyɛ́n mán anwrɔnẅì lɔ fɛn mɛhi.

Rɔmɛ̀n-anmàn-bɔ̀ 14:1

Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì.

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

1 Korɛntɛ̀n anmàn-bɔ̀ 10:10

Kɩ ɔtrɔmɛ̀n lɔ, nyɛ́n bɩ́ ẅɛn ɛmɛ̀nhyì-bòtò hán ɔmu le y'ɛmɛ̀n lɔ anwrɔn janbɔ̀ hán kɩ owù-Wɔ-kùyüre-wrɔn vá wri yɔ lɛ fɛn nɔn.

2 Korɛntɛ̀n anmàn-bɔ̀ 12:20

Mɛ ẅɛn anjansù le, ɛnvra léyi me le bru ny'edúyri nɔn, mɛ́n sɩ̀ cɔ́ nyɛ̀n kɛ hán ɔmu le me ji nɔn, kɩ nyɛ́n mán nyɛ́n sɩ̀ cɔ́ mɛ̀n kɛ hán ɔmu le nye ji nɔn. Mɛ ẅɛn ɛnjansù le ɛdrɛ̀ hɔ̀n mán ecüì-hi-kɔ̀n, ɛmɛ̀nhyì mán annankran hɔ̀n, ɔwora hɔ̀n mán ɛyɔ̀n ankà-dɔ̀ hɔ̀n, tùtre mán ɛgbàzhrà ke le dú nyɛ̀n ɛmɛ̀n.

Galasi anmàn-bɔ̀ 5:15

Tɛ́n ke dú kɛ nyɛ hán eci kɛ hán ovú nɔ̀n hɔ́ hô, nyɛ krá ny'edomɛ̀n ɛnyî, kɩ nye wri ny'edomɛ̀n, nyɛ rá ny'edomɛ̀n, zɛtɛn nyɛ́n wá esùva: nyɛ lɛ trɔ ny'edomɛ̀n jrɛ́.

Galasi anmàn-bɔ̀ 5:26

Bɔ́ bɩ́ ẅɛn ɛgbugbu, bɔ́ bɩ́ hán ɔmùan-gbú-ci, bɔ́ nyran hɔ̀n ci ke bɩ́ cüɛn bɔ̀ ɛvɛ̀.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

1 Tesalonikɛ̀n anmàn-bɔ̀ 5:13

Nyɛ́n yé yɔ ɛcüɛ̀n bobrebe, ɔkɔ̀hɔ̀n léyi yɔ hán nɔn hɩ kruhú. Yɔ mɛhi nyɛ́n dú anwɔwɔ mɛ̀n.

1 Tesalonikɛ̀n anmàn-bɔ̀ 5:15

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

Ebre-bɔ̀ 12:14

Nyɛ́n hán kèkrèmɛ̀n, ô nyɛ́n mán anwrɔn hɔ̀n lɔ fɛn mɛhi nyɛ́n dú anwɔwɔ mɛ̀n, ô nyɛ́n ẅɛn ɛwúvà prɔnprɔn; ɔmuhi, kè sɩ̀ dù ɔmu lɔ hô, ɔwrɔn zriɛmɛ́n ny'ɛmɛ̀n lɔ ke sɩ̀ kán Ɛẅɛnwrɔn lɔ rɔ́.

Zhakɛ̀n 1:20

ɔmuhi ɛmɛ̀nhyì-bɩ́-wrɔn lɔ, nɛ́n sɩ́ hán eci kɛ nyrɔn Ɔwɔ zìwú nɔn.

Zhakɛ̀n 3:14

Tɛ́n, ke dú kɛ nyɛ́n ẅɛn ecüìhi-kɔ̀n drɔ ny'ɛnbɔrɛ lɔ mɛ̀n, mán ecüìwrɔn hɛ́n, nyɛ́n bɩ́ mrɛ́n ny'edomɛ̀n, ô nyɛ́n ẅɛn ɔyɔ̀n nyɛ́n ku annanwɔrɛ wú.

Zhakɛ̀n 5:9

Anwrɔn-nɛ́n-muan-ẅì hɔ̀n, nyɛ́n bɩ́ bɩ́ ny'edomɛ̀n ɛmɛ̀nhyì, ke dú ɔmu lɔ hô, Ɔwɔ ke le ci nyɛ̀n ɛmrɛ̀n. Ɛmrɛ̀n-ci-wrɔn bá ɛtɛ̀sɛ̀n, nɛ́n krɔn pkehɛ́n, ô nɛ̀n bru anwɔn mɛ̀n!

1 Piɛrɛ̀n 3:11

Ke ji le nɛ̀n crɛ ejüi nɛ̀n sɔ́n ɛgbàn, nɛ̀n hán anvrɛn, ô nɛ̀n ji anwɔwɔ esɛ́ mɛ̀n.

1 Piɛrɛ̀n 4:9

Nyɛ́n nyrì ẅɛn ny'edomɛ̀n nɛ̀nnyànbɔ̀, ezì-mù ke bɩ́ dú ɛmɛ̀n.

Zhüdɛ̀n 1:16

Anwrɔn ndɔ hɔ̀n lɔ dú ezì mú mɛ̀n ɛnvra lɔ fɛn kɩ yɔ boto y'edomɛ̀n; yɔ kɛ́n yɔ dùku y'ankàtro hɔ̀n ci-hán ɛsɛ̀n; yɔ dɔ́ tùtre ankà kɩ yɔ frɛ́n anwrɔn ɛ̀merɛ́n mɛ̀n.