Filipɛ̀n anmàn-bɔ̀ 2:13 - Ɛmɛẅi ankà ankrànkràn 2003

¹³ ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Filipɛ̀n anmàn-bɔ̀ 2:13 Cross References

Lükɛ̀n 12:32

“Ɛnjansù ke bɩ́ ẅɛn nyɛ̀n kɔ̀kɔ̀sɛ̀-kà cɛ! Ɔmuhi nyɛ́n Zi cüɛ̀n nɔn, de tán nyɛ̀n Anhobɩ́ Nɛ̀ncüì-dúyri nɔn.

Lükɛ̀n 2:14

“Eci-zrɔ dú ɛwú anhobɩ́ Wɔ tɛn, kɩ n'anwɔwɔ dú ɛnu ɛnhi anwrɔn hɔ̀n léyi nɛ cüɛ̀n nɔn tɛn!”

Zhan 3:27

Zhan mrɛ́n yɔ ɔmùan le: “Ɔwrɔn zriɛmɛ́n ke sɩ̀ ẅɛn ɛci zriɛmɛ́n rɔ́, ke dú kɛ Ɔwɔ kè sì tán nɛ̀n.

Zhan 6:45

Ɔwɔ-mùanwú-ankà-dɔ́-bɔ̀ merɛ́n ankà ndɔ lɔ: ‘Yɔ lɔ fɛn Ɔwɔ kɛ lɛ tán yɔ ɛnkruemɛ̀n-ẅɛ̀n’. Ɔwrɔn totɔtɔ̀n léyi ke die Dade nukùɛ hɩ kɛ cɔ́ n'ankà-yé lɔ nɔn, kɛ vá m'eyri.

Zhan 6:65

Zhezü kɛ dɔ̀ le: “Nyàn eci le kruhú léyi mɛ̀n dɔ́ nyɛ̀n le ɔwrɔn zriɛmɛ́n ke sɩ̀ vá m'eyri ke dú kɛ Ɔwɔ kè sɩ̀ tán nɛ̀n ɛkɔrɛ̀-levri.”

Ɔkɔ̀hɔ̀n-wá-bɔ̀ kɔ̀hɔ̀n hán 11:21

Ɛẅɛnwrɔn kɔrɛ̀-srɔn dú yɔ ɛmɛ̀n kɩ anwrɔn bobrebe bú Ɛẅɛnwrɔn ankà tán ankaẅì, kɩ yɔ crɔn ɛnkru.

Rɔmɛ̀n-anmàn-bɔ̀ 12:3

Ecice-ci léyi Ɔwɔ tán mɛ̀n n'ɛcüɛ̀n lɔ mɛ̀n nɔn, hɩ kruhú de mɛ dɔ́ tán nyɛ lɛ fɛn le: nyɛ́n bɩ́ ẅɛn ankà-tro ke sevri kɛ vrán nyɛ́n mumù. Tɛ́n nyɛ́n ẅɛn ankà-tro hɔ̀n léyi vɛ́n nyɛ̀n, ɔwrɔnwrɔn n'ankaẅì-bùtan léyi Ɔwɔ tán nɛ̀n nɔn hɩ wú.

Rɔmɛ̀n-anmàn-bɔ̀ 9:11

Tɛ́n Ɔwɔ ẅɛn n'ankɔndá ci-hán ɛnvra léyi nɛ mrɛ́n anwrɔn ne bɩ: n'eci-mrɛ́n-bɩ lɔ, kɛ crɛnyan ɔmu le nɛ hán ne bi yɔ nɔn, kɩ kè sɩ̀ dù y'eci-hán-mɛ̀n. Ô nɛ̀n yé le ne di ɔmùan zri n'ɔmùan-wá ci-hán lɔ mɛ̀n nɔn, zɛtɛn Ɔwɔ dɔ́ Rebeka ankà kɩ hɩ vra lɔ mán, Rebeka kɛ vá bî n'ɛẅì hɔ̀n lɔ, kɩ yɔ vá hán anvrɛn mán ɛgbàn: kɩ nɛ̀n dɔ́ yi le: “V'ɛnẅì cüìcüì lɔ, ke le dú ɛcɛ lɔ, n'eci-bɩtan-wrɔn.”

Rɔmɛ̀n-anmàn-bɔ̀ 9:16

Ndɔ lɔ ke sɩ́ crɛnyan ɔwrɔnẅì ci léyi ke ji nɔn mán n'edùyì-ci-hán, tɛ́n kɛ crɛnyan Ɔwɔ zri leyi ẅɛn ɛnhyɔ̀bɔ̀-nyrì nɔn.

1 Korɛntɛ̀n anmàn-bɔ̀ 12:6

Ɔkɔ̀hɔ̀n-hán mɛ̀ntɛ mɛ̀ntɛ de ndù nɔn, tɛ́n Ɔwɔ zri lɔ de hán yɔ lɔ fɛn wá bɔ̀ ɛmɛ̀n nɔn.

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

2 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và;

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Efɛzɛ̀n anmàn-bɔ̀ 1:5

Ɔwɔ gɔ́ wá tán le nɛ lɛ srɔ bɔ̀ n'ɛẅì hɔ̀n Zhezü Krisì bɩmɛ̀n; n'ɛnhyɔ̀bɔ-nyrì lɔ mɛ̀n, nyàn eci léyi nɛ̀n ji nɔn.

Efɛzɛ̀n anmàn-bɔ̀ 1:9

nɛ̀n hán tán bɔ̀, bɔ́ nyri n'ankɔ́nda ankà-bán-ankà, léyi n'ɛnyhɔ̀bɔ̀-nyrì lɔ mɛ̀n, nɛ́n gɔ̀ wá tán le nɛ lɛ hán Krisì bɩ́mɛ̀n nɔn.

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,