Filipɛ̀n anmàn-bɔ̀ 2:10 - Ɛmɛẅi ankà ankrànkràn 2003

¹⁰ Nɛ̀n ji ɔmu le, ɛnvra léyi yɛ lɛ mrɛ́n Zhezü bɩ lɔ nɔn, ɛci hɔ̀n lɔ fɛn léyi dú ɔkɔrɛ mɛ̀n, anhobɩ́, ɛnhi mán ɛnhibɩ́ nɔn, kɛ̀ shran annankruemɛ̀n,

Filipɛ̀n anmàn-bɔ̀ 2:10 Cross References

Matie 12:40

Ɔmuhi, ɔmu zri léyi Zhonasɛ̀n di ɛbi anhɔ̀n, ɛnnyran mán ɛcɛ̀n, ɛcàn vri lɔ mɛ̀ntɛ̀ mɛ̀n nɔn, ɔmu zri lɔ de ɔwrɔnẅì Ẅì ke le di ɛbi anhɔ̀n, ɛnnyran mán ɛcɛ̀n ɛnhibɩ́ nɔn.

Matie 27:29

Zɛtɛn yɔ dú ɛwí-kru-sɔ́n-ci yɔ wá nɛ̀n ɛnkru kɩ yɔ bɩ́ ɛfi-sè yɔ wá nɛ̀n ezì-kɔrɛ̀ màn mɛ̀n. Yɔ shɛ́n nɛ̀n annankru ezìwú kɩ yɔ hán nɛ̀n ɛnhyürɛ̀ yɔ dɔ̀ le: “Zhüifɛ̀n-bɔ̀ nɛ̀ncüì bɔ́ bi mɛ́n nyan!”

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Rɔmɛ̀n-anmàn-bɔ̀ 11:4

Tɛ́n ɔmùan tán de Ɔwɔ mrɛ́n nɛ̀n nɛ́n? “Anwrɔn tɛ̀bru kru ɔbɔ̀ɛn de mɛ́n bɩ mɛ̀n srɔ mɛ tɛn, yɔ léyi yɔ sɩ̀ shràn annankruemɛ̀n Baalɛ̀n wɔ zìwú nɔn.”

Efɛzɛ̀n anmàn-bɔ̀ 1:10

Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Efɛzɛ̀n anmàn-bɔ̀ 3:14

Hɩ le kruhú de mɛ shɛ́n annankruemɛ̀n Ɔwɔ Zi zìwú,

Efɛzɛ̀n anmàn-bɔ̀ 4:9

Zɛtɛn “Nɛ́n kà nɛ̀n hɔ́n ɛwú” hɩ mɛ̀n kɛ dɔ̀ le anwɔntan? Ndɔ lɔ ke yé tán le nɛ́n kàkɛ ɛnhibɩ́ ɛnvrɛ̀n mɛ̀n.

Ebre-bɔ̀ 1:6

Tɛ́n ɛnvra léyi Ɔwɔ kɛ lɛ wá nɛ́n kpàkpà bî-Ẅì ɔkɔ̀hɔ̀n ɛnhibù wú nɔn, nɛ́n dɔ̀ le: “Ke ji le Ɔwɔ kùyüre-bɔ̀ lɔ fɛn kè cüe nɛ̀n ankɔrɛ̀ ezìwúɛ.”

Ɔwɔ-mɛ̀n-yrikàn 20:13

Ecüe tán owú-bɔ̀ hɔ̀n léyi nɛ́n bɩ nɔn. Owù mán owú-bɔ̀-hibù, yɔ mán yɔ tán y'owú-bɔ̀. Kɩ yɔ lɛ fɛn ye ci yɔ ɛmrɛ̀n eci léyi yɔ hán nɔn hɩ wú.

Ɔwɔ-mɛ̀n-yrikàn 4:10

ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le:

Ɔwɔ-mɛ̀n-yrikàn 5:3

Tɛ́n ɔwrɔn zriɛmɛ́n bàdà, anhobɩ́ mán, ɛnhi mán, ɛnhibɩ́ anhɛ̀ mán, hɩ ká vuru owrú lɔ tɛ̀, ô kɛ̀ nyan nɛ̀n ɛmɛ̀n nɔn.