Filipɛ̀n anmàn-bɔ̀ 1:8 - Ɛmɛẅi ankà ankrànkràn 2003

⁸ Ankà ndɔ lɔ wú lɔ, Ɔwɔ dú mɛ́n dalɛfuɛ-di-wrɔn: mɛ cüɛn nyɛ lɛ fɛn Zhezü Krisì cüɛ̀n vri lɔ mɛ̀n.

Filipɛ̀n anmàn-bɔ̀ 1:8 Cross References

Lükɛ̀n 1:78

B'Ɔwɔ lɔ dú ɛnbɔrɛ-wɔ̀ Wɔ, mán ɛcüɛ̀n Wɔ: nɛ lɛ hán ɛyri-kàn tɔ̀n ke le dú ɛwú kɛ lɛ gbrɛ́n ku bɔ̀ ɛwú, ke le dù kɛ lɛ cá ɛsɔrɔ bri yri-kàn hɔ́,

Rɔmɛ̀n-anmàn-bɔ̀ 1:9

Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà

Rɔmɛ̀n-anmàn-bɔ̀ 9:1

Ankà léyi mɛ vá ɛ dɔ́ yri nɔn dú ankà annanwɔrɛ; mɛ́n sɩ́ ẅɛn ɔyɔ̀n, ɔmuhi mɛ̀n dú Krisì tɛn nɔn; m'ɛnbɔrɛ léyi Ɛnhɛ́n Prɔnprɔn kɛ nyrɔn nɔn ke yé le mɛ dɔ́ ankà annanwɔrɛ:

2 Korɛntɛ̀n anmàn-bɔ̀ 13:9

Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n.

2 Korɛntɛ̀n anmàn-bɔ̀ 6:12

Bɔ́ sɩ̀ krɔ nyɛ̀n bɔ́ ɛcüɛn-bɔrɛ lɔ, tɛ́n nyɛ́n de nyɛ́n sɛ́n ny'ɛnbɔrɛ lɔ esù nɔn.

2 Korɛntɛ̀n anmàn-bɔ̀ 7:15

Kɩ ɔmu lɔ, ɛcüɛ̀n léyi nɛ̀n ẅɛn ny'ɛwú vru sevri, ɛnvra léyi ke bru nɛ̀n le, nyɛ lɛ fɛn nyɛ́n ẅɛn n'ɔwá mán ɔmu le nyɛ́n hán nyɛ́n bɩ́ nɛ̀n edòmɛ̀n ɛnhisɩemɛ̀n, mán ɔwá mɛ̀n mɛhi.

Galasi anmàn-bɔ̀ 1:20

Owrú ndɔ léyi me merɛ́n nyɛ̀n nɔn, dú annanwɔrɛ; Ɔwɔ zìwú lɔ mɛ wá kpankpan le mɛ́n sɩ́ ẅɛn ɛyɔ̀n.

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 4:19

M'ɛẅì hɔ̀n, mɛ̀n vru me di ejüe ny'ɛkruhú hán ɛnnyɔnwrɔn tɔ̀n léyi ke bî ɛnẅì nɔn, hàn kɩ nyɛ́n nyri kpete mɛ̀n le Krisì dú nyɛ̀n ɛmɛ̀n.

Filipɛ̀n anmàn-bɔ̀ 2:1

Ny'ɔbɔ̀sɔ̀ nyɛ́n mán Krisì mɛhi kɛ tán nyɛ̀n edùyì hɛ̀? N'ɛcüɛ̀n kɛ vá sɩ́ nyɛ̀n ɛnbɔrɛ-bi-wá? Nyɛ́n mán Ɛnhɛ́n Prɔnprɔn mɛhi nyɛ́n dú ɔbɔ̀sɔmɛ̀n hàn? Nyɛ́n ẅɛn ɛcüɛ̀n mán ɛnbɔrɛ-wɔwɔ nyɛ tán ny'edomɛ̀n hàn?

Filipɛ̀n anmàn-bɔ̀ 2:26

Nɛ wá kpankpan nɛ̀n vru nɛ̀n và kán nyɛ lɛ fɛn, kɩ nɛ̀n dú ankàtro mɛ̀n, ɔmuhi nyɛ́n yá n'ɛnlɔẅiɛ mùan nɔn.

Filipɛ̀n anmàn-bɔ̀ 4:1

Anwrɔn-nɛ́n-muan-ẅì hɔ̀n anvrɛnvrɛn, mɛ wá kpankpan mɛ̀n vru mɛ̀n kán nyɛ̀n! Nyɛ́n dú mɛ́n pɔpüɛ̀ mán m'ɛnkru-sɔ́n-kɔ̀nka-ci! Zɛtɛ́n, annyran-anvrɛn hɔ̀n, nyàn ɔmu le ke ji le nyɛ́n nyɔn ɛnshishiemɛ̀n ny'ɛwúvà lɔ mɛ̀n, nyɛ́n mán Ɛẅɛnwrɔn mɛhi.

Kɔlɔsèn anmàn-bɔ̀ 2:1

Me ji mɛ̀n tán nyɛ̀n nyɛ́n nyri ɛgbànkàn shishi léyi mɛ kán ny'ɛwú, nyɛ́n mán Laodise anmàn-bɔ̀ mɛhi mán anwrɔn nyàntɛn hɔ̀n léyi kè sɩ̀ nyri mɛ̀n antà-dùwrú mɛ̀n nɔn.

Kɔlɔsèn anmàn-bɔ̀ 3:12

Nyɛ́n dú Ɔwɔ-fɛcüè mɛ̀n mɛ̀n-bɔ̀; Ɔwɔ mrɛ́n nyɛ̀n nbɩ kɩ nɛ cüɛn nyɛ̀n. Hɩ le kruhú de ke ji le ɛnbɔrɛ-wɔ̀, ɛcüɛn-bɔrɛ, edomɛ̀n-ɛnhi-sɩ́, anwɔwɔ mán ɛnbɔrɛ-ẅɛ̀n-hɛ́n kè dú ny'edòmɛ̀n-ẅɛn-ci.

1 Tesalonikɛ̀n anmàn-bɔ̀ 2:5

Nyɛ́n nyri anvrɛnvrɛn le, ɛnbì zriɛmɛ́n bɔ́ vá dɔ́ ɛfrɛ́n ankà; bɔ́ ankà-dɔ́ mɛ̀n lɔ, bɔ́ sɩ́ bán ɔkùa-cɔ́ ankà-dɔ̀, Ɔwɔ dú bɔ́ dalɛfuɛ-di-wrɔn.

1 Tesalonikɛ̀n anmàn-bɔ̀ 2:8

Bɔ̀ ẅɛn ny'ɛcüɛ̀n vri anvrɛnvrɛn kɩ bɔ̀ krɔn kpehɛ́n ô bɔ̀ dɔ́ nyɛ̀n Ɔwɔ Mɛẅi ankà Ankrànkràn lɔ, tɛ́n bɔ̀ vru bɔ̀ tán nyɛ̀n bɔ́ ɛwúvà mumù lɔ fɛn. Nyɛ́n srɔ bɔ́ edù-yɔ-ci!

Anhyrɛmɛ̀n timote 1:4

V'anvɛshi ankà ke bru mɛ̀n kɩ mɛ ẅɛn esɛ́ bobrebe le, mɛ̀n vru mɛ̀n kán mɛ́n, ô pɔpüɛ̀ kɛ̀ yɩ́ mɛ̀n edomɛ̀n.

Filemɔn 1:12

Me bɩ́ nɛ̀n me yüre mɛ́n, zɛtɛ̀ lɔ, nɛ́n léyi nɛ́n dù nɛ̀n hán m'ɛcá hɔ́ nɔn.

Filemɔn 1:20

Hɛ̀ɛ̀, ɔwrɔn-nɛ́n-muanẅì, mɛ sɛ́n mɛ́n, ɛ̀ tán mɛ̀n eci-sán ndɔ lɔ Ɛẅɛnwrɔn cüɛ̀n lɔ mɛ̀n: ɛ̀ bi ɛnbɔrɛ ɛ̀ wá mɛ̀n, Krisì mɛhi b'ɔbɔ̀sɔ̀ lɔ, n'ebɩ́mɛ̀n.

1 Zhan 3:17

Ke dú kɛ ɔwrɔn tɔ̀n léyi di ɛnnɛncüì kɛ kán nɛ́n muanẅì léyi dú ɛmian mɛ̀n nɔn, tɛ́n nɛ sɛ́n n'ɛnbɔrɛ lɔ esù, anhɔntán de nɛ lɛ hán nɛ̀n dɔ̀ le, nɛ̀n ẅɛn Ɔwɔ cüɛ̀n dú n'ɛnbɔrɛ lɔ mɛ̀n nɛ́n?