Filipɛ̀n anmàn-bɔ̀ 1:6 - Ɛmɛẅi ankà ankrànkràn 2003

⁶ Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Filipɛ̀n anmàn-bɔ̀ 1:6 Cross References

Zhan 6:29

Zhezü mrɛ́n yɔ ɔmùan le: “Eci-hán-ci léyi Ɔwɔ ke ji ny'ɛmɛ̀n nɔn, dú hɩ le ɔwrɔn léyi nɛ̀n wá ɔkɔhɔ̀n nɔn, nyɛ́n bú n'ankà nyɛ́n tán ankàẅì.”

Ɔkɔ̀hɔ̀n-wá-bɔ̀ kɔ̀hɔ̀n hán 11:18

Ɛnvra léyi yɔ yá ankà ndɔ hɔ̀n lɔ trɔ nɔn, yɔ sɩ́ y'edomɛ̀n ɛnhi kɩ yɔ mrɛ́n Ɔwɔ yɔ dɔ̀ le: “Dú annanwɔrɛ, Ɔwɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, mán ɛkɔrɛ̀levri kɛ̀ crɔn ɛnkru ô kɛ̀ cɔ́ ɛwúvà annanwɔrɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 16:14

Y'ɛmɛ̀n lɔ, ɛnnyɔnwrɔn tɔ̀n ye bi Lidi, nɛ̀n dú anhàn-zhrɛ-hi léyi dú Tiatirɛ̀n anmàn nvà, nɛ hɛ́ ebɩ́di càsa wɔnsɛn ankrankran, kɩ nɛ sɛ́n Ɔwɔ. Ne die bɔ̀ nukùɛ, kɩ Ɛẅɛnwrɔn tán nɛ̀n ankà-die nukù, ô nɛ̀n yá Pɔlɛ̀n ankà léyi kɛ dɔ̀ nɔn.

1 Korɛntɛ̀n anmàn-bɔ̀ 1:8

Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra.

2 Korɛntɛ̀n anmàn-bɔ̀ 1:15

Mɛ̀n ẅɛn esɛ́ ɔmu lɔ hɩ wú, kɩ mɛ̀n wá le mɛ lɛ gɔ̀ hɔ́n ny'edúyri, ô nyɛ́n cɔ́ anvrɛn-hán anhyrɛ̀.

2 Korɛntɛ̀n anmàn-bɔ̀ 2:3

Nyàn eci le kruhú léyi mɛ̀n merɛ́n owrú hán ɔmu le mɛ̀n hán nɔn hɔ́: mɛ́n sɩ́ ji le mɛ vá ny'edúyri hô, anwrɔn dùku léyi kɛ lɛ tán mɛ̀n pɔpüɛ̀-brà nɔn, kɛ̀ hán mɛ̀n, mɛ̀n dú obòto mɛ̀n. Mɛ̀n nyri annanwɔrɛ mɛ̀n le: ɛnvra léyi me dú pɔ̀püɛ̀-bra mɛ̀n nɔn, nyɛ́n mán nyɛ́n dú ɛnbɔrɛbruemɛ̀n nyɛ lɛ fɛn.

2 Korɛntɛ̀n anmàn-bɔ̀ 7:16

Mɛ̀n dú pɔ̀püɛ̀-brá mɛ̀n, ɔmuhi ɛnvra lɔ fɛn, mɛ̀n ẅɛn esɛ́ ny'ɛwú eci lɔ fɛn mɛ̀n nɔn.

2 Korɛntɛ̀n anmàn-bɔ̀ 9:4

Ɔtrɔ mɛ̀n lɔ, ke dú kɛ Maseduhanɛ̀n kpɔsɔ wú bɔ̀ mɛhi bɔ́ và kɩ kè sɩ̀ cɔ́ nyɛ̀n, nyɛ́n krɔ̀n kpehɛ́n, bɔ́ le dú anvɛvrà mɛ̀n ɔmuhi bɔ̀ ẅɛn esɛ́ ny'ɛwú, kɩ bɔ́ sɩ̀ dɔ́ ankà zriɛmɛ́n rɔ́ anvɛvrà ndɔ léyi ke le dú nyɛ tɛn nɔn kruhú!

Galasi anmàn-bɔ̀ 5:10

Tɛ́n, Ɛẅɛnwrɔn kɛ tán mɛ̀n esɛ́ eci léyi kɛ crɛ nyan nyɛ̀n nɔn hɩ wú: mɛ̀n nyri annanwɔrɛmɛ̀n le nyɛ́n mán nyɛ́n sɩ̀ ẅɛn ankà-tro vɛ́n nyantɛn ke dú kɛ kè sɩ̀ dù m'ankà-tro lɔ. Tɛ́n ɔwrɔn léyi kɛ wá nyɛ̀n gbɔ̀gbɔ̀ edomɛ̀n nɔn, eci totɔtɔ̀n léyi dú nɛ̀n nɔn, nɛ lɛ cɔ́ Ɔwɔ nwù-bɔ̀.

Efɛzɛ̀n anmàn-bɔ̀ 4:12

Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn.

Filipɛ̀n anmàn-bɔ̀ 1:10

ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 1:29

Ɔmuhi Ɔwɔ tán bɔ̀ ɛcüɛ̀n léyi kɛ srɔ bɔ̀ Krisì ci-bɩ̀tan-bɔ̀, kè sɩ̀ dù hɩ le bɔ́ bú n'ankà bɔ́ tán ankaẅì nɔn kɩ, tɛ́n hɩ le bɔ́ vru bɔ́ kán ɛgbàn n'ɛkruhú nɔn.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

Kɔlɔsèn anmàn-bɔ̀ 2:12

Annanwɔrɛ mɛ̀n lɔ, ɛnvra léyi yɛ wá nyɛ̀n ɛnshi ɛnkru, nyɛ́n mán Krisì mɛhi yɛ wá nyɛ̀n ezhe-nànmàn mɛ̀n, kɩ nyɛ́n mán nɛ́n mɛhi nyɛ́n dú owúemɛ̀n nyɛ́n frɔ́, ɔmuhi nyɛ́n bú Ɔwɔ kɔrɛ̀-srɔn léyi bɩ́ nɛ̀n sɩ́ ɔkɔrɛ-bɔ̀ mɛ̀n nɔn ankà nyɛ́n tán ankaẅì nɔn.

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

2 Tesalonikɛ̀n anmàn-bɔ̀ 3:4

Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.

Filemɔn 1:21

Mɛ̀n ẅɛn esɛ́ le, owrú léyi mɛ̀n merɛ́n mɛ́n nɔn, ɛ lɛ hán eci léyi mɛ sán mɛ́n nɔn; mɛ̀n nyri ɔmu le ɛ lɛ hán kɛ lɛ vrán ndɔ lɔ mán.

Ebre-bɔ̀ 10:35

Nyɛ́n bɩ́ teze ny'esɛ́ lɔ kɛ zrɛ́n hán: anjakpà vri ndù hɛ́n kɛ vrá nyɛ̀n.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

2 Piɛrɛ̀n 3:10

Tɛ́n Ɛẅɛnwrɔn bì lɔ kɛ lɛ và kɛ lɛ hán ɛci-yerɛ-wrɔn hɔ́. Hɩ vra lɔ anhobɩ́ kɛ lɛ vàcí ɛjɔ̀kɔ mɛ̀n mán ɛnjansù vriemɛ̀n, ɛnhyà kɛ lɛ jrɛ́ anhobɩ́ dùwru hɔ̀n lɔ, ɛnhi mán n'ɛci hɔ̀n lɔ fɛn léyi dú nɛ̀n ɛmɛ̀n nɔn, ke sɩ̀ vru dùɛ.