Filipɛ̀n anmàn-bɔ̀ 1:29 - Ɛmɛẅi ankà ankrànkràn 2003

²⁹ Ɔmuhi Ɔwɔ tán bɔ̀ ɛcüɛ̀n léyi kɛ srɔ bɔ̀ Krisì ci-bɩ̀tan-bɔ̀, kè sɩ̀ dù hɩ le bɔ́ bú n'ankà bɔ́ tán ankaẅì nɔn kɩ, tɛ́n hɩ le bɔ́ vru bɔ́ kán ɛgbàn n'ɛkruhú nɔn.

Filipɛ̀n anmàn-bɔ̀ 1:29 Cross References

Matie 16:17

Zɛtɛn Zhezü kɛ dɔ́ nɛ̀n le: “È dú ɛnbɔrɛbruemɛ̀n, Simɔn, Zhan ẅì, ɔmuhi kè sɩ̀ dù ɔwrɔnẅì de kɛ̀ wà mɛ́n ankà annànwɔrɛ ndɔ lɔ anmùan mɛ̀n nɔn, tɛ́n Dade léyi dú ɛwú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Rɔmɛ̀n-anmàn-bɔ̀ 5:3

Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n,

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Kɔlɔsèn anmàn-bɔ̀ 2:12

Annanwɔrɛ mɛ̀n lɔ, ɛnvra léyi yɛ wá nyɛ̀n ɛnshi ɛnkru, nyɛ́n mán Krisì mɛhi yɛ wá nyɛ̀n ezhe-nànmàn mɛ̀n, kɩ nyɛ́n mán nɛ́n mɛhi nyɛ́n dú owúemɛ̀n nyɛ́n frɔ́, ɔmuhi nyɛ́n bú Ɔwɔ kɔrɛ̀-srɔn léyi bɩ́ nɛ̀n sɩ́ ɔkɔrɛ-bɔ̀ mɛ̀n nɔn ankà nyɛ́n tán ankaẅì nɔn.

Zhakɛ̀n 1:2

Anwrɔn-nɛ́n-muan-ẅì hɔ̀n nyɛ́n dú ɛnbɔrɛ-bruemɛ̀n ɛnvra léyi ejüedì mɛ̀ntɛ mɛ̀ntɛ kɛ lɛ srɔ́n nyɛ̀n ɛsù nɔn;

1 Piɛrɛ̀n 4:13

Pɔpüɛ̀ kɛ̀ hɛ́ ezì kɛ̀ brá nyɛ̀n, ɔmuhi nyɛ́n cɔ́ Krisì gbànkàn lɔ nɔn, ô pɔpüɛ̀-brà vri ke vru ke yɩ́ ny'ɛnbɔrɛ hɔ̀n lɔ mɛ̀n, ɛnvra léyi ne le yé yɔ lɛ fɛn n'eci-zrɔ lɔ nɔn.