Filipɛ̀n anmàn-bɔ̀ 1:28 - Ɛmɛẅi ankà ankrànkràn 2003

²⁸ Nyɛ́n bɩ́ teze ny'edomɛ̀n nyɛ́n tán ny'egbri-bɔ̀ kɛ wá nyɛ̀n ɛnjansù eci zriɛmɛ́n mán mɛ̀n: ndɔ lɔ de ke le yé le, yɔ hɔ́n ɛzrɛ́n mɛ̀n, kɩ nyɛ tɛn nyɛ́n dú ɛnkrukɔrɛ̀ levri wú; kɩ ndɔ lɔ dú Ɔwɔ yri và.

Filipɛ̀n anmàn-bɔ̀ 1:28 Cross References

Matie 10:28

Nyɛ́n bɩ́ sú anwrɔn hɔ̀n léyi ke wri edùwrú, tɛ́n ke sɩ́ wri ɛnhɛ́n rɔ́a nɔn; tɛ́n nyɛ́n sú Ɔwɔ léyi ke le wri edùwrú mán ɛnhɛ́n tɛ̀, ɛnhyà léyi ke sɩ̀ zɛ́n hán nɔn mɛ̀n.

Markɛ̀n 3:3

Zhezü kɛ dɔ́ ɔwrɔn léyi ɛkɔrɛ̀ wù nɔn le: “Tɔhú nyɔn, ɛnu lɔ, anwrɔn lɔ fɛn zìwú.”

Lükɛ̀n 3:6

Kɩ anwrɔn lɔ fɛn kɛ lɛ kán ɛnkrukɔrɛ̀ léyi Ɔwɔ tán bɔ̀ nɔn.”

Zhan 16:8

Kɩ ɛnvra léyi nɛ lɛ và nɔn, nɛ lɛ hán tán ɛnhibù kè nyrì le, yɔ zɛ́n ɛgbàn-ankà wú, ɛnyrɔnnan-ankà wú mán Ɔwɔ mrɛ̀n-cì-ankà wú.

Ɔkɔ̀hɔ̀n-wá-bɔ̀ kɔ̀hɔ̀n hán 28:28

Pɔlɛ̀n vru kɛ dɔ́ yɔ le, zɛtɛn nyɛ́n nyrì le, Ɔwɔ yüre anwrɔn hɔ̀n léyi ke sì dù Zhüifɛ̀n-bɔ̀ nɔn, n'ɛnkrukɔrɛ̀ mɛẅi ankà, kɩ yɔ tɛn, yɔ lɛ die nɛ̀n nukùɛ!” [

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

1 Tesalonikɛ̀n anmàn-bɔ̀ 2:2

Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

Ebre-bɔ̀ 13:6

Hɩ le kruhú de bɔ́ lɛ dɔ́ esɛ́ mɛ̀n le: “Ɛẅɛnwrɔn dú ɔwrɔn léyi kɛ và kɛ̀ wá mɛ̀n ɛkɔrɛ̀ nɔn, eci ẅì zriɛmɛ́n ke sɩ̀ ẅɛn mɛ̀n ɛnjansù. Ecitan de anwrɔnẅì kɛ lɛ hán mɛ̀n tɛ̀ nɛ́n?”

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.