Filipɛ̀n anmàn-bɔ̀ 1:27 - Ɛmɛẅi ankà ankrànkràn 2003

²⁷ Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Filipɛ̀n anmàn-bɔ̀ 1:27 Cross References

Matie 12:25

Tɛ́n Zhezü nyri y'ankà-tro kɩ kɛ dɔ́ yɔ zɛtɛn le: “Ɛnhi wú nɛ̀ncüì anmàn totɔtɔ̀n léyi y'anmàn-bɔ̀, kɛ kɔ́n y'edomɛ̀n anhà nɔn, ɔtrɔmɛ̀n lɔ, yɔ jrɛ́ y'edomɛ̀n. Anmàn totɔtɔ̀n mán ɛmɛ̀n totɔtɔ̀n, léyi ecüìwrɔn ke dú yɔ ɛmɛ̀n nɔn, ɔmùan-krɔn ke sɩ̀ dú yɔ, yɔ yɛ́ rɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 2:46

Ɛnbì lɔ fɛn, ɛnvra zri lɔ mɛ̀n, yɔ borɛkru Ɔwɔ-cice-wɔn lɔ mɛ̀n, yɔ zî ɛci ɛyri zri y'anwɔn hɔ̀n lɔ mɛ̀n, kɩ y'ɛci-zî lɔ ke dú pɔpüɛ mɛ̀n mán ɛnbɔrɛ cɛ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 24:24

Ɛnvra jan vacì, Feliksɛ̀n mán nɛ́n hi Zhüifɛ̀n nyɔnwrɔn Drüsilɛ̀n nvà. Nɛ̀n wá y'ɔkɔ̀hɔ̀n ye bi Pɔlɛ̀n, kɩ ne die yi nukù ankà léyi nɛ dɔ́ Krisì ankaẅìbùtan ẅɛn mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:32

Ankaẅì-bùtan-ẅɛn-bɔ̀ kpɔsɔ lɔ dú ɔbɔ̀sɔ mɛ̀n anvrɛnvrɛn, y'ɛnbɔrɛ mɛ̀n mán yɔ wàwúyɛ mɛ̀n. Ɔwrɔn zriɛmɛ́n ke sɩ́ dɔ́ le, n'ɛci hɔ̀n lɔ dú nɛ́n zri n'ɛci, tɛ́n, y'ɛmɛ̀n lɔ, ɛci hɔ̀n lɔ fɛn léyi yɔ ẅɛ̀n nɔn, dú fɛcüè ci.

Rɔmɛ̀n-anmàn-bɔ̀ 1:16

Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 1:5

N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.

Rɔmɛ̀n-anmàn-bɔ̀ 1:9

Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà

Rɔmɛ̀n-anmàn-bɔ̀ 10:8

Zɛtɛn ankà tán yɛ dɔ̀a? Ankà ndɔ lɔ: “Ankà-dɔ̀ nyɔn mɛ́n ɛtɛ̀sɛ̀n, v'anmùan mɛ̀n mán v'ɛnbɔrɛ mɛ̀n.” Ankà-dɔ̀ ndɔ lɔ dú ankaẅì-bùtan mɛẅi ankà léyi bɔ́ dɔ̀ nɔn.

Rɔmɛ̀n-anmàn-bɔ̀ 15:16

ô mɛ̀n dú Zhezü Krisì ci-bɩ̀tan-wrɔn kè dú fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn tɛn. Mɛ hán eci-bɩ̀tan kɔ̀hɔ̀n prɔnprɔn m'Ɔwɔ mɛẅi ankà ankrànkràn dɔ́ mɛ̀n, ô fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn, kɛ srɔ ecice-ci léyi kɛ cüɛn Ɔwɔ ɛvɛ̀, ô kè dú eci léyi vɛ́n nɛ̀n, Ɛnhɛ́n Prɔnprɔn mɛ̀n nɔn.

Rɔmɛ̀n-anmàn-bɔ̀ 15:29

Kɩ mɛ̀n nyri ɔmu le, ɛnvra léyi mɛ lɛ cɔ́ ny'anmàn nɔn, mɛ lɛ vá Krisì shifúemɛ̀n.

1 Korɛntɛ̀n anmàn-bɔ̀ 1:10

Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 9:13

Vɔ̀nshɛ́ ci-bɩ̀tan kɔ̀hɔ̀n ndɔ lɔ, kɛ lɛ tán anwrɔn bobrebe Ɔwɔ ci-zrɔ kè dú ɔwá léyi nye di nɛ́n dalɛfuɛ ny'ɔmùan-zri-diemɛ̀n Krisì Mɛẅi ankà Ankrankran lɔ wú; yɔ lɛ vru yɔ zrɔ nɛ̀n eci kè dú ny'ɛkɔrɛ̀-wá léyi kɛ tán nyɛ̀n ny'anvrɛn-ci dɛ̀, nyɛ́n mán anwrɔn ndɔ hɔ̀n mɛhi.

Galasi anmàn-bɔ̀ 1:7

Annanwɔrɛ mɛ̀n lɔ, ɛnyàntɛn zriɛmɛ́n bàdà; anwrɔn kɩ dù kɛ frɛ́n nyɛ̀n ɛnkruemɛ̀n, kɩ ke ji kɛ̀ crɔn Krisì Mɛẅi ankà Ankrankran lɔ.

Efɛzɛ̀n anmàn-bɔ̀ 1:13

Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Filipɛ̀n anmàn-bɔ̀ 1:5

ɛkɔrɛ̀-wá léyi mɛ̀n cɔ́ ny'eyri Ɛmɛẅi ankà Ankrankran lɔ n'ɛdɔ́ mɛ̀n, bukru kpàkpà bì lɔ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Filipɛ̀n anmàn-bɔ̀ 2:24

kɩ, mɛ̀n vru mɛ̀n ẅɛn esɛ́ léyi dú Ɛẅɛnwrɔn mɛ̀n nɔn le, mɛ́n dùku mɛ lɛ hɔ̀n mɛ̀n nyan nyɛ̀n ɛnvra bruemɛ̀n.

Filipɛ̀n anmàn-bɔ̀ 3:18

Mɛ́n gɔ̀ dɔ́ nyɛ̀n ankà ndɔ lɔ ɛnvra zrizri kɩ mɛ̀n vru mɛ dɔ́ nyɛ̀n ankà zri lɔ eyuwúemɛ̀n: anwrɔn bobrebe de kɛ nán egbri sù kɛ tán Krisì gban-hán-tɛ̀ lɔ nɔn.

Filipɛ̀n anmàn-bɔ̀ 3:20

Tɛ́n bɔ́ tɛn, bɔ̀ dú anhobɩ́-bɔ̀, nanvrɛn lɔ de bɔ́ vrá, bɔ́ Ebɩ̀die-wrɔn, Ɛẅɛnwrɔn Zhezü Krisì kè dù kɛ̀ và nɔn.

Filipɛ̀n anmàn-bɔ̀ 4:1

Anwrɔn-nɛ́n-muan-ẅì hɔ̀n anvrɛnvrɛn, mɛ wá kpankpan mɛ̀n vru mɛ̀n kán nyɛ̀n! Nyɛ́n dú mɛ́n pɔpüɛ̀ mán m'ɛnkru-sɔ́n-kɔ̀nka-ci! Zɛtɛ́n, annyran-anvrɛn hɔ̀n, nyàn ɔmu le ke ji le nyɛ́n nyɔn ɛnshishiemɛ̀n ny'ɛwúvà lɔ mɛ̀n, nyɛ́n mán Ɛẅɛnwrɔn mɛhi.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:4

Annanwɔrɛ mɛ̀n lɔ, bɔ̀ yá ny'ankaẅì-bùtan-ẅɛn ankà Zhezü Krisì mɛ̀n mán ɛcüɛ̀n léyi nye yé ankaẅì-bùtan-ẅɛn-bɔ̀ lɔ fɛn nɔn.

1 Tesalonikɛ̀n anmàn-bɔ̀ 3:6

Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn.

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Kpàkpà timote 1:19

Ɛ̀ ẅɛn ankaẅì-bùtan mán wàwúyɛ ankrankran ɛ̀ hɛ́n. Anwrɔn janbɔ̀ krɔ kè sɩ̀ die yɔ wàwúyɛ nukùɛ, hán tán kɩ y'ankaẅì-bùtan lɔ sɔ́n hɔ́n ɛnshiemɛ̀n.

Anhyrɛmɛ̀n timote 4:7

Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n.

Titɛ̀n 2:10

ô yɔ yerɛ yɔ ɛci. Yɔ yé y'edomɛ̀n ɛnvra lɔ fɛn anwrɔn ankrankràn, yɔ di ɔmùan-zri, ô kè dú Ɔwɔ, bɔ́ Ebɩdie-wrɔn ankà-yé lɔ n'ezìwú gbà.

Filemɔn 1:5

ɔmuhi mɛ yá yɛ dɔ́ ɛcüɛ̀n léyi ɛ̀ ẅɛn ankaẅìbùtan bɔ̀ wú, mán ankaẅìbùtan léyi dú mɛ́n Ɛẅɛnwrɔn Zhezü mɛ̀n nɔn.

Zhakɛ̀n 3:18

Anwrɔn hɔ̀n léyi kɛ hán anwɔwɔ kɔ̀hɔ̀n y'anwanzi nɔn, kɛ tɛ́ anwɔwɔ, kɩ antɛ̀-ẅì léyi yɔ küɛ nɔn, dú ɛwúvà léyi nyrɔn nɔn.

2 Piɛrɛ̀n 3:11

Ɔmuhi eci lɔ fɛn kɛ lɛ zrɛ́n eci-hán-ci ndɔ lɔ mɛ̀n nɔn, nyɛ́n nyri anvrɛnvrɛn, eci léyi ke ji le nyɛ́n hán nɔn! Ke ji le ny'esùnàn kè dú prɔnprɔn, ô kè yé ny'Ɔwɔ tɛ̀sɛ̀n sɔ̀nba.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.