Filipɛ̀n anmàn-bɔ̀ 1:25 - Ɛmɛẅi ankà ankrànkràn 2003

²⁵ Ɔmuhi mɛ̀n ẅɛn esɛ́ ndɔ lɔ mɛ̀n nɔn, mɛ̀n nyri ɔmu le mɛ lɛ yɛ́, kɩ nyɛ lɛ fɛn mɛhi bɔ́ le dù, ô mɛ̀n wá nyɛ̀n ɛkɔrɛ̀ ezì-hɔ́n mɛ̀n, ô nyɛ́n dú pɔpüɛ̀ mɛ̀n ankaẅì-bùtan-ẅɛn mɛ̀n.

Filipɛ̀n anmàn-bɔ̀ 1:25 Cross References

Lükɛ̀n 22:32

Kɩ mɛ́n sɛ̀n mɛ̀n tán mɛ́n ô ankàẅì-bùtan ke bɩ́ trɔ mɛ́n. Kɩ ɛnvra léyi e le vru ɛ̀ và cɔ́ mɛ̀n nɔn, ɛ̀ tán ɔmuan-ẅì hɔ̀n ecüì.”

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 20:25

Mɛ̀n ci ny'ɛmɛ̀n kɩ mɛ dɔ́ Anhobɩ́ Nɛ̀ncüì-dúyri ankà, tɛ́n zɛtɛ̀ lɔ, mɛ̀n nyri ɔmu le, ny'ɛmɛ̀n lɔ, ɔwrɔn zriɛmɛ́n ke sɩ̀ vru kán mɛ̀n hàn.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 15:18

Annanwɔrɛ mɛ̀n lɔ, ke dú kɛ mɛ dɔ́ eci tɔ̀n ankà hô, dú eci tɔ̀n léyi Krisì hán tán mɛ̀n, ô mɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ ẅɛn Ɔwɔ wá. Nɛ̀n hán eci lɔ ankà-dɔ́ mɛ̀n mán eci-hán mɛ̀n,

Rɔmɛ̀n-anmàn-bɔ̀ 15:29

Kɩ mɛ̀n nyri ɔmu le, ɛnvra léyi mɛ lɛ cɔ́ ny'anmàn nɔn, mɛ lɛ vá Krisì shifúemɛ̀n.

Rɔmɛ̀n-anmàn-bɔ̀ 5:2

Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn.

2 Korɛntɛ̀n anmàn-bɔ̀ 1:24

Bɔ́ sɩ́ ji bɔ̀ wá ankaẅì-bùtan ankà bɔ̀ tán nyɛ̀n, ɔmuhi nyɛ́n dú ɛshishiemɛ̀n ankaẅì-bùtan ẅɛn mɛ̀n; tɛ́n bɔ́ ji bɔ̀ srɛ́n nyɛ̀n ny'ɛnbɔrɛbru lɔ mɛ̀n.

Filipɛ̀n anmàn-bɔ̀ 1:24

tɛ́n zrɔ tán le ny'ɛkruhú, mɛ̀n vru mɛ̀n dú ɛwúvà mɛ̀n.

Filipɛ̀n anmàn-bɔ̀ 2:24

kɩ, mɛ̀n vru mɛ̀n ẅɛn esɛ́ léyi dú Ɛẅɛnwrɔn mɛ̀n nɔn le, mɛ́n dùku mɛ lɛ hɔ̀n mɛ̀n nyan nyɛ̀n ɛnvra bruemɛ̀n.

Filemɔn 1:22

Ɛnvra zri lɔ mɛ̀n, ɛ̀ wá m'ɛdɛ́yri tɔ̀n esùva, ɔmuhi, mɛ̀n ẅɛn esɛ́ le ny'ɔwɔ-sɛ̀n lɔ kɛ lɛ hán tán mɛ̀n và cɔ́ nyɛ̀n.

1 Piɛrɛ̀n 1:8

Nyɛ́n cüɛn nɛ̀n ke dú kɛ nyɛ́n sɩ́ kán nɛ̀n mán; nye bú n'ankà nyɛ tán ankaẅì kɩ nyɛ vá kán nɛ̀n; hɩ le kruhú de ecizrɔ pɔpüɛ̀ vri kɛ brá nyɛ̀n, ye sɩ́ cɔ́ n'ɛdɔ́-yri,