Filipɛ̀n anmàn-bɔ̀ 1:21 - Ɛmɛẅi ankà ankrànkràn 2003

²¹ Ɔmuhi mɛ tɛn, ɛwúvà dú Krisì, kɩ owù dú vɔ̀nshɛ̀.

Filipɛ̀n anmàn-bɔ̀ 1:21 Cross References

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 3:22

Pɔlɛ̀n, Apolɔsɛ̀n, Piɛrɛ̀n, ɛnhibù, ɛwúvà, owù, zɛtɛ̀ vrá mán ɛnvra léyi dú ezì kɛ và nɔn, fɛn lɔ dú nyɛ tɛn;

2 Korɛntɛ̀n anmàn-bɔ̀ 5:1

Annanwɔrɛ mɛ̀n, bɔ́ nyri ɔmu le, ke dú kɛ ɛcàsa-wɔn leyi bɔ́ dú ɛmɛ̀n nɔn (n'ɛmɛ̀n kɛ dɔ̀ le bɔ́ ɛnu ɛnhi antà-dùwrú) kɛ jrɛ́ hô, Ɔwɔ hɛ́n bɔ̀ edúyri tɔ̀n anhobɩ́ anmàn, edúyri tɔ̀n léyi anwrɔnẅì kè sɩ̀ hàn hɩ ke le dú ɛnvra lɔ fɛn nɔn.

2 Korɛntɛ̀n anmàn-bɔ̀ 5:6

Edùyì dú bɔ̀ ɛmɛ̀n ɛnvra lɔ fɛn. Bɔ́ nyri ɔmu le ɛnvra lɔ fɛn léyi bɔ́ le dú edùwrú ndɔ lɔ mɛ̀n nɔn, bɔ̀ dú esù she Ɛẅɛnwrɔn dúyri tɛ̀sɛ̀n

2 Korɛntɛ̀n anmàn-bɔ̀ 5:8

Edùyì dú bɔ̀ ɛmɛ̀n kɩ bɔ́ cüɛn ɔmu le bɔ̀ teze edùwrú ndɔ lɔ, ô bɔ̀ hɔ̀n yɛ́ Ɛẅɛnwrɔn tɛ̀sɛ̀n.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Galasi anmàn-bɔ̀ 6:14

Mɛ tɛn tɛ́n, m'ɔmùan-gbù ke le dú bɔ́ Ɛẅɛnwrɔn Zhezü Krisì gbàn-hán-tɛ̀ wú kɩ; annanwɔrɛ mɛ̀n lɔ, n'ɛkɔrɛ̀levriemɛ̀n de ɛnhibù wú m'ɛkruhú kɩ mɛ̀n wú ɛnhibù kruhú.

Filipɛ̀n anmàn-bɔ̀ 1:20

Annanwɔrɛ mɛ̀n lɔ, eci léyi mɛ vrá hɩ mɛ ẅɛn esɛ́ n'ɛwú nɔn, ke sɩ̀ tán mɛ̀n anvɛvrà zriɛmɛ́n. Tɛ́n, zɛtɛ̀ lɔ mán ɛnvra lɔ fɛn, esɛ́ vri mɛ̀n, me le yé Krisì vrisɩ̀ lɔ, m'antà-duwrú mumù lɔ fɛn mɛ̀n, ke dú ɔkɔrɛ mɛ̀n mán, ke dú owúemɛ̀n mán.

Filipɛ̀n anmàn-bɔ̀ 1:22

Tɛ́n ke dú kɛ me dú ɛwúvà mɛ̀n, kɩ ndɔ lɔ kɛ lɛ tán mɛ̀n ɛkɔrɛ̀levri mɛ̀n hán eci ankrankran, zɛtɛn mɛ́n sɩ́ nyri hɩ le mɛ lɛ mrɛ́n mɛ̀n bɩ nɔn.

Filipɛ̀n anmàn-bɔ̀ 1:23

Mɛ̀n mán ankà-tro anhyrɛ̀ mɛhi bɔ́ wrɔ́n ecüì: mɛ cüɛn ɔmu le mɛ̀n teze ɛwúvà ndɔ lɔ, ô mɛ̀n mán Krisì mɛhi bɔ̀ dù, hɩ de ke le zeze kɛ̀ zrɔ nɔn;

Filipɛ̀n anmàn-bɔ̀ 2:21

Anwrɔn ndɔ hɔ̀n lɔ fɛn kɛ nyan y'ɔkɔ̀hɔ̀n ankà kɩ, kè sɩ̀ dù Zhezü Krisì ankà ke bru yɔ.

Kɔlɔsèn anmàn-bɔ̀ 3:4

Ny'ɛwúvà annanwɔrɛ lɔ dú Krisì, kɩ ɛnvra léyi nɛ lɛ srɔ nɔn, zɛtɛn nyɛ lɛ srɔ nyɛ́n mán nɛ́n mɛhi, kɩ nye le dú n'eci-zrɔ lɔ mɛ̀n.

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”